1Pedro 1:6 - Tradução Bíblica Pacaas Novos

⁶ Je ca tomi' querec te tamana hwe ma'. Tomi' xaxa' paxi' hwe pain xocori ca', xi ma' ara ne oro ca to' i'ina nuhu' ta. Ane om to' i'ina cara xim cuhu' ne, ame hwe e'.

1Pedro 1:6 Iomraidhean Croise

Mateus 11:28

Tomi' ac tococwa na quem: Wahu' pain ca jam' ca' hwein oro ca jain jain nuhu' pain ca tama' tomi' ha' xun paxi' huhun co hu nunuhu' ma', ac ca an tiquin' hwein na carawa ca xite. Tomi' inuhu': Harahap je, wixicam xine me. To' wa pin ac tain tara xumuhu'.

Mateus 26:37

Harahap je ta ac tococwa na Pedro cocon mana panxica Zebedeu ma', co ma' 2 nana ma'. O mama' ac tococwa na. Xuruxut xuruxut, tomi' xaxa' ac ca na Jeju. Jain jain pin na. Mija na.

Mateus 5:12

Tomi' querec te je pain ca to' i'ina ac i ma' xihwe. Tomi' querec te tamana je. Xi om ne ca awi tamana ara ne oro ca mi' xim cuhu' Iri' Jam pain pawin cain ta. Ac i ma' ara xi' na ca ja' tequi' quep em' qui' tococwa oro profeta co wara ma' nana pane.

Lucas 1:47

Tomi' querec te tamana inon Iri' Jam ne co to' witan napa' ta. Tomi' querec te inon pain iri' xumu ca'.

Lucas 10:20

Ane tomi' xim xuhu' pain i ca' ne: Ta tomi' querec te e' hwe pain ca tomi' ha' cucuhu' oro caxicon jam pain ca tomi' jein pin huhun ma' me. Tomi' querec te pan e' je pain ca xirao' to xine wuxuhu' pain pawin cain na ca tomi' tococwa ma'.

Lucas 2:10

Ta jin' mahu' me ta ac tococwa na. Taraju wet xine. Tomi' hwet xim inuhu' pain ca awi wa ca xo' hwet pa' nuhu' ma'. Ja' tomi' querec te tamana turuhu'. Ja' tomi' querec te ja' tomi' querec te pi' pin totoron oro wari' quem.

João 16:22

Ac i ma' xi' hwe quem. Tomi' xaxa' paxi' hwe pain xocori ca'. Ame hwe e', main querec mami' xijexi'. Tomi' querec te tamana ac hwe tara. Om tara wari' co to' om pin ac nain ca tomi' querec te nuhu' quem.

João 16:33

Tomi' hwet inuhu' pain oro ca tomi' ne ca', ma' ta om toron ne xumuhu' pata' inuhu'. Ma' paxi' turuhu' oro ca to' i'ina nuhu' pain macan' ca'. Na e' nuhu' pain ca hwara' opa hwe. To' quiji' pin ara xi' inon co ma' co taramaxicon pe ho' nonon oro wari' co om howa nonon Te ta na ca tomi' caparut ca'.

Atos 14:22

Hwet iri tata co howa nonon Jeju pain oro cidade ma' ne, quep xiho' ac tococwa na pain ca howa nucucun. Hu ca' tata: Ta an to hwein ca howa wa me, howa cara jun Jeju ta ac tococwa na. To' i'ina tatarapari' oro wari' co om howa nonon Jeju ma' ac tococwa na. Quep em' xim paxi' tatarapari'. Je i ma' ira, na e' na pain ca jain jain iri' pain ca to' i'ina to' i'ina cacapari' ma', aram aram to ho' pin ac xun tara Iri' Jam ma', pain ca aram aram taramaxicon pe ho' toton cocon oro wari' nucun ta, ac i ma' na ca quep xiho' tococwa pain ca to' hwara' opa tococwa ma'.

Romanos 12:12

Tomi' querec te je. Xi ma' ara ne carawa ca awi ca mi' xim capari' Iri' Jam ta. Jain jain iri hwe pain ca to' i'ina cuhu' carawa ma' ne, ta naro hwe me ta. Hwara' opa cara je. Tama' tomi' jun Iri' Jam quem.

Romanos 5:11

Om ca xica' pe ne i ma' con, pain ca to' witan pin capari' ca'. Tomi' querec te iri' quem, xi ma' ara ca Iri' Jam ta. Wirico Taramaxicon nexi' Jeju Cristo co mi' napari' pain ca tomi' querec te nexi' ca'. Wirico co to' taxipa' pin napari' con Iri' Jam.

Romanos 5:2

Wirico Jeju Cristo co o mi' napari' con Iri' Jam ma', xi om ne ca howa ara xun ta. Wirico co mi' napari' pain ca querec pin' xun pain ca tama' xiram pa' e' capari' pain ca tama' quep xiho' e' capari' ca'. Taxi' urun pain ca tama' xiram pa' e' capari' pain ca tama' quep xiho' e' capari' ca'. Tomi' querec te urun pain ca winim' cara xun pain ca aram aram mi' xim capari' pain ca jao jao ma' xun pain ca awi nucun pain ca hwara' opa nucun ta.

