1Pedro 2:21 - Tradução Bíblica Pacaas Novos

²¹ Je ara xi' na ca wara param mi' cuhu' pain ca xo' howa xine ta qui' cuhu' pain cara pane. Mo ta quep em' ximama' xihwe, je i ma' ira je, quereme ac hwein tara ta nuhu'. Xi om ne ca quereme ara ca Cristo pain ca quep em' ximao pan tocwa pain ca mi' pin caho' cuhu' pane ta. Win ta' pane, an xiho' xine pain ca quereme ta' pane nuhu' quem.

1Pedro 2:21 Iomraidhean Croise

Mateus 10:38

Wari' co ja' ja' xim paxi' napa' ma', mo ta xiram pa' cain curucun pain ca jin' cain ca mi' pin wa pain ca taxipa' capa' ma', om ca hohot ne pain ca taxipa' capa' ma'.

Mateus 11:29

Ja' ja' xine, na ra xine pain ca hu xim xuhu' ca'. Xao to wa ac hwein tara xumuhu'. Xi tomi' wixite ara xuhu' ta. Om ca xec xec ta' pain ca tomi' pan hot e' xuhu' ca'.

Mateus 16:24

Tomi' ac caparut na pain ca taxipa' urut con ca'. Wari' co ja' ja' xim napa' ma', miri'om ac cain tara ca param nucun. Om ta xiram pa' camain' cain curucun pain ca jin' cain ca mi' pin wa. Ac ca an tiquin' pan cain tara panaxicon ca mam' tatatain mi' xun tocwa ma'. Ja' ja' ac capa' tara ta.

Lucas 24:26

Xi na e' ara ne pain ca jain jain ca Cristo pain ca mi' pin nucun ta. Aram aram mi' pan ac con tara pain ca momon taramaxicon cara wa Iri' Jam ta na ca tomi' tococwa ma'.

João 13:15

Win ta' ca', ac i ma' tara ca ara mi' xujuhu' quem.

João 16:33

Tomi' hwet inuhu' pain oro ca tomi' ne ca', ma' ta om toron ne xumuhu' pata' inuhu'. Ma' paxi' turuhu' oro ca to' i'ina nuhu' pain macan' ca'. Na e' nuhu' pain ca hwara' opa hwe. To' quiji' pin ara xi' inon co ma' co taramaxicon pe ho' nonon oro wari' co om howa nonon Te ta na ca tomi' caparut ca'.

Atos 14:22

Hwet iri tata co howa nonon Jeju pain oro cidade ma' ne, quep xiho' ac tococwa na pain ca howa nucucun. Hu ca' tata: Ta an to hwein ca howa wa me, howa cara jun Jeju ta ac tococwa na. To' i'ina tatarapari' oro wari' co om howa nonon Jeju ma' ac tococwa na. Quep em' xim paxi' tatarapari'. Je i ma' ira, na e' na pain ca jain jain iri' pain ca to' i'ina to' i'ina cacapari' ma', aram aram to ho' pin ac xun tara Iri' Jam ma', pain ca aram aram taramaxicon pe ho' toton cocon oro wari' nucun ta, ac i ma' na ca quep xiho' tococwa pain ca to' hwara' opa tococwa ma'.

Atos 17:3

Ca' na ca tomi' xo' pan cocon Paulo ma': Wari' nucun Iri' Jam co Cristo ma', na e' na pain ca jain jain ca pain ca to' pa' pin tocwa. Na e' na pain ca e' mami' ca. Win ne ca xirao' to caca oro profeta cara pane ta tata. Je ca tomi' xuhu' ca' ac tococwa na. Jeju cwa', co pijim' hwet xuhu' cwa', wirico co Cristo ta. Ac i ma' na ca tomi' tococwa ma'.

Atos 9:16

Pijim' hwet iri tarapa' cocon oro wari' ne, mija ac ne tara ca jain jain ca pain oro carawa ca ara ton non. Tomi' hwet pan ton pain. Ac i ma' na ca tomi' xo' con Ananias Taramaxicon nexi'.

Romanos 8:29

Xi wara querec pin' ara capari' pain ca om ma' querec ne macan' pain cara pane, wara tora' napari' pane. Ma' ta main an tan pan hun Panxita' ta napari'. Ma' ta aji' hun pain ca xere xujuhu' ma' napari'.

1 Coríntios 11:1

Je ca tomi' xuhu' ca': An xiho' xine me. Win ne ca an xiho' ton Cristo ca'.

Efésios 5:2

Ta noc camain' xujuhu' me. Win ca Cristo pain ca om noc qui' capari' pain ca om narain ho' qui' xucun pari' pane, ac i ma' je pain ca om noc xujuhu' me. Mi' pan xucun con Iri' Jam Cristo. Ma' ta mi' pin caho' toton ta non pari' pane. Hohot tamana non Iri' Jam quem, hohot tamana non pain ca mi' pin caho' capari'.

Filipenses 2:5

Ca coromicat nuhu' ma', an xiho' e' tarain ca coromicat nucun Cristo Jeju ta.

