1Pedro 1:22 - Tradução Bíblica Pacaas Novos

²² An to pin hwein ca caracat wa, xi om ne ca tomi' ha' pin ara hwein capijacon Iri' Jam ca iri'o'. Ha' pin nuhu' pain ca om noc iri'o' xujuhu' pain ca xere xujuhu' ma'. Je ca tomi' xuhu' ca', tama' tomi' querec te cara xujuhu'. Ta tomi' querec te e' ne capijahu' me, tomi' querec te iri'o' xujuhu', maqui' tarain iri' xumuhu' pain ca tomi' querec te xujuhu' ma'.

1Pedro 1:22 Iomraidhean Croise

João 15:17

Tomi' ha' xine pain ca tomi' ca' xuhu' ca' quem: Ta noc camain' xujuhu' me. Ac i ma' na ca tomi' caparut ma'.

João 15:3

Wara an xiho' hwein oro taparain panaji uva ca wina ma'. Xi howa ara hwein capija ca pijim' mi' xuhu' ca'.

João 17:17

Capijam ca iri'o' ca', je tara ca mam' mi' momon pain ca win xumu quequem pain ca taramaja mi' quequem ma'.

João 17:19

Win xumu inem pain ca taramaja mi' xim pane. Ma' ta quep xiho' toton pain ca win xumu quequem pain ca taramaja mi' quequem inonon. To' win xumu totoron ca hwara' opa nein capijam ca iri'o' ta non.

Atos 15:9

Querec querec ac wiricoco pi' pin mahu' ta napari' pain ca judeu iri' ca', je pain ca om judeu caca ma' quem. Om ca querec jimama' mahu' cocon ta napari'. To' hohot pin nonon co om judeu nana ma', xi om ne ca howa ara cocon Jeju ta. Win ne ca to' hohot capari' pain ca judeu iri' ca' quem, pain ca howa xun Jeju ca' quem.

Atos 6:7

Pijim' pijim' tiquin' ac cacain na capijacon Iri' Jam pane. Ca pijim' pijim' tiquin' caca ma', ca pijim' pijim' tiquin' caca ma', aram aram mija pin ac caca na oro wari' co taraju nanain capijacon Iri' Jam. Ma' mija hap nana co howa pin nonon Jeju pain Jerusalém ma'. Oro sacerdote ma' quem, ma' mija nana co howa pin nana quem.

Romanos 1:5

Tomi' hwet jein capija naparut Iri' Jam pane, pain ca taramaja mi' jun Jeju ta caparut pane. Awi tamana na ca taramaja mi' tocwa quem, pain ca tomi' hwet xine capijacon ca'! Wirico Jeju co mi' naparut pain ca taramaja mi' urut con ca'. Ma' ta howa cacapa' oro wari' pain oro xijein macan' ta naparut. Ma' ta tomi' ha' cacapa' quem naparut.

Romanos 2:8

Co tama' win xumu e' nanain ca param pan nucucun ma' iri nana ne, pain ca om tomi' ha' cacain capijacon Iri' Jam ca iri'o' ma', je pain ca param e' cacain ca pan teretem wa ma', wiricoco tatara co mana' tamana ca Iri' Jam. Wiricoco tatara co wap tamana ca quem.

Romanos 8:13

Mo ta tama' tomi' ha' xin oro ca param nexi' ca', xuruxut xumu ac xin tara ca cono' wa. Pain ca an to pin xin oro caracat nexi' ma' iri na ne, ac ca to' parapa' pin xin tara, ac ca mam' to' parapa' pin xin tara pain Tamataracon Iri' Jam ma'. E' ac xi' tara ta.

2 Coríntios 6:6

Ca' ac urut na pain ca an hwet pe urut pain ca xuruxut xo' nuxut ca' quem: Om ca quep urut cacam xequem narima'. Taraju pa' urut pain capijacon Iri' Jam. Tomi' pan hot urut cocon oro wari'. Xiram pa' urut cocon quem. Pe ho' naparut Tamataracon Iri' Jam pain xumuxut. Tomi' querec te iri'o' urut cocon oro wari' quem.

Gálatas 3:1

Je ca tomi' xuhu' ca' oro win howa ta' pain Galácia. Wa inuhu' me, xi coromicat xo' hwe ta. Ma' co mixein nuhu' ma' quem? Om ca pijim' hwet xo' xuhu' pain ca mi' pin nucun Jeju Cristo pain ca mi' pin pe cain pana pane ra?

