1João 3:3 - Tradução Bíblica Pacaas Novos

³ Oro wari' co winim' nanain xec nein ca mi' xun tococwa pain ca ac wirico Cristo pin caca ma', to ni ca' taxipa' nanain oro ca caracat wa ma'. Win ca Cristo pain ca pe ni ca' cain ca caracat wa ma' quem.

1João 3:3 Iomraidhean Croise

Mateus 5:48

Je ca tomi' xuhu' ca': Iri' wari' je. Win ca Cotere' co pe pawin cwain ta.

Lucas 6:36

Xiram pa' taxipa' jujun oro wari' ta. Win ne ca xiram pa' taxipa' capari' Cotere' Iri' Jam quem na ca tomi' tococwa ma'.

João 17:19

Win xumu inem pain ca taramaja mi' xim pane. Ma' ta quep xiho' toton pain ca win xumu quequem pain ca taramaja mi' quequem inonon. To' win xumu totoron ca hwara' opa nein capijam ca iri'o' ta non.

Atos 15:9

Querec querec ac wiricoco pi' pin mahu' ta napari' pain ca judeu iri' ca', je pain ca om judeu caca ma' quem. Om ca querec jimama' mahu' cocon ta napari'. To' hohot pin nonon co om judeu nana ma', xi om ne ca howa ara cocon Jeju ta. Win ne ca to' hohot capari' pain ca judeu iri' ca' quem, pain ca howa xun Jeju ca' quem.

Romanos 15:12

Xirao' pe na Isaías pane quem. Ca' na con pane: Main maqui' tara winacon Jessé. Taramaxicon pe ho' totoron oro co om judeu nana ma'. Mi' totoron pain ca howa cocon pain ca winim' cara cocon ta. Ac i ma' na ca xirao' pe ca Isaías pane.

2 Coríntios 7:1

Je ca tomi' urut pahu' pain ca tomi' querec te urut pahu' ca'. Tomi' ac i ma' napari' Iri' Jam pain ca tomi' an pe mi' capari' pain ca tomi' nucun ca'. Na e' na pain ca an to pin xin oro ca to' pan teretem napari' pain cwerexi', je pain ca coromicat nexi' ca'. Na e' na pain ca tomi' ha' xun pain ca in ac xun quem. Win xumu xun pain ca to' hohot pin xim capari' ca'. Ca win xumu ac xun tara, ca win xumu ac xun tara, to' hohot mip ac capari' tara quem.

Colossenses 1:5

Howa hun Cristo Jeju, tomi' querec te huhun oro wari' nucun Iri' Jam quem, xi om ne ca howa ara hun pain ca an to xo' mi' cuhu' pain oro ca awi wa pain pawin cain. Wara tomi' hwet xihwe pain pane, taraju hwein cocon co tomi' hwet nunuhu' pain capijacon Iri' Jam ca iri'o' ma', ca tomi' hwet cucuhu' con Jeju co to' witan xim napari' ma'.

2 Tessalonicenses 2:16

Tomi' mi' urut pahu' con Taramaxicon nexi' Jeju Cristo con Cotere' Iri' Jam. Om ca noc capari' Iri' Jam. Om ca pi' ra ha' ne ca to' hwara' opa cara capari'. Xiram pa' napari' pain ca mi' e' capari' pain ca momon winim' xun pain ca main mi' xim capari' pain carawa ca awi ca wara coromicat an pe xo' mi' capari' quem. Om xi mi' capari' pain, xi iri' wari' iri' ta. Ane xiram pa' pan capari' ne. Je ca mi' e' capari' pain.

Tito 3:7

Mi' napari' pain Tamataracon. Ma' ta om tara con ta'a camain' mahu' pain ca mi' xim xuhu' pain ca e' cara wa ca' napari'. Je ca howa iri' ca' quem. To' hohot pin napari' con Jeju. Om xi to' hohot pin capari', xi iri' wari' iri' ta. Ane xiram pa' pan capari' ne. Je ca to' hohot pin capari' con.

Hebreus 12:14

Win xumu jein i ca' quem, pain ca tomi' querec te xujuhu' pain ca jao jao ma' xujuhu' ma', je pain ca to ni ca' hwein ca caracat wa ma' quem. Wari' co om pe ni ca' nain ca caracat wa ma', om ta querec con Iri' Jam ta.

