1João 2:1 - Tradução Bíblica Pacaas Novos

¹ Xirao' mi' ac i ma' inuhu' pain ca ac ca mana panxita' xuhu' ne ca'. Ma' ta om caracat hwe ta inuhu'. Ane tomi' ca' xuhu' pain i ca' ne: Am ma' ca wari' co caracat ma'. Mam' pe wet xin i ca': Ma' napari' Jeju Cristo co om caracat camain' ma', co tomi' mi' napari' con Cotere'.

1João 2:1 Iomraidhean Croise

Lucas 10:22

Wirico Te co mi' napa' pain ca hwara' opa tiquin' ca' toton oro wari' ta ac tococwa na. Mi' napa' pain ca querec pin' tain oro ca coromicat nucun quem. Oro ca param nucun, oro ca ara nucun quem, taxi' taxi' pi' pin inain con. Querec pin' napa' pain ca Panxita' capa' ca' quem. Om na xucun wari' co querec pin' nain oro ca coromicat ne. Xica' pe na Te co querec pin' nain oro ca coromicat ne. Wata' iri na ne, pain ca Te ton ca', querec pin' inon quem. Oro wari' co an hwet mi' ta' con, querec pin' nonon quem na ca tomi' tococwa ma'.

João 10:15

Win ne ca querec pin' capa' Te cwa', querec pin' inon quem. Om ca nain ho' xije pain ca querec wet toton oro wari' ne quem. Mi' pin caho' toton ta inonon.

João 13:33

Pe ho' wijimain ca' e' xuhu' ta hwijima' ac caparut na. Pirao' xun paxi' mahu'. Om ta hwet ac mahu' pain ca mao ta' ta' quem. Win ne ca wara tomi' xo' toton oro taramaxicon nexi' pain ca judeu iri' pane. Tomi' ac i ma' inuhu' pain xocori ca' quem.

João 14:16

Tomi' ac ton tara Te pahu': Mam' roron con xucun co quep xiho' toton nonon, ac i ma' tara ca tomi' ton pahu'. Mam' ac cuhu' con tara. Pe ho' cara ac cuhu' tara quem.

João 14:6

Om na, wata' co Iri' Wanaxicon Te Iri' Jam pan cwa' ta ac ca na Jeju. Wata' co an hwet mi' nuhu' pain ca iri'o' wa con. Wata' co mi' nuhu' pain ca e' cara wa quem. Xica' pe ina pain ca mi' taxi' xuhu' pain ca hwet hun Te ta. Om na xucun.

João 21:5

Tomi' querec ac caparut na: Hwijima'. Pa' hwe quem ac caparut na. Om na, om ca pa' camain' urut ta ac urut na.

João 5:14

Om om, mam' mami' ac con na Jeju. Mam' pe non pain ca tao' caho' nein xiricon Iri' Jam. Taraju wet ne e' ac con na. Xio pin ma. Ta caracat mami' ma me. Ma' ta om quep quem iri' ca om awi wa. Jain jain paxi' ma pain ca caxi nem cara ne. Mo ta quep quem iri' ca om awi wa, jain jain tamana ac ma tara na ca tomi' con ma'.

João 5:36

Ane ma' capa' xijein carawa ca to' querec pin' napa' pahu' ne, hwara' opa tiquin' ca' nain ca tomi' ca João pane, pain ca to' querec pin' capa' pahu' ac tococwa na. Oro carawa ca ara ta' ca', ca ara rain capa' Te cwa', je ca to' querec pin' napa' pahu'. Querec iri hwein oro carawa ca ara ta' ca' ne, querec pin' ac mahu' na pain ca hwet roron oro wari' ta capa' Te cwa' pahu'.

João 6:27

Je ca tomi' xuhu' ca' ac tococwa na. Ta taramaja mi' hwein capam' ca om awi cara ma' me ta. Taramaja mi' jein capam' ca om pi' ra ha' ma', ca mi' nain ca e' cara wa pain pawin ma'. Mi' pan xuhu' pain, wata' pain ca Iri' Wari' ta' ca', mi' pan xuhu' pain. Tomi' ara xi' napa' pain Te Iri' Jam ta. Mi' roron pain ta napa' pahu' ta ac tococwa na.