1 Tessalonicenses 3:3

Hwet roron, ma' ta om to' i'ina tococwa pain ca quep em' tococwa pain ca howa nucucun ta urut con pahu'. Wara taxi' ara xi' hwein ca coromicat an pe xo' nucun Iri' Jam pari', pain ca main quep em' tuturuhu' oro wari' pain ca howa mahu' ta capari' pane.

1 Tessalonicenses 4:2

Xi taxi' ara hwein ca pijim' mi' urut pahu' pain ca hu urut pahu' pane ta. Wirico Taramaxicon nexi' co pijim' ac i ma' jujun ta naparut pahu' pane.

2 Timóteo 3:12

Je cwerein ta. Quep em' quep em' xam' tata oro wari' co win xumu xin nanain carawa ca hohot non Iri' Jam ma', pain ca howa cocon Cristo Jeju ma'.

Hebreus 2:10

Wirico Iri' Jam co tomi' ma' tomi' ma' pi' pin nain oro carawa ma', co querec wet querec wet pi' pin nain ma' quem. Hohot na ca coromicat an pe xo' nucun pain ca jain jain jain jain mi' pin caho' roron ta con Jeju pari'. Ma' ta ha' quem pain ca ara pi' pin main ca taramaja nem pain ca to' witan toton momon ta non pari'. Ma' ta mija caca oro mana panxita' co to ho' xim nanapa' pain pawin ca' quem non pari'. Wum tara co o mi' napa' cocon ta non pari'.

1Pedro 1:20

Wara tora' paxi' non Cristo Iri' Jam pain cara pane, pain ca om tomi' ma' querec qui' cain macan' pane. Ane an hwet e' con pain xocori ca' ne. Ma' ta to' witan pin cuhu' ta nuhu'.

1Pedro 2:24

Wirico co quereme ma', pain ca tatatain pe tocwa pain pana pane. Cut pi' pin nain ca caracat nexi' pain curucun. Ma' ta caracat caracat om pin hwe ta napari'. Ma' ta xuruxut xo' hwe pain ca ara e' hwein ca awi wa ta napari' quem. To' xio pin nuhu', xi om ne ca wap wein pin ara xine curucun pane ta.

1Pedro 3:18

Xi jain jain ara ca Cristo pain ca mi' pin caho' capari' pain ca caracat nexi' pane ta. Pain ca mi' pin nucun pane, mi' pin na. Om ta mi' pin mami' ca. Om ca caracat camain' ca, xut xo' na, awi na. Ane mi' pin caho' pan capari' pain ca pan teretem nexi' pain ca om xuruxut xo' nexi' ne. Ma' ta o mi' xuhu' con Iri' Jam ta napari'. To' pa' pin iri ta pane ne, mi' pin ac ne na curucun. To' e' mami' iri ta ne, je Tamataracon Iri' Jam ac ne na ca to' e' mami' non quem.

1Pedro 3:9

Mo ta quep em' cuhu' wari' ma', mo ta tomi' xirac cuhu', ta win mapa' ne hun me. Tomi' mi' pan jun con Iri' Jam. Xiram pa' ron, quep xiho' ron ta Te Iri' Jam jun. Xi wara param mi' xuhu' pain ca awi wa ta ara cuhu' pain ca xo' howa xine ta qui' cuhu' pane ta.

1Pedro 4:1

Je ca tomi' xuhu' ca'. Jain jain na Cristo pain ca wari' nucun pane, pain ca ma' ne curucun pane. Je ta wara awori xo' qui' hwe pain ca an xiho' hun pain ca coromicat nucun quem, pain ca om nain ho' pan xucun pain ca jain jain wa pane. Xi ac i ma' ara ca wari' co quereme nain ca jain jain wa pain ca caxi ne curucun ma'. Noc nain ca caracat wa ta.

1Pedro 4:13

Jain jain iri hwe pain ca quep em' xihwe pain ca howa hun Cristo ne, jain jain wi ac hun na. Je ta tomi' querec te qui' hwe pain, ma' ta tomi' querec te tamana hwe pain ca aram aram an hwet mi' xim capari' pain ca hwara' opa nucun pain ca awi tamana nucun quem.

1João 2:6

Wari' co tomi' ca' ma', win cwere inon Iri' Jam ta, am tomi' ac i ma' ca. Na e' na pain ca xut xo' ca quem. Win ca Jeju pain ca xut xo' ca pane.

1João 3:16

Mi' pin caho' iri napari' Jeju Cristo pane ne, to' querec pin' ac capari' na pain ca om noc camain' capari' ta. Om ca nain ho' xucun pari', mi' pin caho' napari'. Ac i ma' xi' quem, om ta narain ho' xijexi' cocon oro xerexi' cwa'. Quep xiho' xijexi', am cono' xi' iri' pain ca quep xiho' xijexi' ca'. Je i ma' ira xi'.

Apocalipse 12:11

Oro xerexi' ma', wiricoco co to' quiji' pin nonon. Mam' to' quiji' pin nonon pain ca hwara' opa nein quicon co ma' co ac Wijimain Taramaji Ovelha ma'. Mam' to' quiji' pin nonon pain capijacon Iri' Jam ca pijim' caca con Jeju ma' quem. Mo ta to' parapa' xim cacapari' pain ca howa xun Iri' Jam cwa', je i ma' ira, to' parapa' ma' tatarapari' ne nana.