1Pedro 1:21 - Tradução Bíblica Pacaas Novos

²¹ Je ca howa pin hun Iri' Jam ma', xi om ca Cristo co to' e' mami' ca pane, co to' hwara' opa ca pain ca mi' con pain ca in ac in ac pi' pin cocon oro wari' quem. Je ca howa hun Iri' Jam ma'. Howa hun pain ca winim' hun ma', pain ca mi' xim cuhu' pain oro ca wara tomi' pe mi' cuhu' ma'.

1Pedro 1:21 Iomraidhean Croise

Mateus 28:18

Xut hwet ac caparut na, tomi' ac caparut na: Mi' napa' pain ca taramaxicon wa Te Iri' Jam. Taramaxicon pe pi' pin rain pawin je macan' ta napa'.

João 12:44

Merem ac ca na Jeju, merem mip na: Wari' co howa napa' ma', om ca howa e' capa'. Howa non Te co hwet roron oro wari' ta napa' quem.

João 14:1

Ta toron ne xumuhu' me ac caparut na. Howa jun Iri' Jam, howa xine quem.

João 14:6

Om na, wata' co Iri' Wanaxicon Te Iri' Jam pan cwa' ta ac ca na Jeju. Wata' co an hwet mi' nuhu' pain ca iri'o' wa con. Wata' co mi' nuhu' pain ca e' cara wa quem. Xica' pe ina pain ca mi' taxi' xuhu' pain ca hwet hun Te ta. Om na xucun.

João 17:1

Tomi' tomi' pi' pin iri naparut pain ca tomi' nucun ma' ne, noro pawin ac ca na, tomi' ac con na Cote ca. Te ac con na. Maqui' pin napa' xec nein ca mi' pin ta' ne ta. An hwet pe rain ca hwara' opa ne pain ca awi tamana ne pain ca Panxita' mapa' ca'. Ma' ta an hwet pe tain ca hwara' opa nem pain ca awi tamana nem quem.

João 17:24

Tomi' mi' inem cocon caram cwa' co mi' mapa' cwa' Te ac con na. Param inonon pain ca to ho' cacapa' pain ca pe ne quem. Ma' ta querec cacain ca hwara' opa ne pain ca awi tamana ne ca mi' mapa' ca'. Xi wara tomi' querec te ara mapa' pain ca om tomi' ma' pin querec xine macan' pane ta non.

João 17:5

In hwet ho' xim inem ta Te ac con na. In hwet iri xim ne, an hwet pe mami' ac main tara ca awi tamana ne pain ca Iri' Jam ne ca wara ma' napa' pain ca pe ho' pe ho' wet xim pain cara pane, pain ca om ma' querec ne macan' pane non.

João 3:34

Jeju co mao rain macan' ca Iri' Jam pane, tomi' hwet nain iri' ca tomi' nucun Iri' Jam. Xi om ne ca mi' ara con pain oro ca hwara' opa nein Tamataracon.

Atos 2:24

Ane to' witan ca' con pain ca mi' pin cara wa Iri' Jam ne. To' e' mami' non. Xi ha' con pain ca mi' pin cara wa ta.

Atos 3:13

Om na ta! Ca hwara' opa pan nucun Iri' Jam ta, co Iri' Jam ne caca hwanana nexi' cara pane, Abraão con Isaque con Jacó cara pane, wirico pan na co quep xio pin non wari' cwa', wirico co an hwet mi' nuhu' pain ca hwara' opa tamana nucun Jeju cara pane, co taramaja mi' taxipa' non pane. Quep jun Jeju ta huhun oro taramaxicon nuhu' pane, o mi' ac cocon na con taramaxicon Pilatos quem. Ma' ta to' pa' pin cocon oro soldado nem ta nonon pane. Om pin ton paxi' non Jeju Pilatos pane. Ane tomi' napat pan hun ne. Noc urut con ta hun.

Atos 3:15

To' pa' pin iri nonon Jeju oro soldado ne, ac ca to' pa' pan hun na. To' pa' pin hun ma' ira! To' pa' pin hun co ma' co to' e' napari' cwa', co mi' xim napari' pain ca e' cara wa pain pawin ta. Ac i ma' paxi' hwe, ane to' e' mami' con Iri' Jam ne. Querec urut con pain ca e' mami' nucun quem.

Atos 4:10

Je ca tomi' urut pahu' ca', taraju pa' jein ca tomi' urut pahu' ca'. Taraju pa' taraju pa' pi' pin tatara oro win ma' nexi' pain ca wari' nein Israel iri' quem. Xio pin na wari' cwa', co xat ja' pan nuhu' cwa'. Ca hwara' opa nucun Jeju Cristo co maqui' nain Nazaré pane, je i ma' pan na ca to' xio pin non ma'. Tatatain mi' paxi' hun pain pana pane, ane to' e' mami' con Iri' Jam ne.

Romanos 10:9

Je i ca' ca tomi' capari' capijacon Iri' Jam: Mo ta tomi' hwet huhun oro wari' pain ca howa inon Jeju pain ca iri' Taramaxicon ca cwa' huhun ma'. Mo ta howa hun pain iri' xumuhu' ma', pain ca to' e' mami' con Jeju Iri' Jam ma'. To' witan pin ac cuhu' tara.

