1Pedro 2:12 - Tradução Bíblica Pacaas Novos

¹² Xuruxut xo' je pain ca to ho' huhun oro wari' co om howa nana ma'. Tomi' em' paxi' tuturuhu', pan teretem nana ta paxi' tuturuhu'. Je i ma' ira, xuruxut xo' je, ma' ta querec pin' cucuhu' pain ca ara hwein oro ca awi wa ta. Aram aram awi na Iri' Jam ta ac caca tara pain xec nein ca in qui' ta' nucun quem.

1Pedro 2:12 Iomraidhean Croise

Mateus 10:25

Carawa ca ara mi' tocwa co ca' na ma', ara mi' ac tocwa tara co ca' na wa ma' quem. Carawa ca ara mi' tocwa taramaxicon ma', ara mi' ac tocwa tara co taramaja mi' e' non ma' quem, je cwerein, hohot na ta je. Je ca tomi' xuhu' ca': Taramaxicon paxi' ina, ane tomi' noro cacapa' co noc nanapa' cwa' ne. Caxicon Jam ma ta nanapa'. Wahu' iri na pain ca wari' ne xuhu' ca' ne, tomi' xirac tamana tuturuhu' quem. Ac ca om tomi' xirac homa cacapa' na pain xocori ca'. Ame hwe e', tomi' xirac tamana pan tuturuhu' ta naparut.

Mateus 5:11

Wahu' pain ca tomi' xirac xihwe pain ca howa mahu' ma', je pain ca ja' tequi' quep em' xihwe ma', je pain ca tama' tomi' xina ximama' xihwe ma', ara ac i ma' iri xihwe pata' ne, param mi' ac xihwe tara pain ca awi wa ta.

Mateus 5:16

Je ca tomi' xuhu' ca'. Ac i ma' tara ca toha ne naran nuhu' ta. Toha mi' jujun oro wari'. Ma' ta querec pin' cacain ca ara hwe ma', pain ca ara hwein ca awi wa ma'. Ma' ta awi na xin Iri' Jam ta cocon Cotere' co pe pawin pahu'.

Mateus 9:8

Querec iri nanain i ma' oro wari' ma' ne, wa wa pin ac caca na, in ac tamana ac cocon na Iri' Jam quem. Awi na Iri' Jam ta, mi' non pain ca hwara' opa wa wari' cwa', pain ca quep xio ron co carama pe cwa' ta con ca' na ca tomi' caca ma'.

Lucas 1:68

Awi tamana na Iri' Jam co Iri' Taramaxicon cwa', co howa iri' pain ca wari' nein Israel iri' ca'. Na e' na pain ca tomi' hwet xin ca tomi' querec te nexi' con ta. Xi hwet ara capari' pain ca wari' ne capari' ca'. To' witan xim napari' quem.

Lucas 19:44

Corom hwet ac cucuhu' tara, om ta xiram pa' camain' cucuhu', to' parapa' pin tuturuhu'. Wahu', mana panxihwe ma' quem, to' parapa' to' parapa' pi' pin ac cucuhu' tara. Om ta to wet xica' pe camain' ne oro pacun nein oro xuruhu' ma' quem, to' pa horohot pi' pin tatarain ta. Xi querec pin' hun Iri' Jam pain ca to' witan xim paxi' cuhu' pata' ta na ca tomi' tococwa pain ca aca nucun.

Lucas 6:22

Wahu' pain ca noc cucuhu' oro wari' ma', pain ca howa mahu' pain ca Iri' Wari' ta' ca', wahu' pain ca xin hwerehwet cucuhu' pain ca cut in to xucucun ma', je pain ca tomi' xirac cucuhu' ma', je pain ca tomi' ximama' cucuhu' pain ca pan teretem hwe ta cucuhu' ma', ara ac i ma' iri nunuhu' pata' ne, param mi' nuhu' pain ca awi wa Iri' Jam ta.

João 13:31

Hwet mao iri na Judas ne, tomi' ac caparut na Jeju: Maqui' pin napa' xec nein ca an hwet pe pin tain cain ca awi ne Te ta. Querec pin' tatarapa' oro wari' quem. Querec pin' tatarapa' pain ca hwara' opa ne pain ca awi tamana ne ca', pain ca Iri' Wari' ta' ca'. Querec pin' totoron Te Iri' Jam pata' quem. Querec pin' totoron pain ca hwara' opa nucun pain ca awi tamana nucun quem.

