1João 4:5 - Tradução Bíblica Pacaas Novos

⁵ Co pijim' mixein nana ma', om ca howa cocon Jeju. Je ca pijim' an xiho' e' cocon oro co om howa nana ma'. Taraju wet pan nonon oro co om howa nana ma' quem.

1João 4:5 Iomraidhean Croise

Lucas 16:8

Taramaxicon nucun ma', taxi' pin iri non pain ca mixein ca ne pain ca waraju cain caramaxicon ma', he ac con na. In ac non quem. Om ca in ac con pain ca mixein nucun. In ac non pain ca ma' ne ximicon ma', pain ca wara coromicat an pe xo' nucun pain ca main quep xiho' tatarapa' oro win ma' ne pain ca aram aram ximin ta' ca ma' na ca pijim' tococwa ma'. Tomi' ac tococwa na: Ac i ma' taxipa' nana oro wari' co om howa nonon Iri' Jam. Coromicat xo' tiquin' ca' nonon oro wari' co howa nana cwa', ma' tiquin' ca' nonon pain ca xumu wa pain ca wara coromicat an pe xo' taxi' nucucun ma', pain ca to' querec pin' cocon oro win ma' caca co aram aram quep xiho' xun nonon pain ca ximin nucucun ma'.

João 17:14

Tomi' hwet inonon pain capijam. Je ca noc cocon oro wari' co om howa nanapa' ma'. Xi win ma' ne pan tococwa pain ca wari' nein macan' caca ta. Win ta' ca', pain ca om win ma' ne toton ca' quem.

João 17:16

Om ca win ma' ne cocon oro wari' co om howa nanapa'. Win ta' ca', pain ca om win ma' ne toton ca' quem.

João 3:31

Jeju co maqui' pawin cain, hwara' opa tiquin' ca' nonon oro wari' pain macan' ca' ac tococwa na. Wata' pain ca wari' ta' ca' iri na ne, wari' nein macan' e' ina. Tomi' hwet e' inain oro carawa ca ara to nain macan'. Ane maqui' pan cain pawin Jeju ne. Hwara' opa tiquin' hwara' opa tiquin' xam' ca' napari' pain ca wari' nein macan' iri' ca'.

João 8:23

Om na, wari' nein macan' hwe ta ac tococwa na. Wata' iri na ne, wari' nein pawin ina. Coromicat an xiho' huhun oro wari' nein macan' ca'. Wata' iri na ne, om ca coromicat an xiho' toton wari' nein macan'.

2 Timóteo 4:3

Xi maqui' ta' ara ne xec nein ca om taraju wet je na cacain capijacon Iri' Jam ca iri'o' oro wari'. Param e' tatarain oro xijein ca tomi' wa, taraju wet e' totoron oro wari' co tomi' cut in pan caca. Pijim' xut pain ca capija wa ca ac pan naparut ta totoron.

Apocalipse 12:9

Xin hwet pin ac tocwa na co ma' co ac cote ne caji hop ma'. Wirico co ma' co caxicon em' cara pane, co mixein nonon hwanana pain cara pane. Wirico co Caxicon Jam ma', co Satanás na xijein wixicon ma', wirico co mixein taxipa' nonon oro wari' pain macan' ca'. Xin pan' hwet pin ac tocwa na pain macan'. Wixicaracao' camara' hwet pin ac tococwa na pain macan' oro caxicon jam co taramaja mi' nonon ma' quem.