1João 4:1 - Tradução Bíblica Pacaas Novos

¹ Je ca tomi' xuhu' pain ca tomi' querec te xuhu' ca'. Ta howa ximama' huhun oro wari' co pijim' nunuhu' me ta. Taraju wet xo' jujun, tomi' querec jujun pain ca pijim' nucucun. Am maqui' con Iri' Jam ca coromicat nucucun ma', am maqui' pan nein ximicocon ca coromicat nucucun ma', tara cocon ta. Je ta coromicat xo' qui' hwe cocon, xi om ne ca mija ara caca co tomi' hwet mixein nonon pain capijacon Iri' Jam oro wari' pain oro xijein macan' ma'.

1João 4:1 Iomraidhean Croise

Marcos 13:21

Ma' tatara wari' co tomi' mixein ca' xi' nana: Wata' co Cristo ta tatara. Ca' ac caca tara oro xucucun ma' quem: Wata' co profeta ta tatara pain ca tomi' mixein nucucun. Mixein xuxun oro wari' cwa' tatara, am ha' capari' pain ca mixein xuxun oro wari' co tora' ca Iri' Jam cwa' quem tatara, ara ara ac cacain tara oro ca om ara taxi' ne ca wari' wa ma', wa wa ac cocon tara oro wari'. Je ca tomi' xuhu' ca' ac tococwa na. Mo ta tomi' ximama' ca' cucuhu' wari' ma': Noro je, mon cwa' Cristo cwa', mo ta tomi' ac i ma' cucuhu'. Mo ta tomi' ca' cucuhu' quem: Noro je, mon cwain Cristo cwain, mo ta tomi' ximama' ac i ma' cucuhu', ta howa huhun me ta.

Lucas 12:57

Je xi querec pin' hwein carawa ca hohot non Iri' Jam quem? Querec pin' xihwein carawa ca ara je cuhu' quem.

Lucas 21:8

Om na, ma' tara xumuhu' me ac tococwa na. Ta howa huhun oro wari' co mixein xim nunuhu' pain oro carawa ca maqui' ta' ma' me. Xi mija xi' ara caca oro wari' co wata' ta nana pain ca an hwet cacain wuxu ca'. Tomi' ca' tatara oro xucucun quem: Wixicam pin na oro xec pain ca pi' pin ta' ne macan' ta tatara. Ta howa huhun me ta ac tococwa na.

Atos 17:11

Oro judeu co to nanain Bereia ma', jimama' ca' nonon oro judeu co to nanain Tessalônica. Xumu xo' nana, tomi' querec te tamana nana pain ca taraju cacain ca pijim' nucun Paulo con Silas ma', pain ca pijim' cacain capijacon Iri' Jam con Jeju. Tama' noro nanain capijacon Iri' Jam ca xirao' to caca oro profeta pane, tama' noro noro nanain pain oro xijein xec. Am iri'o' ne cocon, am om iri'o' ne cocon, noro xin quem, ma' ta querec pin' xin cocon ta pan nana.

Atos 20:29

Taxi' inuhu' pain i ca' quem ac tococwa na. Paca' iri xuhu' ne, corom hwet ac cucuhu' tara oro wari' co pijim' pan teretem xim nunuhu'. Ac orotapan tatara. Quep em' tuturuhu', om ta xiram pa' camain' cucuhu'. Win ne ca om quep em' xiram pa' xine ovelha ma', ac i ma' tatara co aram aram corom hwet xim nunuhu' ta.

1 Coríntios 12:10

Ma' nana xucucun co mi' wawa pain ca an hwet taxi' cacain ca hwara' opa nucun Iri' Jam ma', pain ca ara taxi' cacain oro ca om ara taxi' ne ca wari' wa ma'. Ma' nana xucucun co mi' wawa pain ca pijim' hwet taxi' cacain xocori capijacon Iri' Jam ma' quem. Ma' nana xucucun co mi' wawa pain ca querec pin' taxi' cocon co pijim' xo' nana ma'. Am Tamataracon Iri' Jam ne ca tomi' wi nonon ma', am Caxicon Jam ca co tomi' wi nonon ma', querec pin' ac tococwa na pain. Ma' nana xucucun co mi' wawa pain ca tomi' taxi' cacain xijein ca capija wa ca om wara taxi' caca ma'. Ma' nana xucucun co mi' wawa pain ca taraju pa' wa quem, pain ca tomi' xo' taxi' cacain ca tomi' nucucun ma' quem.

1 Coríntios 14:29

Co pijim' hwet xin nanain ca tomi' nucun Iri' Jam ma', mo ta tomi' 2 xi' caca, mo ta tomi' 3 xi' caca, tomi' ac caca tara. Taraju wet ac caca tara oro xucucun. Am hohot ne ca tomi' nucucun, am om hohot ne, ac i ma' tatara co taraju wet nonon ma'.

1 Tessalonicenses 5:20

Ta tomi' napat hwein ca pijim' nucucun oro win ma' hwe me, pain ca tomi' hwet rain capijacon Iri' Jam napa' Tamataracon ta caca ma'.

