1Pedro 1:15 - Tradução Bíblica Pacaas Novos

¹⁵ To ni ca' jein ca caracat wa pain oro ca ara hwe ta. Win ne ca pe ni ca' cain ca caracat wa Iri' Jam co howa xine nuhu' ma'.

1Pedro 1:15 Iomraidhean Croise

Mateus 5:48

Je ca tomi' xuhu' ca': Iri' wari' je. Win ca Cotere' co pe pawin cwain ta.

Romanos 9:24

Wari' pan co tora' ca cwa'. Tora' napari'. Tora' naparut pain ca judeu urut ca', tora' nuhu' pain ca om judeu hwe ma' quem.

2 Coríntios 7:1

Je ca tomi' urut pahu' pain ca tomi' querec te urut pahu' ca'. Tomi' ac i ma' napari' Iri' Jam pain ca tomi' an pe mi' capari' pain ca tomi' nucun ca'. Na e' na pain ca an to pin xin oro ca to' pan teretem napari' pain cwerexi', je pain ca coromicat nexi' ca'. Na e' na pain ca tomi' ha' xun pain ca in ac xun quem. Win xumu xun pain ca to' hohot pin xim capari' ca'. Ca win xumu ac xun tara, ca win xumu ac xun tara, to' hohot mip ac capari' tara quem.

Filipenses 1:27

Je ca tomi' xuhu' ca', win xumu cain' jein ca xuruxut xo' wa ta. Ac oro wari' co xuruxut xo' nana pain ca howa cacain capijacon Iri' Jam ca tomi' hwet napari' con Cristo ta je, ac i ma' tara ca xuruxut xo' nuhu' ta. Am ha' capa' pain ca hwet xuhu', am om ha' capa'. Am taraju e' xuhu' pain ca tomi' hwet xihwe pain ca xuruxut nuhu' ma', je i ma' ira. Taxi' xuxuhu' na inuhu' pain ca hwara' opa hwe pain ca ac ca xica' pe ne ne xumuhu' ma', pain ca tomi' in pin wi huhun oro wari' co ari nanain capijacon Iri' Jam ca tomi' hwet napari' con Cristo ta.

Filipenses 3:14

Win ca wari' co mo ma', pain ca jein hwet xin tawiri wana cocon oro win ma' ca ma'. Om ca noro in cain waracon. Mo mip e' na, hwet cain' tain tawiri wana, ma' ta an tain carawa ca awi ta na. Ac i ma' ina quem. Win xumu e' inon Cristo Jeju, ma' ta aram aram mi' xim capa' pain ca param nucun Iri' Jam pain pawin ina.

Filipenses 3:20

Ane om ac i ma' iri' ne. Wari' nein pawin iri', je i cain ca pe ne iri' macaraxi'. Maqui' tarain i cain Taramaxicon nexi' Jeju Cristo co to' witan napari'. Winim' urun, jain jain urun pain ca maqui' ta' nucun.

1 Tessalonicenses 2:12

Ac cote cacama hwijima' urut pahu' pain ca hu urut pahu' ma'. Tomi' toto urut pahu', hu urut pahu' pain ca xuruxut xo' je urut pahu' ma'. Win ne ca howa pin hun Iri' Jam co tora' nuhu' ma', pain ca taramaxicon pe ho' xim cuhu' ma', je pain ca jao jao ma' xine pain ca awi tamana ne cuhu' ma' urut pahu' pane.

1 Timóteo 4:12

Xo' hwara' paxi' ma. Ane om na ne pain ca tomi' napat quequem co howa nana ma' ne. Om ca na ne pain ca tomi' napat quequem pain ca xo' hwara' nem ma'. Na e' na pain ca win ca ne quequem pain ca querec pin' quequem pain ca tomi' xo' nem ma', je pain ca xut xo' nem ma' quem. Na e' na pain ca win ca ne quequem pain ca om noc momon oro wari', je pain ca howa mon Iri' Jam ma', je pain ca miri'om main oro ca caracat wa ma' quem.

2 Timóteo 1:9

Wirico co to' witan napari', wirico co tora' napari', iri' wari' ne napari' quem. Om ca mam' to' witan capari' pain carawa ca awi ca ara xi' paxi' iri', om na. Mam' to' witan napari' pain ca param pan nucun. Mam' to' witan napari' pain ca xiram pa' pan capari' quem. Om xi xiram pa' capari', xi iri' wari' iri' ta. Ane wara xiram pa' qui' capari' pain cara pane ne, pain ca om tomi' ma' pin querec cain macan' pane, wara coromicat an pe xo' mi' napari' pain ca xiram pa' nucun. Main to' witan turuhu' Cristo Jeju cwa' napari', ac i ma' tara ca xiram pa' xuhu' ta napari' pane.

Tito 3:14

Ac i ma' tatara oro xerexi' pain Creta ma' quem. Tomi' roron, ara taxipa' jein ca awi wa ta roron. Quep xiho' jujun oro wari' pain carawa ca om nonon ta roron. Om ta jam' ne curuhu' ta roron, xi quep xiho' capari' ca jam' ne ca cwere wa ta roron quem.

Tito 3:8

Iri'o' na ca tomi' xim ca'. Je ca tomi' xim ca'. Param inem pain ca tama' pijim' mi' momon pain ca tomi' ne oro wari' co howa nonon Iri' Jam ma'. Iri'o' na ta roron. Ma' ta tama' ara cacain ca awi wa, ma' ta win xumu cacain quem. Hohot tamana na ca pijim' ac i ma' momon ma'. Quep xiho' nonon oro wari' quem.