Atos 15:14

Je ca tomi' capari' Simão cwa'. Tomi' hwet napari' con Iri' Jam ma', pain ca xo' xiram pa' ten qui' cocon oro wari' co om judeu nana pain cara pane. Ma' tatara co tora' ta', co wari' ne ta' ta na Iri' Jam ta napari'.

Atos 24:13

Pain ca tomi' caracan nonon oro wari' ta cacapa' ca', je pain ca ja' teretem nonon oro wari' ta cacapa' ca' quem, om ca iri'o' na ta ac quequem ta taramaxicon. Xi ma' ca wari' co iri'o' na ta wi nonon ta.

Atos 25:7

Corom iri na Paulo ne, coco' coco' mam' pin ac cocon na oro taramaxicon nucucun oro judeu ma', co maqui' nanain Jerusalém ma'. Mija na ca tomi' em' cocon ta. Mija na ca pan tem ca co cwa' ta, caracat tamana na, om ca awi camain' ca, ac i ma' na ca tomi' em' cocon. Ane tomi' ximama' e' caca ne. Om ca iri'o' na ta ac cocon taramaxicon. Xi ma' caca wari' co an an ari ne ca tomi' nucucun pain ca iri'o' na ta cocon ta.

Atos 28:22

Ane taxi' urut cocon oro wari' pain oro xijein macan' ne, taxi' urut cocon pain ca tomi' napat tomi' napat xam' cocon oro win ma' nem co howa nonon Jeju ma'. Je ca taraju xim urut pum pain ca tomi' hwet maparut pain ca coromicat nem ma', pain ca howa nem con Jeju ma' na ca tomi' cocon ma'.

Romanos 12:17

Mo ta quep em' cuhu' wari' ma', ta win mapa' ne hun me. Xuruxut xo' je, ara e' jein ca awi na ta caca oro wari' ma'.

Romanos 13:13

Xuruxut xo' xi'. Wari' nein xec xi'. Om ta tamanain to xi'. Om ta toc tamanain to xi'. Om ta quep ximama' xi'. Om ta noc ximama' xijexi'. Om ta noc mi' xijexi' pain oro caramajixi'.

Romanos 14:18

Mo ta tomi' ha' ac i ma' xun Cristo, hohot ac xun tara Iri' Jam. Hohot hwe ta ac cacapari' tara oro wari' quem.

Romanos 15:9

Ma' ta tomi' hwet cacapa' oro co om judeu nana ta non. Awi na Iri' Jam awi na Iri' Jam, xi om ne ca xiram pa' ara capari' ta, ac i ma' tatarapa' ta non. Win ne ca xirao' pe xine ca tomi' nucun Cristo pane, pain ca tomi' con Cote ca pane. Ca' na con pane: Je ta tomi' hwet qui' tain ca awi nem pain ca aram aram pe ho' toton oro co om judeu nana ta. Awi na Iri' Jam awi na Iri' Jam ta ta' pum. Com an hwet pe tain wuxum quem. Ac i ma' na ca tomi' con pane.

1 Coríntios 14:25

Coromicat ac ca tara: Om paxi' na ca querec pin' cacapa' pain ca pan tem ne oro win ma' ne cwa', ane taxi' pan capa' pain Iri' Jam ne, ac i ma' tara ca tomi' ca ma'. Pe torotop tucu hwet mi' tarain macan', tomi' querec te ac con tara Iri' Jam pain ca in ac con ma'. Pe ho' momon caram cwa' co howa nenem cwa' ira ac con tara quem.

2 Coríntios 1:12

Tomi' querec te urut, xi om ne ca taxi' ara xujuxut pain ca tomi' iri'o' urut ta. Xuruxut xo' urut cocon oro wari'. Xuruxut xo' pan urut pahu' quem, om ca tomi' mixein camain' urut pahu'. Wirico Iri' Jam co mi' naparut pain ca xuruxut xo' nuxut, wirico co mi' naparut pain ca tomi' iri'o' nuxut quem. Om ca maqui' nein ca coromicat nein ca wari' wa, om na. Wirico Iri' Jam pan na co mi' naparut pain ca xuruxut xo' nuxut, xi xiram pa' ara caparut ta.

