1Pedro 2:6 - Tradução Bíblica Pacaas Novos

⁶ Je ca xirao' pe xine pain capijacon Iri' Jam ma' quem. Taraju wet xine. Tora' inon wari' co hohot tamana napa' cwa'. An pe inon pain Sião. Ac iri' pacun ca to' teren nain xirim. Wari' co howa non ma', om ta xat camain' ne ximicon. Ac i ma' na ca xirao' pe nein ma'.

1Pedro 2:6 Iomraidhean Croise

Mateus 12:18

Noro jun wari' ne co tora' ta' cwa', co taramaja mi' napa' cwa'. Om ca noc ton. Hohot tamana napa'. Mi' ton pain Tamatara. Pijim' totoron oro wari' pain oro xijein macan'. Oro wari' co om judeu nana ma', tomi' hwet pan ac tococwa tara pain ca ara xo' ne ca', pain ca main wap ton toton oro wari' co pan teretem nana ma'.

Marcos 12:10

Je ca tomi' xuhu' ca' ac tococwa na. Om ca noro camain' hwein ca xirao' pe xine pain capijacon Iri' Jam ra? Ca' na ca xirao' pe xine: Pacun ca noc pin caca wari' co quep xin paxi' nanain xirim ma', aram aram iri' pacun ca to' teren nain xirim pin na.

Lucas 20:17

Noro pan ac cocon na Jeju. Om ca noro ni ca' tococwa, noro tata. Tomi' querec ac tococwa na: Cain' ca tomi' mao ne ca xirao' pe xine pain capijacon Iri' Jam quem? Ca' na ca xirao' pe xine: Pacun ca noc pin caca wari' co quep xin paxi' nanain xirim ma', aram aram iri' pacun ca to' teren nain xirim pin na. Ac i ma' na ca xirao' pe xine pain capijacon Iri' Jam pane.

Lucas 23:35

Noro nana oro wari' co coco' to nanain i ma' quem. Oro taramaxicon ma' quem, tatam' nonon Jeju, tomi' xirac ca' nonon: Quep xiho' nonon oro wari' pane. Mo xi Cristo ca, mo xi wara tora' iri'o' con Iri' Jam pane, je i ma' xira ca quep xiho' pan xucun quem na ca tomi' xirac cocon ma'.

João 7:38

Win ne ca xirao' pe xine capijacon Iri' Jam ca': Wari' co howa napa', weweweo qui' ac nein ximicon tara ca hoi hoi ne com ca mi' nain ca e' cara wa ta na ca xirao' pe nein na ca tomi' tococwa ma'.

Atos 1:16

Tomi' ac tococwa na: Tomi' xim inuhu' ta xere. Wara xirao' pe nain capijacon Iri' Jam taramaxicon Davi cara pane. Je Tamataracon Iri' Jam ca mi' non pain ca xirao' pe cain carawa ca ara ta' ca Judas cara pane. Na e' na pain ca hwet pin ne ca xirao' pe nucun con quem. Taxipa' paxi' naparut Judas pain ca taramaja wi caparut pane. Ane o mi' cocon con Jeju oro taramaxicon co quep xun nonon pane ne. Ac i ma' na ca tomi' tococwa ma'.

Romanos 10:11

Je ca xirao' pe xine pain capijacon Iri' Jam ca'. Ca' na con: Oro wari' co howa nonon ma', om ta xat camain' ne ximicocon ta, ac i ma' na ca xirao' pe xine ma'.

Efésios 1:4

Wara tora' napari' Iri' Jam pain cara pane, pain ca om tomi' ma' querec qui' cain macan' je oro carawa pane. Xi om ne ca win cwere ara xun Cristo ta. Tomi' ca' napari' pane: Iri' wari' ne inuhu'. Om ca ma' camain' cuhu' ca caracat wa pain ca querec joc mam' mi' xuhu' con Panxita' cwa' ta napari' pane. Om ca noc capari'.

Efésios 2:20

Ac ca quep cain xirim ara xi' na Iri' Jam. Oro apóstolo cocon oro profeta ma', ac oro pacun pain caximain xirim nana. Wari' pain ca howa xun Jeju cwa', ac oro pacun ca mam' quep cain Iri' Jam iri'. Jeju Cristo iri na ne, wirico co ac iri' cote ne pacun ca to' teren nain xirim pain caximain ma' quem.

2 Timóteo 3:16

Oro capijacon ca xirao' to caca oro hwanana pane, maqui' maqui' pi' pin nain ca coromicat nucun Iri' Jam. Quep xiho' napari'. To' querec pin' napari' pain oro ca iri'o' wa. Pan to' nain tarajixi' pain ca pan teretem nexi'. Tomi' xo' napari', an to pin jein ca caracat nuhu' ta napari'. Hu napari', an hwet mi' napari' pain ca param nucun Iri' Jam pain ca xuruxut xo' je capari' quem. Ma' ta hohot mahu' ta napari'.

1Pedro 2:4

Wixicam pin hun Taramaxicon nexi' Jeju co an xiho' nain pacun ca e' ma', ca to' teren nain xirim. Noc urut pum ta paxi' nonon oro wari' pane, ane tora' pan con Iri' Jam ne. Hohot tamana ara xi' mapa' ta non pane.

1Pedro 2:8

Ma' na xijein capijacon Iri' Jam ca xirao' pe xine quem: Co ma' co an xiho' nain pacun ca noc caca ma', an xiho' nain pacun ca xut tao' pan' non wari' ma' quem. Ac i ma' na ca xirao' pe nein ma'. Je ca tomi' xuhu' ca': Xuruxut tao' pan' camara' tata co om howa nana ma', xi tomi' ha' cacain capijacon Iri' Jam ca pijim' hwet tococwa ma'. Wara coromicat an pe xo' mi' ara xi' nonon pain ca camara' wa Iri' Jam ta.

2 Pedro 1:20

Tomi' xim inuhu' pain i ca' quem, tomi' mip inuhu', taraju pa' je. Oro ca xirao' nucucun oro profeta pain ca xirao' pe cacain capijacon Iri' Jam pane, om ca maqui' pan nein ca coromicat nucucun pain ca tomi' xo' cacain ca taraju pa' pan nucucun.

2 Pedro 3:16

Xirao' ac i ma' taxipa' na pain oro ca xirao' nucun ma', pain ca tomi' mi' cain xec nein ca in qui' ta' ca Taramaxicon nexi'. Ma' paxi' na ca xirao' nucun ca i'ina napari' pain ca taraju pa' wa. Oro co om taraju pa' nana cocon oro co om hwara' opa nana pain ca howa nucucun ma', tomi' ni ca' nanain ca tomi' mao nein oro ca xirao' nucun Paulo. Om ca xica' pe ne ca tomi' mao nein oro ca xirao' nucun Paulo ca tomi' ni ca' caca ma', tomi' ni ca' nanain ca tomi' mao nein oro xijein capijacon Iri' Jam quem. Je ta wap xun tococwa ta.