Romanos 4:24

Om ca xica' pe ca Abraão co tomi' wa ma'. Tomi' napari' quem. To' hohot pin xuhu' ta napari' pain ca howa xun ca'. Tomi' ac i ma' napari' Iri' Jam co to' e' mami' non Taramaxicon nexi' Jeju ta.

2 Coríntios 6:15

Ma' tara ca xin ne ac xucucun Cristo con Belial ra? Ma' tara ca coromicat an xiho' ac xucucun wari' co howa non Cristo con wari' co om howa non quem ra? Om na quem.

Efésios 1:15

Je ca tomi' xuhu' ca'. Taraju iri inuhu' pain ca howa hun Taramaxicon nexi' Jeju ne. Taraju iri inuhu' pain ca tomi' querec te tomi' querec te pi' pin huhun oro wari' nucun Iri' Jam ne.

Colossenses 1:27

Awi tamana na ca coromicat nucun Iri' Jam ca an hwet pin ca pain xocori ca'. Ac i ca' na ca coromicat mi' cuhu' pain ca om judeu hwe ma': Pe ho' turuhu' Cristo, win cwere turuhu' pain iri' xumuhu'. Wirico co to' taxi' nuhu' pain ca aram aram to ho' xun hun pain pawin cain.

1 Timóteo 1:1

Paulo ina pain ca xirao' mi' xim ca'. Wari' nucun Cristo Jeju ina, xi om ne ca apóstolo ra ara capa' pain ca tomi' hwet roron pain capija oro wari' capa' pane. Iri' Jam ma', co to' witan napari' ma', wirico co apóstolo nucun Panxita' ra napa' ca'. Cristo Jeju ma', co howa iri' pain ca winim' xun ca', pain ca aram aram in qui' ta' ca ma', wirico co mi' napa' pain ca taramaja ne ca'.

1 Timóteo 3:16

Iri' Jam ma', om ca an hwet querec cain ca coromicat an pe xo' nucun ca howa iri' con Cristo Jeju pane. Pain xocori ca' iri na ne, an hwet mi' napari' con. Ca' napari' con: Wari' pin na Cristo. An hwet mi' napari' pain ca awi nucun Tamataracon Iri' Jam. Querec nonon oro jam co taramaja mi' nonon Cote ca. Pijim' hwet ac tocwa na cocon oro wari' co om judeu nana. Mija nana oro wari' co howa nonon pain oro xijein macan'. Piri' in hwet ac con na Cote ca pain pawin. Ac i ma' na tamara' ca com mi' xun ca'.

Hebreus 2:9

Ane taxi' xun Jeju ma' ne, pain ca querec pin' tocwa pain ca awi tamana nucun ma', je pain ca in ac tamana tocwa ma', xi om ne ca mi' pin caho' ara capari' ta. Xiram pa' ara xi' napari' Cote ca ma'. Je ca tomi' ca' con pane: Mi' xim pain ca hwara' opa tiquin' ca' quequem oro jam co taramaja mi' nanapa' cwa'. Ma' ta mi' pin caho' momon oro wari' ta non. Om ta momon hwara' opa tiquin' ca' quequem, to' hwara' opa hap mami' ac xim tara ta, ac i ma' na ca tomi' con pane.

Hebreus 6:1

Je ca tomi' xuhu' ca'. Hohot na pain ca om noro in hwet noro in hwet e' xin oro capijacon Iri' Jam con Cristo ca wara ca' na qui' urut pahu' pain cara pane. Ca' na ca' na tiquin' xut urut pahu' pain oro xocori capijacon Iri' Jam con Cristo quem, ma' ta horon horon tiquin' hwe pain ca howa nuhu' ta urut pahu'. Wara pijim' ca' ara xi' urut pahu' pane: An to pin jein oro ca ara ximama' ne wara curuhu' ma'. Howa e' jun Iri' Jam ta, ac i ma' na ca wara pijim' urut pahu' pane.

Hebreus 7:25

Je ca ha' con pain ca to' witan cara capari' pain ca to' wixicam pin capari' con Iri' Jam. To' witan cara napari', xi e' cara pan ara ca ta. Ma' ta tomi' mi' xuhu' con Te ta napari'.

1Pedro 1:11

Taraju pa' xixi' na nanain ca tomi' nein Tamataracon Cristo ca pe ho' nonon pane, pain ca tomi' ca' tococwa pane: Jain jain tamana iri tara Cristo ne, awi tamana ac ne tara oro ca aram aram ara ton non ta, ac i ma' na ca tomi' tococwa pane. Ma' xec ca tomi' mi' ne quem, cain' cain' xira quem ac caca na pain ca noro cacain capijacon Iri' Jam pane.

1Pedro 1:3

Tomi' hwet xin ca awi tamana nucun Iri' Jam co Te ca Taramaxicon nexi' Jeju Cristo ta. Xiram pa' tamana napari'. Mam' mi' napari' pain xocori ca e' wa pain ca to' e' mami' con Jeju Cristo ta. Je ca om tara con ta'a camain' xun pain ca howa xun ca', pain ca winim' xun pain oro ca mi' xim capari' ma'.

1Pedro 3:22

Wirico Jeju Cristo co mao nain pawin, pe ho' pin ac cain na iri' curucun Iri' Jam ma' quem. Taramaxicon pe ho' pin ac tococwa na oro jam co taramaja mi' nonon Iri' Jam, cocon oro co taramaxicon nana ma', cocon oro xucucun jam co hwara' opa nana ma' quem.