1João 3:1 - Tradução Bíblica Pacaas Novos

¹ Taraju pa' xin i ca' e': Om ca noc camain' capari' Cotere' Iri' Jam ta, xi mana panxita' inuhu' ara capari' ta. Te urun ma' ira! Oro wari' co om howa nonon ma', om ca querec pin' cacapari' pain ca mana panxica Iri' Jam iri' ca', xi querec pin' pan cocon quem.

1João 3:1 Iomraidhean Croise

Lucas 20:36

Om ta cono' mami' ac cacama quem, xi an xiho' ara cocon oro jam co taramaja mi' nonon Iri' Jam ta. Mana panxica Iri' Jam nana, xi om ne ca to' e' mami' ara tococwa ta.

João 1:12

Oro wari' co tomi' querec te nonon ma' iri nana ne, co howa nonon ma', mi' tata pain ca mana panxica Iri' Jam pin caca.

João 11:52

Pain ca mi' pin caho' totoron oro win ma' caca ma', om ca tomi' e' tococwa oro win judeu urut. Tomi' tata oro wari' nucun Iri' Jam co cut in toton ca ma' quem, co wawaran to nanain oro xijein macan' ma' quem. Ma' ta win ma' ne xucucun ta na. Ac ca nari xucucun tara ta na.

João 15:21

Oro wari' co noc nanapa' ma', om ca querec pin' cocon Te co hwet roron oro wari' ta napa'. Je ca noc xuxun cucuhu' ma'. Je ca quep em' xuxun cucuhu' ma' quem. Xi taxipa' ara mahu' ta.

João 16:3

Ara ac i ma' tuturuhu', xi querec pin' cocon Te Iri' Jam ta. Om ca querec pin' cacapa' quem.

João 17:25

Wum co tama' ara xo' ta Te ac con na. Om ca querec pin' camain' quequem oro wari' co noc nenem. Ane querec pin' xim ne. Querec pin' nenem caram cwa' co mi' mapa' cwa' quem. Querec pin' nenem pain ca hwet roron oro wari' ta mapa' pane.

João 3:16

Xi noc cuhu' Te Iri' Jam ta ac con na. Om ca noc camain' cuhu' pain ca wari' nuhu' ma'. Je ca tomi' ca' cuhu' pata': Mi' xuhu' con Panxita' co xica' xat cwa'. Ma' ta om mama' cacain cote ne xe oro wari' co howa nonon ta nuhu' pata'. Ma' ta e' cara caca nuhu', ma' ta to ho' to ho' xam' cacapa' ta nuhu'.

Romanos 5:8

Ane jimao ca Iri' Jam ne. An hwet mi' ara xi' napari' pain ca om noc capari' ca', xi om ne ca mi' pin caho' ara capari' Cristo ta. Mi' pin caho' napari' pain ca caracat caracat wet nexi' pane.

Romanos 8:19

Winim' non Iri' Jam oro carawa ca tomi' ma' pin ca ca'. Winim' non pain ca aram aram cut hwerehwet to xim capari' pain ca aram aram momon cwa' mana panxita' cwa' xim capari' ca'. Mija na ca winim' con, winim' cara non, jain jain na, param tamana non pain ca cut hwerehwet to xim capari' ca'.

Romanos 8:21

Oro carawa ca tomi' ma' pin ca ma', winim' nain xec nein ca aram aram awi pin ta' ne. Witan ca' ac nein tara ca em' wa ca'. Witan wi ac capari' tara quem. Witan pan xi' pain ca mana panxica Iri' Jam iri' ca', jao jao ma' ac xun tara Iri' Jam pain ca awi nucun pain ca hwara' opa nucun. Witan wi tarapari' oro carawa ca tomi' ma' pin ca quem. Jao jao ma' toron Iri' Jam pain ca awi nucun pain ca hwara' opa nucun quem.

Romanos 8:32

Win ne ca om narain ho' capari' con Panxica pane, pain ca mi' pin caho' pin roron ta con pari' pane. Mi' napari' con, mi' mi' xam' napari' pain oro carawa con quem. Je ca tomi' xuhu' ca': Om ta mi' e' capari' pain oro carawa quem ra? Mi' e' tarapari' pain, xi wara mi' ara capari' con Panxica ta.

2 Coríntios 6:18

Xirao' pe ca' na quem: Te ac mahu' tara, mana panxita' ac xuhu' tara pain ca tarama' nuhu' ma', je pain ca narima' hwe ma' quem. Je ca tomi' xuhu' pain ca Taramaxicon Iri' Jam ta' ca', pain ca hwara' opa pan ta' ca'. Ac i ma' na ca xirao' pe xine pain capijacon.

Gálatas 3:26

Je ca tomi' xuhu' ca'. Wahu' pain ca judeu hwe ma', wahu' pain ca om judeu hwe ma' quem, mana panxica Iri' Jam mana panxica Iri' Jam pi' pin hwe, xi om ne ca howa ara hun Cristo Jeju ta.

Gálatas 3:29

Je ca tomi' xuhu' ca'. Pain ca mene pin cuhu' Cristo ma', iri' hwanana ne pin ac hun na Abraão cara pane. Wara ara mi' xihwe pain oro ca wara tomi' pe nucun Iri' Jam. Win ne ca wara tomi' pe con pain Abraão pane ta.

Colossenses 3:3

Xi cono' ca' ara hwein caramaji macan' ta. Xocori ca e' nuhu' ma', ac ca joc xa mi' xine na con Cristo pain ca win cwere hun ma'. Ac ca wara to ho' hun na Iri' Jam ma' quem.

1João 3:10

Je i ca' ca to' querec pin' napari' ca jimama' ca' xucucun mana panxica Iri' Jam cocon mana panxica Caxicon Jam: Wari' co om ara xo' taxipa' ma', co noc non win howa ca ma' quem, om ca panxica Iri' Jam ca co ma'.

1João 3:2

Je ca tomi' xuhu' pain ca tomi' querec te xuhu' ca'. Mana panxica Iri' Jam iri' pain xocori ca', pain ca to to wet xin macan' ca'. Om ca an hwet mi' querec capari' pain ca cwere mama' xi' iri' pain ca to' jimama' xim capari' ca'. Ane taxi' xin i ca' ne: In qui' iri tara Cristo ne, ac wirico pin ac iri' tara, xi om ne ca querec xun ara xi' pain iri' curucun pain iri' ca e' nucun ta.

1João 4:17

Je ca mi' capari' pain ca an xiho' xun pain ca om noc iri'o' xijexi' ca'. Ma' ta quereme hwe pain xec nein ca wap toton oro wari' pain ca caracat nucucun Iri' Jam ma'. Om ta jin' xun, xi wara an xiho' ara xun pain xocori ca' ta.

Apocalipse 21:7

Oro wari' co hwara' opa cara nana pain ca howa nucucun ma', mi' ac toton tara pain oro ca wara tomi' pe ta' ca'. Iri' Jam ne tatarapa', mana panxita' ac toton tara quem.