1Pedro 1:8 - Tradução Bíblica Pacaas Novos

⁸ Om paxi' na ca querec hun Jeju pane, ane om noc hun ne. Om paxi' na ca querec hun pain xocori ca' quem, ane howa hun ne. Tomi' querec te tamana hwe con. Mija na, om ca tomi' ac xine ca tomi' querec te tamana nuhu' con ta.

1Pedro 1:8 Iomraidhean Croise

Mateus 10:37

Wari' co tomi' querec te tamana non cote ca cam jicon ma', mo ta om tomi' querec te tiquin' ca' capa' cacam, om ca hohot ne pain ca taxipa' capa'. Mo ta tomi' querec te tamana cacam mana panxica wari' ma', mo ta om tomi' querec te tiquin' ca' capa' cacam, om ca hohot ne pain ca taxipa' capa' quem.

João 14:15

Mo ta om noc mahu', tomi' ha' ac mahu' tara pain oro ca ara je xuhu' ca' ac caparut na.

João 14:21

Mo ta taraju pa' hwein capija ca tomi' ha' je xuhu' ca'. Mo ta tomi' ha' mahu' quem. Querec pin' ac xihwe tara pain ca om noc mahu' ma'. Mo ta om noc mahu', om ta noc cuhu' Te. Wata' quem, om ta noc xuhu', an hwet pe ac xije tara pahu', mi' ac xuhu' tara pain ca querec pin' mahu' pain iri' xumuhu' ma' quem na ca tomi' caparut ma'.

João 14:24

Wari' co noc napa' ma', om ca tomi' ha' cain ca tomi' ne. Oro capija ca tomi' xuhu' ca', om ca maqui' nein ca coromicat ne. Maqui' pan non Te co hwet roron oro wari' napa' ta naparut.

João 16:22

Ac i ma' xi' hwe quem. Tomi' xaxa' paxi' hwe pain xocori ca'. Ame hwe e', main querec mami' xijexi'. Tomi' querec te tamana ac hwe tara. Om tara wari' co to' om pin ac nain ca tomi' querec te nuhu' quem.

João 20:29

Cain' cain' xima quem Tomé ac con na Jeju. Howa e' mapa' pain ca querec mapa' pain ca e' mami' ne ra? Oro wari' co howa nanapa' pain ca om querec cacapa' ma', om paxi' na ca querec cacapa' pain ca e' mami' ne ca'. Je i ma' ira nana, howa urut pum pain ca e' mami' nem ta nanapa'. Wiricoco nana co param mi' wawa pain ca awi wa ta na ca tomi' con ma'.

João 8:42

Mo xi te iri'o' hun Iri' Jam ma', om ac ne xira ca noc mahu' ta ac tococwa na. Xi maqui' ara ton Iri' Jam ta. Je ca pe ho' xuhu' ca'. Om ca maqui' ta' pain ca param pan ne. Wirico Te co hwet roron ta napa' pahu'.

Atos 16:34

Maji pain xuru ta ac tocwa na Paulo con Silas ma', mi' ac tococwa na pain carawa ca cao' wa. Tomi' querec te tamana na co ma'. Oro win ma' ca co to ho' nonon pain xiricon ma' quem, tomi' querec te tamana nana quem. Xi om ne ca howa pin ara cocon Iri' Jam ta.

Romanos 14:17

Xi tomi' xeo pa' capari' Iri' Jam pain carawa ca cao' wa pain ca taramaxicon pe ho' capari' ta. Om ca tomi' xeo pa' capari' pain carawa ca toc iri' quem, om na. Ma' na xijein carawa ca tomi' capari': To' hohot pin nuhu' Tamatara ta napari'. Mi' nuhu' pain ca om toron ne xumuhu' Tamatara ta napari'. Ja' tomi' querec te nuhu' Tamatara ta napari' quem, je i ma' ca tomi' capari' Iri' Jam.

Romanos 15:13

Wirico Iri' Jam co mi' napari' pain ca howa xun pain ca winim' cara xin oro carawa ca awi ca mi' xim capari' ca'. Param inon pain ca mi' cuhu' pain ca tomi' querec te wa, param inon pain ca mi' cuhu' pain ca om toron ne xumuhu' quem. Xi howa ara hun ta. Param inain Tamataracon pain ca mi' mi' tiquin' cuhu' pain ca winim' cara hun ma'. Mam' mi' turuhu' pain ca winim' cara wa pain ca hwara' opa nein quem.

1 Coríntios 16:22

Oro wari' co noc nonon Taramaxicon nexi' ma', na e' na pain ca tomi' noro tococwa, to ni ca' xine ta pan totoron Iri' Jam. Param inon Taramaxicon nexi' pain ca maqui' hap ca quem!

2 Coríntios 1:22

Wari' ne napari' quem, ac ca xirao' capari' na pain wixicon ca', pain ca wari' ne xuhu' ta capari'. An pe mi' napari' pain Tamataracon pain ximixi' ca' quem. Je ca to' taxi' napari' pain ca aram aram mi' xim capari' pain oro ca wara tomi' pe mi' capari' quem.

2 Coríntios 4:18

Je ca tomi' xuhu' ca'. Om ca win xumu urut pain oro ca querec urut ca'. Win xumu e' urut pain oro ca om querec urut. Xi pi' pin hap ne oro ca querec urut ta. Oro ca om querec urut ca' iri na ne, to wet cara na ta.