Gálatas 5:5

Ane taxi' xun Iri' Jam pain ca to' hohot capari' pain ca howa xun Cristo ne. Je Tamataracon ca to' taxi' napari' pain. Je ca winim' iri' pain ca howa xun quem.

Gálatas 5:7

Hohot paxi' hwe pain ca ja' ja' hun Cristo pain cara pane. Ma' co to' i'ina nuhu' pain xocori ca' quem? Ma' co tomi' tomi' na pin nuhu' pain ca tomi' ha' tomi' ha' om pin hwein capijacon Iri' Jam con Jeju ca iri'o' ma' quem?

Efésios 4:3

Je Tamataracon Iri' Jam na ca mi' nuhu' pain ca win ma' ne xujuhu' ma'. Je ca tomi' xuhu' ca': Param jein ca xica' pe ne xumuhu' pain ca tomi' querec te xujuhu' ma'. Jain jain jein. Ma' ta win ma' ne cara xujuhu' ma'.

Filipenses 1:9

Je i ca' ca tomi' ton Iri' Jam pain ca tomi' mi' xuhu' con: To' hwara' pin rain ca tomi' querec te cara xucucun ta inon pahu'. Mi' roron pain ca querec pin' quequem, je pain ca taraju pa' taraju pa' pi' pin cacain oro ca param nem quem inon pahu'.

1 Tessalonicenses 3:12

Ca' na ca tomi' mi' urut pahu' con Taramaxicon nexi' quem: To' hwara' tiquin' to' hwara' tiquin' pin rain ca om noc xucucun je pain ca om noc cocon oro wari' ma' quem urut con pahu'. Win urut pain ca tomi' querec te tamana urut cocon ca' quem urut con pahu'.

2 Tessalonicenses 1:3

Na e' na pain ca tama' querec te urut con Iri' Jam pahu' ta xere. Hohot non Iri' Jam pain ca tama' tomi' querec te urut con pahu' quem, xi om ne ca howa cara ara hun ta. Win xumu win xumu tiquin' hun pain ca howa hun ma'. Mija pin na ca tomi' querec te tomi' querec te xam' xujuhu' ma' quem.

2 Tessalonicenses 2:13

Je ca tomi' urut pahu' ca' xere. Om ca noc cuhu' Taramaxicon nexi'. Na e' na pain ca tama' tomi' querec te urut con Iri' Jam pahu'. Xi om ne ca wara tora' qui' ara cuhu' pain cara pane, pain ca main to' witan xuhu' ta qui' cuhu' pane. Mam' to' witan nuhu' pain ca hwara' opa nein Tamataracon ma', ca to' hohot pin nuhu' ma'. Mam' to' witan nuhu' pain ca howa nuhu' pain ca howa hwein capijacon ca iri'o' ma' quem.

1 Timóteo 1:3

Wara tomi' inem pane, tomi' mip inem pain ca mao tain qui' tain Macedônia pane. Mon to wet rain Éfeso ta inem pane. Ma' ta hu mip momon pain ca pijim' maho' je ta momon co pijim' pan teretem nanain capijacon Iri' Jam ta inem pane.

1 Timóteo 1:5

Je ca tomi' ac i ma' xim ca': Hu xo' roron co pijim' pan teretem nana ma'. Xumu xo' je, querec pin' jein carawa ca param mi' cuhu' Iri' Jam, howa iri'o' jein capijacon ca ca' na xihwe ta roron. Na ac ne tara pain ca om noc xucucun, je pain ca om noc cocon Iri' Jam quem.

1 Timóteo 4:12

Xo' hwara' paxi' ma. Ane om na ne pain ca tomi' napat quequem co howa nana ma' ne. Om ca na ne pain ca tomi' napat quequem pain ca xo' hwara' nem ma'. Na e' na pain ca win ca ne quequem pain ca querec pin' quequem pain ca tomi' xo' nem ma', je pain ca xut xo' nem ma' quem. Na e' na pain ca win ca ne quequem pain ca om noc momon oro wari', je pain ca howa mon Iri' Jam ma', je pain ca miri'om main oro ca caracat wa ma' quem.

1 Timóteo 5:2

Tomi' xo' raram oro mon horon ma' quem. Ac ca na' mamam tara. Tomi' wixite raram oro mon xojam' ma' quem, ac ca xere mamam tara. Xumu xo' ra cacam. Om ta coromicat ximao camain' ma cacam ta.

