1Pedro 1:10 - Tradução Bíblica Pacaas Novos

¹⁰ Oro profeta co tomi' hwet nanain oro ca tomi' hwet je tococwa pane, pain ca main to' witan e' turuhu' Iri' Jam ta cocon oro wari' pane, i'ina na ximicocon pain ca cain' cain' xira ne caca, je pain ca cain' xi to' witan ac tococwa ne caca pahu', noro noro ac cacain na capijacon Iri' Jam.

1Pedro 1:10 Iomraidhean Croise

Mateus 13:17

Je ca tomi' xuhu' ca', tomi' iri'o' inuhu' ta ac caparut na: Mija nana oro profeta cocon oro wari' nucun Iri' Jam cara pane, co querec xixin na nanain oro ca querec hwe pain xocori ca'. Ane om querec cacain ne. Mija nana co taraju xixin na nanain oro ca taraju hwe pain xocori ca'. Ane om taraju cacain ne na ca tomi' caparut pane.

Mateus 26:24

Mi' pin ta' ina pain ca Iri' Wari' ta' ca'. Win ne ca xirao' pe cacapa' oro profeta pane. Mi' pin ta' paxi' ina. Ane ximin pan ta' ca co ma' co tomi' mi' xim napa' cocon co noc nanapa' ma' ne, co quep xim nanapa' ma'. Ximin tara. Hohot xira pain ca om pan' ne ca pije' nucun cam jicon ta na ca tomi' caparut ma'.

Lucas 10:24

Je ca tomi' xuhu' ca' ac tococwa na. Mija nana oro profeta cocon oro taramaxicon cara pane, co querec xixin na nanain oro ca querec hwe pain xocori ca'. Ane om querec cacain ne. Mija nana co taraju xixin na nanain oro ca taraju hwe pain xocori ca'. Ane om taraju cacain ne na ca tomi' tococwa ma'.

Lucas 24:44

Je ca tomi' xuhu' pain ca pe ho' pe ho' wet xuhu' pane ac tococwa na. Na e' na pain ca hwet pin ne oro capijacon Iri' Jam pata'. Oro ca xirao' nucun Moisés cocon oro profeta, je pain Oro Tamara' quem, na e' na pain ca hwet hwet pi' pin ne pata' ac tococwa na.

João 5:39

Noro tamana paxi' hwein capijacon Iri' Jam ca xirao' pe xine ma'. Coromicat ac hwe na: Mo ta noro xin capijacon Iri' Jam ca', mam' ac xin tara ca om pi' ra ha' ne ca e' wa pain pawin ta paxi' na ca coromicat nuhu' ma'. Je capijacon Iri' Jam ca tomi' hwet pan napa' quem.

João 7:52

Cain' cain' ma quem? Ac ca maqui' main Galileia na ta! Mo xi noro tamana main capijacon Iri' Jam ma', taxi' ac ma xira pain ca om ma' camain' ca profeta co maqui' nain Galileia ta! Ac i ma' na ca tomi' in pin cocon ma'.

Atos 10:43

Wara tomi' nonon oro wari' oro profeta pane quem, pain ca tomi' hwet tomi' hwet xam' tococwa con wari' nucun Iri' Jam co wara tomi' pe ca pane. Ca' na ca tomi' hwet tococwa pane: Oro wari' co howa xun nonon ma', xic am pin ac xine tara pain ca caracat nucucun ta, xi om ca wari' nucun Iri' Jam co wara tomi' pe ca pane nana oro profeta pane. Ac i ma' na ca pijim' cocon Pedro ma'.

Atos 17:11

Oro judeu co to nanain Bereia ma', jimama' ca' nonon oro judeu co to nanain Tessalônica. Xumu xo' nana, tomi' querec te tamana nana pain ca taraju cacain ca pijim' nucun Paulo con Silas ma', pain ca pijim' cacain capijacon Iri' Jam con Jeju. Tama' noro nanain capijacon Iri' Jam ca xirao' to caca oro profeta pane, tama' noro noro nanain pain oro xijein xec. Am iri'o' ne cocon, am om iri'o' ne cocon, noro xin quem, ma' ta querec pin' xin cocon ta pan nana.

Atos 28:23

Je i ma' ta ac ca na Paulo ma', an pe xo' ac cacain na xec nein ca cut in mami' xi' caca ma'. Maqui' iri na xec nein ne, in hwet ac cocon na Paulo pain xiricon. Ma' mija nana oro win ma' caca co o qui' caca ma' quem. Hwet nonon Paulo pain xo' xec, pijim' pijim' ac tococwa na. Pijim' xo' tata con Iri' Jam ma', pain ca taramaxicon pe ho' xim capari' con Jeju. Noro mi' tata pain oro ca xirao' nucun Moisés je oro ca xirao' nucucun oro profeta ma' quem. Momon pijim' pijim' mi' ac tococwa pain na. Ma' ta taraju pa' hwe ta tata. Howa xiroron Jeju na paxi' tata pain ca pijim' nucun. Momon pijim' momon pijim' irawin pa' ac tococwa na.

Atos 7:52

Tomi' hwet paxi' nanain capijacon Iri' Jam oro profeta pain cara pane. Ma' xica' pe tara profeta co om ja' tequi' quep em' caca oro hwanana nexi' pane ra? Om na ta, om ca ma' xica' pe camain' ca cocon. Quep em' quep em' xam' tata pane. To' parapa' tata co wara tomi' pe nanain ca maqui' nucun co ma' co tama' ara xo' quem, co tomi' mi' pan hwe cocon co noc nonon pane, co to' pa' pin hwe pain xocori ca' quem.

Hebreus 11:13

Howa howa pi' pin nana oro co wara tomi' pe wawa pane. Howa howa, aram aram cono' pin ac caca na quem. Om paxi' na ca ara mi' tococwa pain oro ca wara tomi' pe mi' tococwa pain ca e' e' wet nucucun pane, ane howa cara caca ne. Main ara mi' tarapari' pain ta nonon Iri' Jam. Ac ca querec pira cacain na. Winim' nanain, tomi' querec te nanain. Tatirim e' urut, om ca wari' nein macan' ca' urut ta nana.

Hebreus 11:40

Xi ma' ara ne ca coromicat xo' mi' capari' cocon ta. Awi tiquin' ca' nain ca wara coromicat xo' mi' tococwa oro hwanana cara pane. Ca' na ca coromicat xo' nucun pari': Om ta ara mi' ho' toton pain ca wara tomi' pe ne ca' napari'. Winim' xuhu' pain ca aram aram howa xim mahu', to' hohot wi ac xuhu' cocon tara ta napari'.

1Pedro 1:11

Taraju pa' xixi' na nanain ca tomi' nein Tamataracon Cristo ca pe ho' nonon pane, pain ca tomi' ca' tococwa pane: Jain jain tamana iri tara Cristo ne, awi tamana ac ne tara oro ca aram aram ara ton non ta, ac i ma' na ca tomi' tococwa pane. Ma' xec ca tomi' mi' ne quem, cain' cain' xira quem ac caca na pain ca noro cacain capijacon Iri' Jam pane.

1Pedro 1:13

Je ca tomi' xuhu' ca'. Coromicat xo' je. Wara awori xo' je pain ca ara xin hwein ca param nucun Iri' Jam. Ma' tara xumuhu'. Howa mip jun Iri' Jam pain ca xiram pa' xim cuhu' ma', pain ca to' witan e' xim cuhu' pain ca in qui' ta' nucun Jeju Cristo ta.