1Pedro 1:1 - Tradução Bíblica Pacaas Novos

¹ Pedro ina pain ca xirao' mi' xuhu' ca'. Apóstolo ra napa' Jeju Cristo pane, pain ca tomi' hwet roron pain capija oro wari' capa' pane. Xirao' mi' inuhu' pain ca wara tora' cuhu' Iri' Jam pane. Ac ca tatirim to hwein na oro macarahu' ma', pain Ponto, pain Galácia, pain Capadócia, pain Ásia, je pain Bitínia ma' quem.

1Pedro 1:1 Iomraidhean Croise

Mateus 10:2

Ma' 12 urut pain ca tomi' ac i ma' caparut Jeju ma', pain ca apóstolo je pain ca tomi' hwet huhun pain capija oro wari' ta caparut. Mo urut: Simão ma', co o naparut ma'. Pedro na xijein wixicon Simão ma'. Ma' ac ca na coxa' ca ma' quem, André ma'. Ma' ac ca na Tiago con coxa' ca João ma' quem. Mana panxica Zebedeu nana Tiago con João ma'.

Mateus 24:22

Mo xi om to' wijimain pin cain oro xec nein ca jain jain nucucun oro wari' Iri' Jam ma', om xi witan camain' caca. Ane to' wijimain pin tain cain ne. Xi ma' ara caca oro wari' nucun co tora' ca ma'.

Mateus 4:18

Xut ac cain na cacarain cote ne com pain Galileia ma'. Querec ac tococwa na caram ma' co ma' 2 nana ma'. Simão co Pedro na xijein wixicon ma'. André na wixicon coxa' ca ma' quem. Xin mi' nana pain com caji wi ca mam' pa' caca hwam. Xi pa' taxipa' ara caca hwam ma', vender vender ac cocon na quem, je i ma' ca taramaja nucucun pane.

Lucas 18:7

Quep xiho' tam ta na. Om ta ac i ma' ca Iri' Jam quem ra? Om ta quep xiho' cocon oro wari' nucun co wara tora' ca ma', co tama' quep xiho' xut cocon oro wari' co mixein nanaparut cwa' nonon pain xec je pain xim quem ra? Miri'om cara totoron ra? Om ta miri'om cara cocon ta.

João 11:52

Pain ca mi' pin caho' totoron oro win ma' caca ma', om ca tomi' e' tococwa oro win judeu urut. Tomi' tata oro wari' nucun Iri' Jam co cut in toton ca ma' quem, co wawaran to nanain oro xijein macan' ma' quem. Ma' ta win ma' ne xucucun ta na. Ac ca nari xucucun tara ta na.

João 7:35

Tomi' ac xucucun na oro taramaxicon nuxut pain ca judeu urut ca': Main xi mao ta' ca quem, pain ca om ta mam' ac mahu' ta capari' ma' quem? Hwet toton nonon oro win ma' nexi' co to ho' nonon oro tatirim ra? Ca' na toton pain capijacon Iri' Jam na ra?

Atos 18:2

Mam' pe non wari' pain i cain. Áquila na wixicon. Judeu na. Pan' pe paxi' nain Ponto, je i ma' wixinain macaracon Áquila. Ane xo' maqui' cain Itália ne, je i ma' wixinain macan' ca xo' maqui' ca. Wirico, wiricam manacon Priscila ma' quem, xo' maqui' nanain Itália. Xi om ne ca tomi' nucun taramaxicon Cláudio ma', cocon oro judeu pane. Paca' paca' pi' pin jein Roma ta tata oro judeu pane. Mam' iri nanam pain Corinto Paulo ne, hwet ac cacam na pain xiricacam.

Atos 18:23

Pain pin iri na pain ca mon to wet cain i cain ne, mao ta' ina ta ac ca na. Xut mao ac cain na oro xijein cidade pain Galácia je Frígia ma'. To' hwara' opa ac tococwa na co howa nonon Jeju.

Atos 19:10

Om ca an pe cain ca ca' na pe wa pain i ma' quem. Maqui' pa' non xijein cawaxi', maqui' pa' ac con na xijein ma' quem. Aram aram taraju ac cacain na capijacon Iri' Jam con Jeju oro wari' co to nanain oro xijein cidade pain Ásia ma'. Ca judeu nucucun ma', ca om judeu nucucun ma' quem, taraju taraju pi' pin ac cacain na capijacon Iri' Jam con Jeju.

Atos 6:9

Ane ma' caca oro judeu co noc nonon ne. Taramaja mi' e' nonon oro tatirim pain cara pane. Aram aram to' witan ac tococwa na quem. Xirim ca cut in to xucucun ma', Xiricocon co Witan Nana ta na wixinain cocon oro wari'. Maqui' nanain oro xijein cidade ma', maqui' nanain Cirene je Alexandria, maqui' nanain oro xijein macarain Cilícia je pain Ásia quem. Noc nonon Estêvão. Tomi' xun e' ac caca na, tomi' in pin tomi' in pin ac cocon na quem.

