1João 2:5 - Tradução Bíblica Pacaas Novos

⁵ Ane tomi' ca' xuhu' pain i ca' ne: Wari' co tomi' ha' nain capijacon Iri' Jam ma', wirico co om noc iri'o' non. Tomi' ha' ac i ma' iri urun Iri' Jam ne, querec pin' ac xijexi' na pain ca win cwere pin xun ca'.

1João 2:5 Iomraidhean Croise

João 14:23

Om na ta Judas ac con na. Wari' co om noc napa' ma', tomi' ha' ac cain tara ca tomi' ne. Te ma', om ta noc con quem. Wata', Te quem, hwet ac xut con tara, to ho' ac xut con tara quem.

João 14:21

Mo ta taraju pa' hwein capija ca tomi' ha' je xuhu' ca'. Mo ta tomi' ha' mahu' quem. Querec pin' ac xihwe tara pain ca om noc mahu' ma'. Mo ta om noc mahu', om ta noc cuhu' Te. Wata' quem, om ta noc xuhu', an hwet pe ac xije tara pahu', mi' ac xuhu' tara pain ca querec pin' mahu' pain iri' xumuhu' ma' quem na ca tomi' caparut ma'.

Lucas 11:28

Om na, param mi' pan tata pain ca awi wa oro wari' co taraju nanain capijacon Iri' Jam ma', co tomi' ha' nonon ma' quem. Wiricoco co param mi' wawa pain ca awi wa ta ac tococwa na.

1João 3:24

Oro wari' co tomi' ha' taxipa' nonon Iri' Jam pain oro ca ara je tococwa ma', wiricoco nana co win cwere nonon ma'. Win cwere cara pan nonon Iri' Jam quem. Taxi' urun pain ca win cwere capari' quem, xi mi' ara capari' pain Tamataracon ta.

Apocalipse 14:12

Je ca tomi' xuhu' ca': Wahu' pain ca wari' nucun Iri' Jam hwe ma', pain ca tomi' ha' hwein oro ca tomi' ha' je cuhu' ma', je pain ca win xumu cara hun pain ca howa cara hun Jeju ma', quereme cara jein oro ca to' i'ina nuhu' ta.

1João 5:2

Om iri na ca noc xun Iri' Jam ne, tomi' ha' iri xin oro ca ara je capari' ne, taxi' ac xijiexi' na pain ca om noc xun oro win ma' nexi' pain ca mana panxica Iri' Jam iri' ca'.

João 15:5

Wata' co Iri' Panaji Uva. Wahu' co taparain nana ma' quem. Wari' co win cwere napa' ma', wari' co win cwere ta' ma' quem, ac ca wina tamana ca tara pain ca xut xo' ca pain ca an hwet pe cain ca howa nucun. Je ca tomi' xuhu' ca': Mo ta om xuhu', om ca ara ac hwein ca awi wa ta.

1João 4:18

Om ca noc capari' Iri' Jam. Je ca om jin' xun ca', xi noc camain' capari' ta. Jin' xuxun xi wap xim capari' ta. Ane om wap xim capari' ne. Je ca tomi' xuhu' ca'. Wari' co jin' non Iri' Jam ma', om ca querec pin' querec con pain ca om noc iri'o' con ma'.

2 Coríntios 5:17

Je ca tomi' xuhu' ca'. Pain ca win cwere pin xun Cristo cwa', xocoricon wari' pin iri'. Om pin na wara cwerexi' ca xuruxut pan teretem pain cara pane. Ma' pin na xocori cwerexi' ca xuruxut xo' pin pain xocori ca' quem.

Apocalipse 12:17

Mana' tamana pin ac cam na narima' ma', mixita toton ta ac tococwa na humaxicam cocon oro waram winacam ma', wiricoco co tomi' ha' nonon Iri' Jam ma', co om an to camain' nanain oro ca tomi' hwet xine con Jeju.

1João 5:20

Taxi' urun Panxica Iri' Jam pain ca wara maqui' cain macan' pane quem. Mi' napari' pain ca taraju pa' wa, ma' ta querec pin' hun Te Iri' Jam co iri'o' ta napari'. Win cwere urun co ma' co iri'o' quem, win cwere urun Panxica Iri' Jam Jeju Cristo. Wirico Jeju Cristo co iri' co Iri' Jam iri'o' ta. Wirico co e' cara ta.

1 Coríntios 1:30

Ane mi' cuhu' pain ca win cwere pin hun Cristo Jeju Iri' Jam ne. Wirico Cristo Jeju co to' taxi' napari' pain ca coromicat xo' nucun Iri' Jam ma', pain ca to' hohot capari' ca', je pain ca wari' ne capari' ca', je pain ca to' witan capari' ca' quem.

Romanos 8:1

Je ca tomi' xuhu' ca': Pain xocori ca' iri na ne, pain ca win cwere pin xun Cristo Jeju cwa', om ca em' hwe ta mami' capari' Iri' Jam. Om ca wap xim mami' capari'.

Tiago 2:22

Taraju pa' hwe? Howa non Iri' Jam Abraão pane, tomi' ha' non pain ca ara cain ca ara ra tocwa quem. Ara iri nain ca ara ra tocwa pane ne, querec pin' ac tocwa na pain ca howa iri'o' nucun.

2 Coríntios 5:21

Om paxi' na ca caracat ca Cristo pane, ane cut mi' pan con pain ca caracat nexi' Iri' Jam ne. Ac wari' co caracat pin ma ta non pari'. Ma' ta to' hohot pin xuhu' ta napari'. Win cwere iri jun Cristo ne, querec hohot ac xuhu' tara, ac ca om caracat camain' hwe tara con ta napari' quem.

João 6:56

Wari' co cao' nain cwere ca', wari' co toc nain cocu ca' quem, win cwere ac capa' na, win cwere ac ton na quem.

1João 4:17

Je ca mi' capari' pain ca an xiho' xun pain ca om noc iri'o' xijexi' ca'. Ma' ta quereme hwe pain xec nein ca wap toton oro wari' pain ca caracat nucucun Iri' Jam ma'. Om ta jin' xun, xi wara an xiho' ara xun pain xocori ca' ta.

2João 1:6

Xuruxut xo' iri iri' pain ca tomi' ha' xin oro ca ara je capari' Iri' Jam ne, om ac ne na ca noc xun, om ac ne na ca noc xijexi' quem. Win ne ca wara hu capari' pain cara pane, pain ca xo' taraju ten qui' xin ca pijim' xine capijacon con Jeju pane. Xuruxut xo' je pain ca om noc mahu', je pain ca om noc caracan pan xujuhu' ta capari' ca' ira.