2 Coríntios 13:7

Je ca tomi' mi' urut pahu' con Iri' Jam quem. Mi' roron pain ca om pan teretem camain' caca ta urut con pahu'. Om paxi' na ca param urut cocon oro wari' pain ca querec pin' cacaparut pain ca hohot urut con Iri' Jam pain ca taramaja nuxut ca', om na. Param e' urut pahu' pain ca xuruxut xo' hwe ma'. Hohot paxi' naparut pain ca tomi' ximama' cacaparut oro wari' pain ca om ca taramaja xo' hwe ta cacaparut pahu'. Je i ma' ira urut ta.

2 Coríntios 8:21

Ma' na xumuxut pain oro ca ara urut con, ara xo' xixin na urut pain. Ma' ta querec hohot capari' Taramaxicon Iri' Jam pain oro ca ara iri' ca', ma' ta querec hohot cacapari' oro wari' pain oro ca ara iri' ca' quem, ac i ma' na ca coromicat nuxut.

Efésios 2:3

Je cwerexi' pane quem. Ac i ma' ac i ma' pi' pin iri' pane ira. Ara e' irin ca param ne cwerexi'. Tomi' ha' e' irin ca param pan teretem ne cwerexi' pain ca coromicat pan teretem nexi'. Wap xim napari' Iri' Jam pane quem. Win ne ca wap wap pi' pin tococwa oro wari' co pan teretem nana ma'.

Efésios 4:22

Ca' na ca tomi' urut pahu' pane: An to pin jein wara curuhu' ca ara taxipa' hwe pain ca om howa querec hun Iri' Jam pane. Oro ca param ne wara curuhu' ma', mixein nuhu'. To' em' nuhu'.

Filipenses 1:27

Je ca tomi' xuhu' ca', win xumu cain' jein ca xuruxut xo' wa ta. Ac oro wari' co xuruxut xo' nana pain ca howa cacain capijacon Iri' Jam ca tomi' hwet napari' con Cristo ta je, ac i ma' tara ca xuruxut xo' nuhu' ta. Am ha' capa' pain ca hwet xuhu', am om ha' capa'. Am taraju e' xuhu' pain ca tomi' hwet xihwe pain ca xuruxut nuhu' ma', je i ma' ira. Taxi' xuxuhu' na inuhu' pain ca hwara' opa hwe pain ca ac ca xica' pe ne ne xumuhu' ma', pain ca tomi' in pin wi huhun oro wari' co ari nanain capijacon Iri' Jam ca tomi' hwet napari' con Cristo ta.

Filipenses 4:8

Tomi' xim inuhu' pain i ca' quem xere: Coromicat e' jein oro ca iri'o' wa pain ca om mixein wa ma'. Coromicat e' jein oro ca hohot ma'. Coromicat e' jein oro ca ara xo' wa ma'. Coromicat e' jein oro ca om pan tem wa ma'. Coromicat e' jein oro ca om noc wa ma'. Coromicat e' jein oro ca om tomi' napat wa ma'. Oro ca awi ma', oro ca hohot ne pain ca in ac iri', je i ma' tara ca coromicat e' hwe.

1 Tessalonicenses 4:12

Ma' ta querec pin' cucuhu' pain ca xuruxut xo' nuhu' oro wari' co om howa nana ma'. Ma' ta om mi' ne mi' ne huhun pain carawa oro wari' quem urut pahu'.

1 Timóteo 2:2

Tomi' mi' xuxun con Iri' Jam oro taramaxicon cocon oro xucucun wari' co querec wet nanapari' quem. Ma' ta om to' i'ina capari' oro ca to ho' xijexi' ca'. Na ac capari' tara pain ca xuruxut xo' iri' pain ca ara xin oro carawa ca hohot non Iri' Jam, ac i ma' tara ca hu momon ma'.

