1Pedro 2:4 - Tradução Bíblica Pacaas Novos

⁴ Wixicam pin hun Taramaxicon nexi' Jeju co an xiho' nain pacun ca e' ma', ca to' teren nain xirim. Noc urut pum ta paxi' nonon oro wari' pane, ane tora' pan con Iri' Jam ne. Hohot tamana ara xi' mapa' ta non pane.

1Pedro 2:4 Iomraidhean Croise

Mateus 11:28

Tomi' ac tococwa na quem: Wahu' pain ca jam' ca' hwein oro ca jain jain nuhu' pain ca tama' tomi' ha' xun paxi' huhun co hu nunuhu' ma', ac ca an tiquin' hwein na carawa ca xite. Tomi' inuhu': Harahap je, wixicam xine me. To' wa pin ac tain tara xumuhu'.

Mateus 12:18

Noro jun wari' ne co tora' ta' cwa', co taramaja mi' napa' cwa'. Om ca noc ton. Hohot tamana napa'. Mi' ton pain Tamatara. Pijim' totoron oro wari' pain oro xijein macan'. Oro wari' co om judeu nana ma', tomi' hwet pan ac tococwa tara pain ca ara xo' ne ca', pain ca main wap ton toton oro wari' co pan teretem nana ma'.

Mateus 21:42

Je ca tomi' xuhu' ca' ac tococwa na. Om ca noro camain' hwein ca xirao' pe xine pain capijacon Iri' Jam ra? Ca' na ca xirao' pe xine: Pacun ca noc pin caca wari' co quep xin paxi' nanain xirim ma', aram aram iri' pacun ca to' teren nain xirim pin na. Wirico Iri' Jam pan na co ara nain i ma'. Wa wa tamana ac urun na quem. Ac i ma' na ca xirao' pe xine pain capijacon Iri' Jam pane na ca tomi' tococwa ma'.

João 14:19

Om ta pain homa ne, om ac ne tara ca querec mami' cacapa' co om howa nanapa' ma'. Wahu' iri na ne, querec mami' ac mahu' tara. Om ta pi' ra ha' ne ca e' nuhu' ta. Xi pi' ra ha' ne ca e' ne ca' quem.

João 14:6

Om na, wata' co Iri' Wanaxicon Te Iri' Jam pan cwa' ta ac ca na Jeju. Wata' co an hwet mi' nuhu' pain ca iri'o' wa con. Wata' co mi' nuhu' pain ca e' cara wa quem. Xica' pe ina pain ca mi' taxi' xuhu' pain ca hwet hun Te ta. Om na xucun.

João 5:26

Wirico Te co mi' nain ca e' wa. Ac i ma' ina quem, pain ca Panxita' capa' ca'. Mi' inain ca e' wa quem. Xi om ne ca mi' rain ca e' wa ta ara capa' ta.

João 5:40

Ane om howa mahu' ne. Howa xine me paxi' inuhu'. Ma' ta mi' xuhu' pain ca e' wa ta inuhu'. Ane noc mahu' ne. Om ca howa je na hwe ta tata.

João 6:37

Mi' xim iri tarapa' cocon oro wari' Te ne, howa howa pi' pin ac cacapa' tara. Om ta tomi' in pin camain' toton co howa xim nanapa' ma'.

João 6:57

Hwet roron oro wari' napa' Te co mi' nain ca e' cara wa pain pawin ma'. Je ca e' ta' ca' quem. To' e' cara napa'. Ac i ma' inonon oro wari' cwa' quem. Oro wari' co cao' nanapa', to' e' cara ac toton na.

Romanos 5:10

Noc paxi' urun Iri' Jam pane ira, ane cut in pan capari' ne. Taxipa' pin ac urun na. Xi mi' pin ara ca Panxica ta. Wirico Panxica co to' taxipa' pin napari' con, taxi' urun. Je ca taxi' mip xun pain i ca' quem, pain ca main to' witan pin xim capari' ca', xi e' ara ca ta.

1 Coríntios 3:11

Xi ma' ca xucun co pijim' wa ta, ma' xica' pe na Jeju Cristo co an xiho' nain iri' pacun pain caximain xirim ma', wirico co to' teren napari' pain ca howa nexi' quem. Om ca na ne pain ca pijim' xun xucun wari'.

Colossenses 3:4

In qui' iri tara Cristo co mi' nuhu' pain xocori ca e' nuhu' ma' ne, maqui' wi ac hun tara, an xiho' ac hun tara pain ca awi tamana nucun quem.

1Pedro 1:19

Mam' to' witan nuhu' pain wic ca awi tamana ma', je quicon Cristo co ac wijimain taramaji ovelha ca om em' camain' ma'.

1Pedro 1:7

Noro jein ouro ca om awi cara ma', ca an tom pe xine ma'. Awi paxi' na, ane awi tamana pan capa' ca howa nuhu' ne nuhu' Iri' Jam. Je ca to' i'ina cuhu' oro carawa pain xocori ca' nuhu', ma' ta querec pin' xihwe pain ca howa iri'o' hun Jeju ta nuhu'. Ma' ta awi hwe, tomi' querec te tamana inuhu', hohot tamana mahu' ta xuhu' ca' turuhu' pain xec nein ca aram aram in qui' ta' nucun Jeju Cristo ta.

1Pedro 2:7

Je ca tomi' xuhu' ca'. Hohot tamana nuhu' Cristo co an xiho' nain pacun ca to' teren nain xirim ma', xi om ne ca howa ara hun ta. Oro co om howa nonon ma' iri nana ne, an xiho' nonon oro co noc nonon ma'. Win ne ca xirao' pe xine pain capijacon Iri' Jam ma' quem: Pacun ca noc caca caram ma' co quep xin nanain xirim ma', aram aram iri' pacun ca to' teren nain xirim pin na ta. Ac i ma' na ca xirao' pe nein ma'.

2 Pedro 1:1

Simão Pedro ina pain ca xirao' mi' xuhu' ca'. Taramaja mi' inon Jeju Cristo. Apóstolo ra napa' pain ca tomi' hwet roron pain capija oro wari' capa' pane. Xirao' mi' inuhu' pain ca win ma' ne xijexi' pain ca howa xun Jeju Cristo. Wirico co Iri' Jam ne iri' cwa', co to' witan napari' cwa'. Om ca tomi' querec te paxica' capari', mi' mi' pi' pin napari' pain ca howa xun ca'. An an ari xijein ca howa nexi' quem.

2 Pedro 1:4

Je ca mam' ara mi' capari' pain oro ca wara tomi' pe ca pane. Awi tamana na oro ca wara tomi' pe nucun, om ca em' camain' ne, hohot tamana na oro ca param mi' capari'. Ma' ta witan ca' hwein oro ca to' em' nuhu' ma', ca maqui' nein oro ca param pan tem wa pain macan' ca' napari'. Ma' ta an xiho' mahu' pain ca ara xo' ne pain ca Iri' Jam ne ta napari' quem.