2 Timóteo 1:14

Querec wet rain capijacon Iri' Jam ca pijim' ra quem ma'. Ta an in camain' main me ta. Mam' querec wet rain pain Tamataracon Iri' Jam ca pe ho' napari' pain ximixi' ca'.

Hebreus 11:8

Howa non Iri' Jam Abraão cara pane. Je ca tomi' ha' con pain ca mao rain xijein macan' ca aram aram mi' xim ta con pane. Om paxi' na ca taxi' cain ca mao ta' ca pane, ane tomi' ha' ca ne. Mao ac ca na quem.

Hebreus 13:1

Ta noc caracan camain' xujuhu' pain ca xere xujuhu' ma'.

Hebreus 5:9

Pi' pin iri na ca taramaja nucun ca ara ra con Cote ca ne, pain ca hohot pin mapa' ta con ma', ha' pin ac con na pain ca to' witan cara tococwa oro co tomi' ha' nonon.

Hebreus 6:10

Om ca pan tem camain' ca Iri' Jam, ara xo' taxipa' na. Om ta ji'am pin cuhu' pain ca taramaja tamana nuhu' ma', om ta ji'am pin cuhu' pain ca an hwet hwein ca tomi' querec te nuhu' pain ca om noc hun ma' quem, xi quep xiho' ara huhun oro win howa hwe ta, quep xiho' quep xiho' wet huhun pain xocori ca' quem.

Hebreus 9:14

Ac i ma' na ca hwara' opa ne quinain oro carawa ma'. Hwara' opa paxi' na quinain oro carawa, ane hwara' opa tamana pan ne quicon Cristo ne. Hwara' opa tiquin' ca' nain quinain carawa, xi om ne ca awi tamana ara ca Cristo ta. Om ca em' camain' ca. Ha' non pain ca mi' pan xucun con Iri' Jam pane, xi quep xiho' pan ara con Tamataracon ca e' cara ta. To' hohot pin napari' quicon. To' om pin nain ca em' nexi' pain ximixi' pain ca coromicat nexi'. To' om pin nain ca toron ne ximixi' pain ca caracat nexi'. Om ca to' i'ina mami' capari' oro ca ara nexi' ca to' cono' pin napari' ca'. Ha' pin ac capari' na pain ca in ac xun Iri' Jam co e' cara quem.

Tiago 1:21

Je ca tomi' xuhu' ca': An to an to pi' pin jein oro ca caracat wa je oro ca pan teretem wa ta. Ta xec xec hwe me, tomi' ha' jein capijacon Iri' Jam ca pijim' mi' xihwe ma'. Ac ca oin' pe xine ara xi' na pain xumuhu' ta. Hwara' opa na, to' witan taxi' nuhu' quem.

Tiago 4:8

Wixicam pin jun Iri' Jam, wixicam pin ac cuhu' tara quem. Wahu' pain ca caracat hwe ma', cwirin' pin je. Win ne ca hohoc xo' hwein muhu' pain ca mixem tamana nein ma', ac i ma' tara ca an to pin hwein ca caracat nuhu'. Wahu' pain ca param tocwan hwe ma' quem, an to pin jein ca param ximama' nuhu', win xumu e' jun Iri' Jam.

1Pedro 1:2

Wara querec pin' nuhu' Cotere' Iri' Jam pain cara pane. Tora' nuhu', to' hohot pin nuhu' Tamataracon quem. Ma' ta tomi' ha' hun Jeju Cristo ta nuhu'. Ma' ta hohoc pin cuhu' pain quicon ta nuhu'. Param inon Cotere' Iri' Jam pain ca quep xiho' tamana cuhu' pain ca mi' cuhu' pain ca param nucun. Param inon pain ca mi' hwara' cuhu' pain ca om toron ne xumuhu' quem.

1Pedro 2:17

Tomi' xo' tomi' xo' pi' pin jujun oro wari'. Tomi' querec te xujuhu' pain ca xere xujuhu' ma'. In ac jun Iri' Jam, tomi' ha' jun pain ca ara e' hwein ca param nucun. Querec pin' jun rei co iri' taramaxicon ma', co hwara' opa tamana ma'.