Hebreus 12:14

Win xumu jein i ca' quem, pain ca tomi' querec te xujuhu' pain ca jao jao ma' xujuhu' ma', je pain ca to ni ca' hwein ca caracat wa ma' quem. Wari' co om pe ni ca' nain ca caracat wa ma', om ta querec con Iri' Jam ta.

Hebreus 13:5

Ta win xumu ximama' hwein oro caramaji macan' me, pain ca caramaju xita' na ina me hwe ma'. Carawa ca wara ma' nuhu' ma', hohot napa' ta jein. Xi tomi' pe mi' ca' ara capari' Iri' Jam ta: Om ta an pe camain' xuhu'. Om ta in ca' camain' xuhu' ta, ac i ma' na ca tomi' pe capari' ta.

Tiago 3:13

Wahu' pain ca coromicat xo' ina ta hwe ma', je pain ca taraju pa' xo' ina ta hwe ma' quem, an hwet pe jein ca xuruxut xo' nuhu' pain ca ara hwein oro ca awi wa ta. Om ta xec xec hwe pain, tomi' wixite e' je pain. Querec pin' ac xihwe tara pain ca xuruxut xo' nuhu'.

1Pedro 2:12

Xuruxut xo' je pain ca to ho' huhun oro wari' co om howa nana ma'. Tomi' em' paxi' tuturuhu', pan teretem nana ta paxi' tuturuhu'. Je i ma' ira, xuruxut xo' je, ma' ta querec pin' cucuhu' pain ca ara hwein oro ca awi wa ta. Aram aram awi na Iri' Jam ta ac caca tara pain xec nein ca in qui' ta' nucun quem.

1Pedro 2:9

Wahu' iri na ne, tora' nuhu' Iri' Jam pain ca wari' ne cuhu' ma'. Ac sacerdote nucun pin hwe pain ca taramaja mi' hun pain ca Iri' Taramaxicon ca ma'. Xica' pe na Iri' Jam co wari' ne nuhu'. Ma' ta tomi' hwet huhun oro wari' pain ca hwara' opa tamana ne ca', pain ca ara mi' toton pain oro ca awi wa ca' nuhu'. Wirico co hwerehwet ca' jein ca jitacat nein xim ta nuhu' pane, wirico co wixicam pin xine pain naran ne ca awi tamana ca' nuhu' pane quem.

1Pedro 3:16

Tomi' in hwet xo' iri jujun ne, tomi' wixite e' ac huhun tara, ta tomi' ximama' huhun me ta. Tomi' hwet e' jujun pain carawa ca taxi' hwe pain ca hohot con Iri' Jam. Ma' ta wixipa' pin caca co tomi' napat nunuhu' pain ca xuruxut xo' nuhu' pain ca howa hun Cristo ta.

1Pedro 5:10

Ame hwe e', om ta jain jain cara hwe, main pi' pin tara ca jain jain nuhu'. To' hohot pin ac cuhu' tara Iri' Jam. To' hwara' opa turuhu', mi' turuhu' pain ca om naro camain' wa, to' hwara' opa cara ac cuhu' tara. Xi wirico ara ca co xiram pa' taxipa' nuhu'. Wirico co wara param mi' nuhu' pain ca jao jao ma' hun pain ca awi nucun pain ca hwara' opa nucun ca om pi' ra ha' ma', xi om ne ca win cwere ara hun Cristo Jeju ta.

1João 3:3

Oro wari' co winim' nanain xec nein ca mi' xun tococwa pain ca ac wirico Cristo pin caca ma', to ni ca' taxipa' nanain oro ca caracat wa ma'. Win ca Cristo pain ca pe ni ca' cain ca caracat wa ma' quem.

Apocalipse 3:7

Tomi' ac capa' na: Xirao' mi' ron co ma' co querec wet nonon co howa to nanain Filadélfia. Xirao' mi' ac i ca' ron: Je i ca' ca tomi' xim cuhu' co ma' co wara tora' ca Iri' Jam pane, co pe ni ca' nain ca caracat wa ma', wirico co iri'o' ma'. Je i ca' ca tomi' xim cuhu' co pe ho' non ca mam' pa xine manain ca corom ac xine cidade nucun Taramaxicon Davi cara pane. Mo ta pa cain manain, om ca tao' pa' ac cain xucun wari'. Mo ta tao' pa' cain, om ca pa ac cain xucun wari' quem. Tomi' ca' xim nuhu':

Apocalipse 4:8

Tapaxu nana quem, ma' 6 ma' 6 xam' na tapaxicocon. Mija na tococon pain curucucun je pain tequipain tapaxicocon quem. Com cara nanain tamara' quem, pain xec je pain xim. Om ca maho' camain' cacain ca com wa tamara'. Com mi' ac i ca' nonon Iri' Jam: Wum co awi tamana ma', co pe ni ca' nain ca caracat wa ta Iri' Jam. Iri'o' ta, wum co awi tamana ma', co pe ni ca' nain ca caracat wa ta. Wum co Taramaxicon ne urut ta Iri' Jam. Hwara' opa pan ma. Wum co wara ma' pain cara pane, wum co ma' cara cwa', wum co maqui' ta' ma' quem. Ac i ma' na ca com mi' cara cocon Iri' Jam caram ma' co e' nana ma', co ac jam paxi' nana ma'.

Apocalipse 6:10

Merem mip ca' nana: Cain' cain' ta' ma ma' quem Iri' Taramaxicon co iri'o' ma', co awi tamana pain ca pe ni ca' main ca caracat wa ma'? Cain' cain' ta' ma ma' quem? Je xi wap hap momon oro wari' co to nanain oro xijein macan' quem? Em' hwe, mama' jein cote ne xe ta ximomon quem? Win ne ca to' parapa' pin cacaparut pane, ac i ma' na ca merem mip cocon ma'.