Romanos 9:2

Tomi' xaxa' tamana ina, toron tamana napa' xumu, om ca pi' ra ha' ne ca toron capa' xumu.

2 Coríntios 4:17

Jain jain paxi' urut, ane to' hwara' opa caparut oro ca jain jain nuxut ne, xi winim' ara urut pain ca awi tamana wa ca mi' xim caparut Iri' Jam ta. Awi tamana tara, om ta pi' ra ha' ne quem. Awi tiquin' ca' tarain oro ca jain jain wijimain nuxut pain macan' ca'.

2 Coríntios 6:10

Ja' tomi' xaxa' paxi' nanaparut, ane tama' tomi' querec te urut ne. Ximin paxi' urut pain ca om caparut carawa ca', ac ca to' caramaju pin urut cocon na pain ca howa nucucun. Om paxi' naparut carawa ca', ane mene mene pi' pin urut pain oro carawa ne.

Gálatas 5:22

Ane to' jimama' capari' Tamataracon Iri' Jam ne. Mo na oro ca ara mi' capari': Mi' napari' pain ca om noc xijexi'. Ja' tomi' querec te napari'. Mi' napari' pain ca om toron ne ximixi'. Mi' napari' pain ca tomi' pan hot xijexi', je pain ca xiram pa' xijexi' quem. Mi' napari' pain ca awi wa pain ca xuruxut xo' wa. Mi' napari' pain ca om tomi' capijacocon e' iri' pain ca ara taxipa' xin oro ca tomi' pe iri' quem.

Filipenses 2:26

Xi om ne ca coromicat pan ara cuhu' ta. Coromicat coromicat pi' pin nuhu', toron tamana na ximicon pahu', xi om ne ca taraju ara hun pain ca caxi nucun pane ta.

Filipenses 3:3

Xi iri' wari' nucun Iri' Jam pan caca ta. Wari' pan, pain ca howa xun Cristo cwa', wari' co iri' wari' ne ca Iri' Jam ta. Tamataracon pan ca mi' napari' pain ca in ac xun ca'. Tomi' querec te pan urun Cristo Jeju co to' wari' nucun Iri' Jam napari' quem. Om ca howa camain' xin carawa ca ara pan iri' ca', om na.

Filipenses 4:4

Tama' tomi' querec te je me, xi om ne ca win cwere ara hun Taramaxicon nexi' ta. Tomi' mami' inuhu': Tomi' querec te je me.

1 Tessalonicenses 1:6

Taxi' urut pahu' pain ca tora' cuhu' Iri' Jam ma', xi xuruxut xo' ara hwe pain ca hohot hun ta. Win caca ne maparut, win ca ne hun Taramaxicon nexi' quem. Jain jain hwe pain oro carawa ca to' i'ina nuhu' ma', jain jain paxi' hwe pain, ane querec te pan hwe pain ca howa pin hwein capijacon Iri' Jam ne. Je Tamataracon Iri' Jam ca ja' tomi' querec te nuhu' ma'.

Tiago 1:2

Je i ca' ca xirao' mi' xuhu' ca' xere. Ma' iri turuhu' oro ca to' i'ina wa ne, je i ma' ira je, tomi' querec te tamana je pain.

Tiago 1:9

Wari' co howa ma', co ximin pain ca om con carawa ma', tomi' querec te e' tara pain ca xiram pa' pan con Iri' Jam. Ac ca to' caramaju pin tocwa na pain ximicon.

Tiago 4:9

Tomi' xaxa' tamana je pain ca pan teretem nuhu'. Awaran je, awaran xoc je. Tatam' maho' je, awaran e' je. Tomi' querec te ximama' maho' je, tomi' xaxa' e' je.

1Pedro 3:17

Mo ta param mi' capari' pain ca jain jain wa Iri' Jam ma', mo ta jain jain je pain carawa ca awi ca ara xi' hwe ta capari', je i ma' ira, hohot na. Xi hohot ne pain ca jain jain wa pain ca pan tem wa ta.

1Pedro 4:7

Wixicam pin na xec nein ca pi' pin ta' ne macan' je oro carawa jimao quem. Je ta coromicat xo' qui' hwe ta. Ma' tara xumuhu' quem. Ma' ta ha' cuhu' pain ca tomi' hun Iri' Jam ta.

1Pedro 5:10

Ame hwe e', om ta jain jain cara hwe, main pi' pin tara ca jain jain nuhu'. To' hohot pin ac cuhu' tara Iri' Jam. To' hwara' opa turuhu', mi' turuhu' pain ca om naro camain' wa, to' hwara' opa cara ac cuhu' tara. Xi wirico ara ca co xiram pa' taxipa' nuhu'. Wirico co wara param mi' nuhu' pain ca jao jao ma' hun pain ca awi nucun pain ca hwara' opa nucun ca om pi' ra ha' ma', xi om ne ca win cwere ara hun Cristo Jeju ta.