2 Coríntios 5:7

Ane om tara con ta'a camain' urut con pain ca e' nexi' ne. Om paxi' na ca querec urut con, ane howa urut con ne. Main mi' tarapari' pain oro ca tomi' pe mi' capari'.

2 Coríntios 9:15

Je ca tomi' xuhu' ca'. Tomi' querec te xun Iri' Jam pain ca xiram pa' e' capari' ca', pain ca mi' e' capari' pain ca param nucun. Awi tamana na, om ca tomi' ac xine ca awi tamana nein ta.

Gálatas 5:22

Ane to' jimama' capari' Tamataracon Iri' Jam ne. Mo na oro ca ara mi' capari': Mi' napari' pain ca om noc xijexi'. Ja' tomi' querec te napari'. Mi' napari' pain ca om toron ne ximixi'. Mi' napari' pain ca tomi' pan hot xijexi', je pain ca xiram pa' xijexi' quem. Mi' napari' pain ca awi wa pain ca xuruxut xo' wa. Mi' napari' pain ca om tomi' capijacocon e' iri' pain ca ara taxipa' xin oro ca tomi' pe iri' quem.

Gálatas 5:6

Xi quep xiho' capari' ca wac xirac xine taparinain ca xirac nexi' ta. Pain ca howa xun Cristo Jeju pain ca to' hohot pan capari' ca', mo ta wac xirac cacapari', mo ta om wac xirac cacapari', an an ari na con Iri' Jam. Om ca tocojin' capari' pain i ma'. Noro e' nain ca howa nexi' pain ca howa xun Cristo. Om iri na ca noc caracan xijexi' ne, querec pin' ac capari' na pain ca howa xun quem.

Efésios 3:19

Om paxi' na ca querec pin' ac urut con Cristo pain ca om noc camain' caparut. Xi noc camain' caparut ta inon pahu'. Ane tomi' cara xim cocon ne, mi' roron pain ca querec pin' cocon Cristo pain ca om noc caparut. Ma' ta an xiho' quequem pain iri' xumum ta, ac i ma' na ca tomi' ton Iri' Jam pahu'.

Efésios 6:24

Wahu' pain ca om noc cara hun Taramaxicon nexi' Jeju Cristo ma', param inon Iri' Jam pain ca quep xiho' quep xiho' xam' cuhu' pain ca mi' e' cuhu' pain ca param nucun. Je i ca' ca xirao' ne ca'.

Filipenses 1:25

Je i ma' tara pata', e' e' tiquin' ta' ta, taxi' ina. Quep xiho' quep xiho' pi' pin xuhu'. Ma' ta hwara' opa hwara' opa tiquin' hwe pain ca howa nuhu' ma', ma' ta tomi' querec te tomi' querec te tiquin' hwe pain quem inuhu'.

Filipenses 3:3

Xi iri' wari' nucun Iri' Jam pan caca ta. Wari' pan, pain ca howa xun Cristo cwa', wari' co iri' wari' ne ca Iri' Jam ta. Tamataracon pan ca mi' napari' pain ca in ac xun ca'. Tomi' querec te pan urun Cristo Jeju co to' wari' nucun Iri' Jam napari' quem. Om ca howa camain' xin carawa ca ara pan iri' ca', om na.

Filipenses 4:4

Tama' tomi' querec te je me, xi om ne ca win cwere ara hun Taramaxicon nexi' ta. Tomi' mami' inuhu': Tomi' querec te je me.

Hebreus 11:1

Howa iri urun Iri' Jam ne, taxi' ac xun na pain ca ara mi' xim capari' pain oro ca winim' iri' ca', pain ca hwet pa' xim capari' ca'. Om paxi' na ca querec xin, ane taxi' xin ne. Ma' na ta irin, xi om ne ca howa ara xun Iri' Jam ta.

Hebreus 11:27

Howa non Iri' Jam Moisés, je ca paca' cain Egito quem. Om ca jin' con taramaxicon co mana' non, xi howa pan ara con Iri' Jam ta. Quereme cara nain oro ca to' i'ina non, xi ac ca querec con ara ne co ma' co om querec ac wa ta.

1Pedro 1:6

Je ca tomi' querec te tamana hwe ma'. Tomi' xaxa' paxi' hwe pain xocori ca', xi ma' ara ne oro ca to' i'ina nuhu' ta. Ane om to' i'ina cara xim cuhu' ne, ame hwe e'.

1Pedro 2:7

Je ca tomi' xuhu' ca'. Hohot tamana nuhu' Cristo co an xiho' nain pacun ca to' teren nain xirim ma', xi om ne ca howa ara hun ta. Oro co om howa nonon ma' iri nana ne, an xiho' nonon oro co noc nonon ma'. Win ne ca xirao' pe xine pain capijacon Iri' Jam ma' quem: Pacun ca noc caca caram ma' co quep xin nanain xirim ma', aram aram iri' pacun ca to' teren nain xirim pin na ta. Ac i ma' na ca xirao' pe nein ma'.

1Pedro 5:4

In qui' iri tara Iri' Pastor nexi' ne, co Taramaxicon ne iri' cwa', mi' ac cuhu' tara pain ca awi tamana wa ca om pi' ra ha' ma'.