Atos 8:4

Co howa nonon Jeju ma', co ja' wawaran wawa ma', pijim' pijim' ac cacain na capijacon Iri' Jam pain oro xijein cidade ca mama' caca ma'.

1 Coríntios 16:19

Tomi' nunuhu' oro xerexi' co cut in xucucun pain macarain Ásia ca'. Mam' pe wet urut pahu' ta nunuhu'. Tomi' nuhu' Áquila cam Priscila cwa', wiricoco oro xerexi' co cut in to xucucun pain xiricacam cwa' quem. Mam' pe wet urut pahu' ta nunuhu'. Tomi' querec te tamana urut pahu' pain ca win cwere wi xun Taramaxicon nexi' ta nunuhu'.

2 Coríntios 1:8

Tomi' hwet xim urut pahu' pain i ca' quem xere. To' i'ina tamana nanaparut oro co to nanain macarain Ásia pane. Jain jain tamana urut cocon, ximin tamana urut cocon pane. Om ta witan ca' ac xuxun ta urut cocon ira, to' parapa' pin xim nanaparut ira.

Gálatas 1:2

Xirao' mi' inuhu' pain ca howa hun Jeju ma', pain ca cut in xujuhu' pain Galácia ma'. Mam' pe wet urut cocon ta nunuhu' oro xerexi' co to ho' nanapa' cwa' quem.

Efésios 2:12

Mam' pe wet jein i ca': Om ca querec pin' hun Cristo pane. Om ca win ma' ne huhun oro wari' nein Israel co tora' ca Iri' Jam pane quem. Om ca taxi' hwein oro ca tomi' an pe xo' tococwa pain ca tomi' pe pin qui' cocon pain ca tomi' nucun Iri' Jam pane. Ximin hwe pain ca to ho' huhun oro caracat pain macan' ca' pane. Om ca main witan xi' camain' hwe pane ira. Om ca querec pin' camain' hun Iri' Jam pane.

Efésios 2:19

Je ca tomi' xuhu' ca': Wahu' pain ca howa pin hun Cristo pain ca om judeu hwe ma', warut pain ca howa pin urut con Cristo pain ca judeu urut ca' quem, tatirim tatirim om pin xijexi'. Win ma' ne pin xijexi' pain ca iri' wari' nucun Iri' Jam iri' ca'. Te pin urun, xere pin xijexi' pain ca mana panxica Iri' Jam iri' ca' quem.

2 Timóteo 1:15

Taxi' mapa' pain ca an pe pin cacapa' oro xerexi' co maqui' nanain oro xijein cidade pain macarain Ásia ca'. Wirico Fígelo con Hermógenes quem, noc noc pi' pin nanapa'.

Hebreus 11:13

Howa howa pi' pin nana oro co wara tomi' pe wawa pane. Howa howa, aram aram cono' pin ac caca na quem. Om paxi' na ca ara mi' tococwa pain oro ca wara tomi' pe mi' tococwa pain ca e' e' wet nucucun pane, ane howa cara caca ne. Main ara mi' tarapari' pain ta nonon Iri' Jam. Ac ca querec pira cacain na. Winim' nanain, tomi' querec te nanain. Tatirim e' urut, om ca wari' nein macan' ca' urut ta nana.

Tiago 1:1

Tiago ina pain ca xirao' mi' xuhu' ca'. Taramaja mi' e' inon Iri' Jam con Taramaxicon nexi' Jeju Cristo. Xirao' mi' inuhu' pain ca judeu iri' ca', pain ca wawaran to hwein oro xijein macan' ma'. Tomi' querec te inuhu' ta.

1Pedro 2:11

Je ca tomi' xuhu' pain ca tomi' querec te xuhu' ca'. Ac ca tatirim hwe na pain macan' ca', pain ca om to xo' hwe ma'. Je ca hu ca' xuhu' ca': Ein jein oro ca param ne ca cwere wa ca to' i'ina nuhu' ma', ca ac ca mixita cuhu' ne pain ca to' quiji' pin xim cuhu' ma'.

2 Pedro 1:1

Simão Pedro ina pain ca xirao' mi' xuhu' ca'. Taramaja mi' inon Jeju Cristo. Apóstolo ra napa' pain ca tomi' hwet roron pain capija oro wari' capa' pane. Xirao' mi' inuhu' pain ca win ma' ne xijexi' pain ca howa xun Jeju Cristo. Wirico co Iri' Jam ne iri' cwa', co to' witan napari' cwa'. Om ca tomi' querec te paxica' capari', mi' mi' pi' pin napari' pain ca howa xun ca'. An an ari xijein ca howa nexi' quem.

Apocalipse 1:11

Tomi' ac capa' na: Xirao' pe ra pain tapari carawa oro ca querec ta' ma ma'. Mam' ac momon pain tara oro co howa nanapa' ma', co cut in xucucun pain oro cidade ma', ca ma' 7 ma'. Mo na oro cidade nucucun: Éfeso ma', Esmirna ma', Pérgamo ma', Tiatira ma', Sardes ma', Filadélfia ma', je Laodiceia ma' quem. Ac i ma' na ca tomi' capa' pane.