1 Tessalonicenses 5:21

Ta tomi' napat hwein ca pijim' nucucun me. Na e' na pain ca coromicat xo' hwe pain ca tomi' querec xujuhu' pain oro ca pijim' wa ma'. Am an xiho' nein iri' capijacon Iri' Jam ca wara pijim' xihwe ma', am om an xiho' nein. Mo ta querec pin' hwein pain ca maqui' con Iri' Jam ma', awi na ta ac hwein tara, howa ac hwein tara ta.

2 Tessalonicenses 2:2

Mo ta tomi' mixein ca' cuhu' wari' ma': Wara maqui' pin na xec nein ca in qui' nucun Taramaxicon nexi' ta tara. Am tomi' ca' cuhu': Om na, je ca tomi' ca Paulo pane. Tomi' xo' napa' pain Tamataracon Iri' Jam pane ta na, taraju inon ta. Tomi' hwet taxipa' nain pain oro ca pijim' nucun. Xirao' ac i ma' na pain oro ca xirao' nucun quem. Mo ta tomi' mixein ac i ma' cuhu' ma', coromicat xo' je ta. Om ca na ne pain ca toron hap ne xumuhu' con. Om ca na ne pain ca jin' hwe ma' quem.

1 Timóteo 4:1

Tomi' xo' ca' napari' Tamataracon Iri' Jam: Wixicam pin iri tara xec nein ca in qui' ta' nucun Cristo Jeju ma' ne, ma' ac caca tara oro wari' co an to pin nanain capijacon Iri' Jam ca pijim' iri' ca'. Howa howa om pin tatarain. Howa pin ac cacain tara ca pijim' nucucun oro wari' co taraju wet e' nonon oro caxicon jam co mixein nana ma'. Ac i ma' na ca tomi' capari' Tamataracon Iri' Jam. Tomi' xo' napari' pain.

2 Timóteo 3:13

Oro wari' co caracat nana ma' iri na ne, oro wari' co mixein nana pain ca ac ca iri'o' xi' ca' tara me caca ma' iri na ne, caracat caracat mao ac ne ma' tara cocon, caracat mip pin ac caca tara quem. Mija tara ca mixein caca, mija tara ca mixein tococwa quem.

2 Pedro 2:1

Om paxi' na ca maqui' nein ca coromicat nucun wari' oro ca tomi' nucucun oro profeta pane. Ane ma' taxipa' caca oro co profeta urut mixein nonon oro wari' nucun Iri' Jam pain cara pane ne. Ac i ma' tuturuhu' oro wari' co ca' na mixein xim nunuhu' pain xocori ca' quem. Iri'o' na ca ca' na urut pahu' ca' tuturuhu', to' em' to' em' ac tococwa tara co taraju wet xun nonon. Tomi' ha' urut con Jeju ta paxi' tatara, ane om tomi' ha' xun cocon ne. Om ta tomi' ha' mami' cocon Taramaxicon nexi' co to' witan nonon pane. Ame hwe e', ane ane wap xun ac tococwa tara, to' em' pan ac tococwa tara ta.

1João 2:18

Je ca tomi' xuhu' ca', pain ca ac ca mana panxita' xuhu' ne ca'. Wixicam pin na xec nein ca pi' pin ta' ne macan' ca'. Maqui' nain i ma' wari' co noc tamana non Cristo ma', co ari mip non ma'. Wara taraju hun pain ca maqui' ta' nucun. Wara mija pin nana oro win ma' ca co ari nonon Cristo pain ca noc cocon ma' quem. Je ca taxi' xin ca wixicam pin ne xec nein ca pi' pin ta' ne macan' ca'.

1João 2:7

Je ca xirao' mi' xuhu' pain ca tomi' querec te xuhu' ca'. Xirao' mi' e' inuhu' pain ca hu nucun Iri' Jam cwa', pain ca om noc caracan xujuhu' ta cuhu' ca'. Om ca xocori ne ca hu nucun quem. Wara hu ac i ma' nuhu' pain cara pane. Wara taraju hwein pain ca xo' pijim' mi' qui' xihwe pain capijacon con Jeju pane.

2João 1:7

Mija ara xi' nana co mixein nana ma', co hwet nonon oro co om howa nana ma', pijim' mixein pijim' mixein ac cocon na quem. Om ca an tan pan capari' pain ca wari' nexi' Jeju Cristo ta nana pain ca pijim' mixein nucucun. Wari' co pijim' ac i ma' ma', wirico co mixein taxipa' ma', co ari mip non Cristo pain ca noc tamana con ma'.

3João 1:11

Je ca tomi' xim pain ca tomi' querec te xim ca'. Ta an xiho' momon oro co pan teretem taxipa' nana me, an xiho' e' roron co ara nanain ca awi wa. Wari' co ara taxipa' nain ca awi wa ma', wirico co Te non Iri' Jam. Wari' co pan tem taxipa' ma' iri na ne, om ca querec pin' camain' con Iri' Jam.

Apocalipse 2:2

Taxi' inuhu' pain oro ca ara hwe ma'. Taxi' inuhu' pain ca taramaja tamana hwe ma', je pain ca quereme cara hwein oro ca to' i'ina nuhu' ma'. Taxi' inuhu' pain ca noc mip huhun oro wari' co pan teretem nana ma', je pain ca tomi' querec huhun caram ma' co apóstolo urut mixein nana ma'. Xi iri' apóstolo caca ta. Querec pin' huhun pain ca mixein nucucun ma'.