1 Timóteo 4:12

Xo' hwara' paxi' ma. Ane om na ne pain ca tomi' napat quequem co howa nana ma' ne. Om ca na ne pain ca tomi' napat quequem pain ca xo' hwara' nem ma'. Na e' na pain ca win ca ne quequem pain ca querec pin' quequem pain ca tomi' xo' nem ma', je pain ca xut xo' nem ma' quem. Na e' na pain ca win ca ne quequem pain ca om noc momon oro wari', je pain ca howa mon Iri' Jam ma', je pain ca miri'om main oro ca caracat wa ma' quem.

1 Timóteo 5:10

Hohot e' na pain ca quep xiho' tacama narima' co wara querec pin' wa pain ca ara taxipa' camain oro ca awi wa pane. Mo na: Co wara querec wet querec wet horon pin nanam humaxicam pane. Co querec te taxipa' nonon co howa nana co maqui' nanain xijein xirim pane, co cao' to ho' xine, pi'am to jein xuru ca' nonon pane. Co xiram pa' taxipa' nonon co howa nana pain ca ara mi' e' cocon pain oro carawa ca param caca pane quem. Co quep xiho' taxipa' nonon oro wari' co i'ina nonon oro carawa pane quem. Co win xumu taxipa' nain oro ca xiram pa' wa pain ca ara mi' cocon pain oro ca awi wa co howa nana pane quem. Mo ta xut xo' ac i ma' cama pain ca e' e' wet qui' ca taxicam pane, hohot ac ne tara pain ca quep xiho' tacama pain xocori ca'.

Hebreus 13:18

Tomi' mi' xut con Iri' Jam me. Xi taxi' pan ara urut pain ca hohot ne oro ca ara urut ta. Je ca param urut quem, param urut pain ca xuruxut xo' cara urut quem.

Hebreus 13:5

Ta win xumu ximama' hwein oro caramaji macan' me, pain ca caramaju xita' na ina me hwe ma'. Carawa ca wara ma' nuhu' ma', hohot napa' ta jein. Xi tomi' pe mi' ca' ara capari' Iri' Jam ta: Om ta an pe camain' xuhu'. Om ta in ca' camain' xuhu' ta, ac i ma' na ca tomi' pe capari' ta.

Tiago 3:13

Wahu' pain ca coromicat xo' ina ta hwe ma', je pain ca taraju pa' xo' ina ta hwe ma' quem, an hwet pe jein ca xuruxut xo' nuhu' pain ca ara hwein oro ca awi wa ta. Om ta xec xec hwe pain, tomi' wixite e' je pain. Querec pin' ac xihwe tara pain ca xuruxut xo' nuhu'.

1Pedro 2:15

Xi param mi' ara cuhu' pain ca ara e' hwein ca awi wa Iri' Jam ta. Ma' ta to' hehe pin huhun oro co tomi' napat ximama' nana pain ca om coromicat xo' nucucun.

1Pedro 3:16

Tomi' in hwet xo' iri jujun ne, tomi' wixite e' ac huhun tara, ta tomi' ximama' huhun me ta. Tomi' hwet e' jujun pain carawa ca taxi' hwe pain ca hohot con Iri' Jam. Ma' ta wixipa' pin caca co tomi' napat nunuhu' pain ca xuruxut xo' nuhu' pain ca howa hun Cristo ta.

1Pedro 4:11

Mo ta mi' cuhu' pain ca pijim' wa ma', pijim' xo' ac hwe tara. Xi capijacon Iri' Jam pan ara ne ca pijim' hwe ta. Mo ta mi' cuhu' pain ca quep xiho' hun win ma' nuhu' ma', mam' quep xiho' ac hun tara pain ca hwara' opa nucun Iri' Jam ca mi' taxipa' ca ma'. Ma' ta awi na Iri' Jam ta caca oro wari'. Wirico Jeju Cristo tara co mi' nonon pain ca tomi' ac i ma' caca ma'. Hohot na pain ca tomi' querec te xun pain ca awi tamana cara nucun. Na e' na pain ca tomi' querec te xun pain ca hwara' opa tamana cara nucun ma' quem. Amém, iri'o' na ca tomi' ne ta.

2 Pedro 3:11

Ac i ma' tara ca om pin ta' ne oro carawa. Je ta ma' qui' ne xumuhu' ta. Xuruxut xo' je. Ta caracat hwe me. Win xumu e' jein oro ca param nucun Iri' Jam