1Pedro 3:1

Wahu' quem oro narima', pain ca ma' cuhu' tarama' ma' quem. Tomi' ha' tomi' ha' xam' jujun taxuhu'. Am ma' caca waram taxuhu' co om howa nanain capijacon Iri' Jam ma'. Je i ma' ira, tomi' ha' cara jujun. Om paxi' tara ca cuc cuc huhun pain ca howa je howa je huhun ma'. Querec pin' iri tuturuhu' pain ca xuruxut xo' nuhu' ne, aram aram howa pin ac caca tara pain ca querec e' cucuhu' pain ca xuruxut xo' nuhu', je pain ca in ac iri'o' hun Iri' Jam ma' quem.

1Pedro 3:20

co om tomi' ha' nonon Iri' Jam pain cara pane, pain oro xec nucun Noé pane. Om ca toron ne ximicon Iri' Jam pain ca winim' cara cocon. Winim' cara e' tata pain ca quep qui' cain cote ne mam' horoho wa Noé pane. Ane om ha' caca ne. Ma' paric ca' e' nana co corom mama' nanain mam' horoho wa, ma' 8 e' nana, witan pin ac caca na pain ca horoho mama' cacama pain com pane.

1Pedro 3:8

Tomi' xim inuhu' pain i ca' quem: Je je ari tara ca coromicat nuhu' pain ca tomi' querec te xujuhu' ta. Quep xiho' xujuhu'. Ta noc camain' xujuhu' me, win ne ca xere xujuhu' ma'. Xiram pa' xujuhu', ta xec xec hwe pain ca quep xiho' xujuhu' me.

1Pedro 4:17

Xi maqui' pin ara ne xec nein ca to' i'ina capari' oro carawa ta. Mi' cain' napari' pain Iri' Jam, ma' ta hwara' opa mip hwe pain ca howa nuhu' ta napari'. Pain ca to' i'ina capari' oro carawa ca', jain jain paxi' iri'. Oro co om tomi' ha' nanain capijacon ca pijim' mi' tococwa con Jeju ma' iri nana ne, ximin pan tatara, mija tara ca jain jain nucucun pain ca wap tamana xun tococwa ta.

1Pedro 4:8

Ta noc camain' xujuhu' me, je ca param mip ca Iri' Jam. Ta tomi' querec te e' ne capijahu' me, tomi' querec te iri'o' xujuhu' ta. Tomi' querec te iri'o' iri xijexi' ne, ha' ac capari' tara pain ca mana' mana' om pin xijexi' pain oro ca ara cup xijexi' ta.

2 Pedro 1:7

Win xumu iri jein ca param pan nucun Iri' Jam ne, tomi' querec te caracan ac xujuhu' tara pain ca xere xujuhu'. Tomi' querec te caracan iri xujuhu' pain ca xere xujuhu' ne, tomi' querec te querec te pi' pin ac huhun tara oro wari'.

1João 3:11

Je i ca' capijacon Iri' Jam ca pijim' mi' xihwe pane, ca wara taraju hwe pain ca xo' howa ten qui' hwe pane quem: Tomi' querec te caracan xujuhu' ta napari'.

1João 3:23

Je i ca' ca ara je capari': Howa jun Panxita' Jeju Cristo cwa' napari'. Tomi' querec te taxipa' xujuhu' ta napari' quem. Je ca ara je capari'.

1João 4:12

Om paxi' na ca querec tocwa Iri' Jam. Ane taxi' xin i ca' ne: Mo ta om noc caracan xijexi', win cwere cara pan ac capari' na, an hwet pe pin ac xin na ca om noc iri'o' capari' pain ca wari' nexi' ca.

1João 4:20

Wari' co tomi' ca' ma', om ca noc ton Iri' Jam ta, am tomi' ac i ma' paxi' ca pain ca noc con win howa ca ma'. Cain' cain' xira quem? Xi mixein ara ca ta. Noc iri non win howa ca co querec ca ma' ne, om ca ha' con pain ca om noc ac con Iri' Jam co om querec ca ma' quem.

1João 4:7

Je ca tomi' xuhu' pain ca tomi' querec te xuhu' ca'. Ta noc xijexi' me, xi wirico Iri' Jam ara ca co mi' napari' pain ca om noc xijexi' ta. Wari' co om noc non win ma' ca ma', wirico co panxica Iri' Jam ta. Querec pin' ac con na quem.

Apocalipse 2:4

Taxi' paxi' inuhu' pain ca ara ac i ma' hwe ma', ane ma' ne carawa ca om hohot napa' pahu' ne. Win xumu win xumu om pin mahu'. Win ne ca tomi' querec te qui' mahu' pain ca xo' howa qui' mahu' pane quem.