1João 5:3 - Tradução Bíblica Pacaas Novos

³ Tomi' ha' taxipa' iri urun pain oro ca ara je capari' ne, ac i ma' na ca an hwet pin xin ca om noc xun ca'. Om ca i'ina capari' pain ca tomi' ha' xin oro ca ara je capari' quem.

1João 5:3 Iomraidhean Croise

Mateus 23:4

To' i'ina nonon oro wari' pain ca tama' tomi' ha' xut tomi' ha' xut paxi' cocon pain oro ca tomi' pan nucucun. Ac ca pao' pe cacain na iri' ca xite ne carawa ma', ac ca an tiquin' jein ta cocon na pain ca tama' tomi' ha' xut ximama' cocon ma'. Ane om quep xiho' cocon pain ca tomi' ha' wa ne, om ca an tiquin' xiho' camain' cocon pain.

João 14:15

Mo ta om noc mahu', tomi' ha' ac mahu' tara pain oro ca ara je xuhu' ca' ac caparut na.

João 15:10

Mo ta tomi' ha' mahu' pain oro ca ara je xuhu' ca', om ac ne tara ca noc xuhu' ta. Win ta' con Te cwa', tomi' ha' inon pain oro ca ara ra capa', om ac ne na ca noc capa' quem.

João 15:14

Mo ta tomi' ha' mahu' pain oro ca ara je xuhu' ca', querec pin' ac xihwe tara pain ca win ma' ne mahu' ma'.

Romanos 7:12

Je ca tomi' xuhu' ca': Awi pan na ca xirao' nucun Moisés. Maqui' non Iri' Jam. Awi na oro ca hu capari' ca', maqui' non Iri' Jam. Hu xo' napari', awi na con.

Romanos 7:22

Xi om ne ca tomi' querec te ara tain oro capijacon Iri' Jam ca tomi' ha' ra capa' ta. Tomi' querec te paxi' inain pain ca coromicat ne ca'.

Hebreus 8:10

Maqui' iri tara oro xec nein xocori ca tomi' xo' ne ne, pain ca tomi' xo' mami' toton ta' oro waram winacon Israel ma', tomi' ca' ac toton tara ta na Taramaxicon Iri' Jam. An pe xo' mi' xuhu' pain ca coromicat nuhu' oro capija ca tomi' ha' je xuhu' ta. Ac ca xirao' pe mi' xuhu' tara pain xumuhu'. Iri' Jam ne ac mahu' tara, oro wari' ne ac xuhu' tara quem.

1João 2:3

Tomi' ha' iri urun Iri' Jam pain oro ca ara je capari' ne, taxi' ac xijexi' na pain ca querec pin' xun ca'.

2João 1:6

Xuruxut xo' iri iri' pain ca tomi' ha' xin oro ca ara je capari' Iri' Jam ne, om ac ne na ca noc xun, om ac ne na ca noc xijexi' quem. Win ne ca wara hu capari' pain cara pane, pain ca xo' taraju ten qui' xin ca pijim' xine capijacon con Jeju pane. Xuruxut xo' je pain ca om noc mahu', je pain ca om noc caracan pan xujuhu' ta capari' ca' ira.