1João 2:3 - Tradução Bíblica Pacaas Novos

³ Tomi' ha' iri urun Iri' Jam pain oro ca ara je capari' ne, taxi' ac xijexi' na pain ca querec pin' xun ca'.

1João 2:3 Iomraidhean Croise

Lucas 6:46

Para Taramaxicon ne Taramaxicon ne mahu' pain ca tomi' mahu' ma' quem? Xi tomi' ha' mahu' ta ac tococwa na.

João 14:15

Mo ta om noc mahu', tomi' ha' ac mahu' tara pain oro ca ara je xuhu' ca' ac caparut na.

João 15:10

Mo ta tomi' ha' mahu' pain oro ca ara je xuhu' ca', om ac ne tara ca noc xuhu' ta. Win ta' con Te cwa', tomi' ha' inon pain oro ca ara ra capa', om ac ne na ca noc capa' quem.

João 15:14

Mo ta tomi' ha' mahu' pain oro ca ara je xuhu' ca', querec pin' ac xihwe tara pain ca win ma' ne mahu' ma'.

João 17:3

Oro wari' co e' cara xi' nana ma', na e' na pain ca querec pin' quequem pain ca Iri' Jam iri'o' ma ma'. Om na win Iri' Jam ma ta teterem. Xica' pe ma ta teterem. Na e' na pain ca querec pin' cacapa' pain ca Jeju Cristo ta' ca' quem, pain ca hwet roron oro wari' pain macan' ta mapa' quem.

2 Coríntios 4:6

Xi toha mi' ara caparut pain iri' xumuxut Iri' Jam ta. Win ca pain ca xo' tomi' qui' cain ca jitacat nein xim pain ca toha pin ra ta qui' cain xec pain cara pane. Ac i ma' naparut quem, ac ca toha mi' caparut na pain ca toc meremem nucun pain xumuxut pain ca coromicat nuxut. Ma' ta querec pin' hwein ca hwara' opa ne ca toc meremem pe nain tocon Cristo ta naparut.

Hebreus 5:9

Pi' pin iri na ca taramaja nucun ca ara ra con Cote ca ne, pain ca hohot pin mapa' ta con ma', ha' pin ac con na pain ca to' witan cara tococwa oro co tomi' ha' nonon.

1João 2:13

Xirao' mi' inuhu' pain ca wara horon hwe ma' quem. Xi om ne ca querec pin' ara hun co wara ma' ma', pain ca om om wet ne macan' pane. Wahu' pain ca xo' horon hwe ma' quem, xirao' mi' inuhu'. Xi om ne ca to' quiji' pin ara hun Caxicon Jam ta.

1João 3:14

Taxi' xijexi' pain ca wara witan ca' xin ca cono' wa. Taxi' xijexi' pain ca e' pin iri' pain iri' ximixi' quem. Xi tomi' querec te taxipa' ara xuxun oro xerexi' co howa nonon Iri' Jam ta. Wari' co noc taxipa' non win ma' ca ma', ac ca mi' pin cara ca na. Om ca witan ca' camain' cain ca mi' pin wa ta.

1João 3:19

Tomi' querec te ac i ma' iri xijexi' ne, querec pin' ac xijexi' tara pain ca mana panxita' capari' Iri' Jam co iri'o'. Quereme ac iri' tara pain ca tomi' xun quem.

1João 3:6

Oro wari' co win cwere nonon ma', om ca caracat taxipa' caca. Oro wari' co caracat taxipa' nana ma', om ca taxi' cocon Cristo pain ca param nucun, om ca querec pin' camain' cocon ta.

1João 4:13

Taxi' xijexi' pain ca win cwere xun Iri' Jam. Taxi' urun pain ca win cwere capari' quem, xi om ne ca mi' ara capari' pain Tamataracon ta.

1João 4:7

Je ca tomi' xuhu' pain ca tomi' querec te xuhu' ca'. Ta noc xijexi' me, xi wirico Iri' Jam ara ca co mi' napari' pain ca om noc xijexi' ta. Wari' co om noc non win ma' ca ma', wirico co panxica Iri' Jam ta. Querec pin' ac con na quem.

1João 5:19

Taxi' xijexi' pain ca mana panxita' capari' Iri' Jam. Taxi' ururun oro co caracat taxipa' nana ma' quem, pain ca taramaxicon pe ho' pan cocon Caxicon Jam ma'.

1João 5:2

Om iri na ca noc xun Iri' Jam ne, tomi' ha' iri xin oro ca ara je capari' ne, taxi' ac xijiexi' na pain ca om noc xun oro win ma' nexi' pain ca mana panxica Iri' Jam iri' ca'.

1João 5:3

Tomi' ha' taxipa' iri urun pain oro ca ara je capari' ne, ac i ma' na ca an hwet pin xin ca om noc xun ca'. Om ca i'ina capari' pain ca tomi' ha' xin oro ca ara je capari' quem.

Apocalipse 12:17

Mana' tamana pin ac cam na narima' ma', mixita toton ta ac tococwa na humaxicam cocon oro waram winacam ma', wiricoco co tomi' ha' nonon Iri' Jam ma', co om an to camain' nanain oro ca tomi' hwet xine con Jeju.

Apocalipse 14:12

Je ca tomi' xuhu' ca': Wahu' pain ca wari' nucun Iri' Jam hwe ma', pain ca tomi' ha' hwein oro ca tomi' ha' je cuhu' ma', je pain ca win xumu cara hun pain ca howa cara hun Jeju ma', quereme cara jein oro ca to' i'ina nuhu' ta.

Apocalipse 22:14

Param mi' tata pain ca awi wa oro wari' co hohoc nonon womicocon ma'. Om ta narain ho' tococwa pain ca xac wa winain panaji memem ca mi' nain ca e' cara wa. Ha' nonon pain ca corom mama' cacain cidade pain oro manain ca mam' corom ac xine quem.