Hebreus 6:18

Je ca tomi' xuhu' ca'. Ma' 2 na ca tomi' nucun Iri' Jam ta. Om ca an in camain' cain quem. Tomi' pe mi' napari' pain carawa ca ara mi' xim capari' ma', an hwet ac cain na wixicon pain ca tomi' an pe cain quem. Tomi' iri'o' na quem, om ca mixein ac ca Iri' Jam. Tomi' ac i ma' napari', ma' ta hwara' opa hwe pain ca howa mahu' ma', pain ca wixicam mahu' pain ca winim' hwein xec nein ca ara mi' xim xuhu' pain oro ca wara tomi' an pe mi' xuhu' ca' napari'.

Hebreus 7:26

Wirico Jeju co sacerdote co iri' taramaxicon ta. Wirico co hohot ma', pain ca quep xiho' capari' pain ca ximin nexi' ca'. Awi tamana na pain ca om caracat camain' nucun. Om ca pan tem camain' ca. Om ca ma' camain' con carawa ca ja' tomi' em' tocwa pain ca caracat wa. Pe ni ca' nonon oro caracat. Mi' non pain ca taramaxicon hwara' opa wa Cote ca, taramaxicon pe tiquin' ca' nain iri' pawin cain.

Tiago 4:8

Wixicam pin jun Iri' Jam, wixicam pin ac cuhu' tara quem. Wahu' pain ca caracat hwe ma', cwirin' pin je. Win ne ca hohoc xo' hwein muhu' pain ca mixem tamana nein ma', ac i ma' tara ca an to pin hwein ca caracat nuhu'. Wahu' pain ca param tocwan hwe ma' quem, an to pin jein ca param ximama' nuhu', win xumu e' jun Iri' Jam.

1Pedro 1:15

To ni ca' jein ca caracat wa pain oro ca ara hwe ta. Win ne ca pe ni ca' cain ca caracat wa Iri' Jam co howa xine nuhu' ma'.

1Pedro 1:3

Tomi' hwet xin ca awi tamana nucun Iri' Jam co Te ca Taramaxicon nexi' Jeju Cristo ta. Xiram pa' tamana napari'. Mam' mi' napari' pain xocori ca e' wa pain ca to' e' mami' con Jeju Cristo ta. Je ca om tara con ta'a camain' xun pain ca howa xun ca', pain ca winim' xun pain oro ca mi' xim capari' ma'.

2 Pedro 1:4

Je ca mam' ara mi' capari' pain oro ca wara tomi' pe ca pane. Awi tamana na oro ca wara tomi' pe nucun, om ca em' camain' ne, hohot tamana na oro ca param mi' capari'. Ma' ta witan ca' hwein oro ca to' em' nuhu' ma', ca maqui' nein oro ca param pan tem wa pain macan' ca' napari'. Ma' ta an xiho' mahu' pain ca ara xo' ne pain ca Iri' Jam ne ta napari' quem.

2 Pedro 3:14

Je ca tomi' xuhu' pain ca tomi' querec te xuhu' ca'. Pain ca winim' xin hwein xec nucun Taramaxicon nexi' ma', xuruxut xo' e' je, win xumu jein. Ma' ta querec hohot cuhu' Iri' Jam pain ca om toron ne xumuhu' ma', je pain ca om cuhu' ca caracat wa ma', je pain ca om ma' camain' cuhu' oro ca tomi' em' xihwe pain ca caracat wa pain ca aram aram coco' quima hwet xun hun ma'.

1João 2:6

Wari' co tomi' ca' ma', win cwere inon Iri' Jam ta, am tomi' ac i ma' ca. Na e' na pain ca xut xo' ca quem. Win ca Jeju pain ca xut xo' ca pane.

1João 4:17

Je ca mi' capari' pain ca an xiho' xun pain ca om noc iri'o' xijexi' ca'. Ma' ta quereme hwe pain xec nein ca wap toton oro wari' pain ca caracat nucucun Iri' Jam ma'. Om ta jin' xun, xi wara an xiho' ara xun pain xocori ca' ta.