João 8:11

Om na ta Taramaxicon ne ac cama na. Om ca tomi' mi' xim pain ca mi' pin ra xim ca' quem ac cam na. Mao ra. Ta caracat mami' ma me ta ac cam na.

Atos 7:52

Tomi' hwet paxi' nanain capijacon Iri' Jam oro profeta pain cara pane. Ma' xica' pe tara profeta co om ja' tequi' quep em' caca oro hwanana nexi' pane ra? Om na ta, om ca ma' xica' pe camain' ca cocon. Quep em' quep em' xam' tata pane. To' parapa' tata co wara tomi' pe nanain ca maqui' nucun co ma' co tama' ara xo' quem, co tomi' mi' pan hwe cocon co noc nonon pane, co to' pa' pin hwe pain xocori ca' quem.

Romanos 5:10

Noc paxi' urun Iri' Jam pane ira, ane cut in pan capari' ne. Taxipa' pin ac urun na. Xi mi' pin ara ca Panxica ta. Wirico Panxica co to' taxipa' pin napari' con, taxi' urun. Je ca taxi' mip xun pain i ca' quem, pain ca main to' witan pin xim capari' ca', xi e' ara ca ta.

Romanos 6:15

Cain' cain' xixi' quem? Hohot na pain ca tomi' ximama' xin i ca' ra? Tomi' ca' xixi' ra? Momon caracat xixi', xi tomi' mami' capari' Iri' Jam pain ca tomi' ha' jein ca xirao' nucun Moisés, ma' ta hohot mahu' ma' capari'. Tomi' ca' pin ara xi' napari': Howa e' xine pain ca quep xiho' xuhu' ca', pain ca xiram pa' e' xuhu' pain ca to' hohot pin xuhu' ca' napari', ac i ma' xira ca tomi' xixi' ra? Om na ta, om ca na camain' ne ca tomi' ac i ma' iri' ta.

Romanos 8:34

Ma' tara wari' co em' pin hwe ta napari' ra? Om na ta. Mi' pin caho' ara xi' napari' Cristo Jeju. Mi' pin na, e' mami' ac ca na quem. Xao pe ho' pin nain iri' curucun Iri' Jam. Tomi' mi' napari' con quem.

1 Coríntios 15:34

Ma' tara xumuhu' me. Caracat maho' je. Ma' nana oro win ma' nuhu' co om coromicat xo' camain' nonon Iri' Jam. Om ca querec pin' cocon. Wixipa' xihwe pain ca om coromicat xo' nucucun pain ca om querec pin' cocon Iri' Jam ta.

2 Coríntios 5:21

Om paxi' na ca caracat ca Cristo pane, ane cut mi' pan con pain ca caracat nexi' Iri' Jam ne. Ac wari' co caracat pin ma ta non pari'. Ma' ta to' hohot pin xuhu' ta napari'. Win cwere iri jun Cristo ne, querec hohot ac xuhu' tara, ac ca om caracat camain' hwe tara con ta napari' quem.

Gálatas 4:19

Jain jain inuhu' ta hwijima', ac ca mana panxita' xuhu' ara xi' na. Wara jain jain inuhu' pain ca xo' pijim' ten qui' xuhu' pane. Jain jain mami' inuhu' pain xocori ca' quem. An xiho' inam narima' co jain jain pain ca pan' ta' ca cawinacam ma', ac i ma' na ca jain jain mami' ta' pahu'. Jain jain tamana inuhu', an xiho' pin xiroron Cristo pain iri' ximicocon ta inuhu'.

Efésios 2:18

Wirico Cristo co mi' napari' pain ca corom hwet xun Cotere' pain ca tomi' xun ca'. Warut pain ca judeu urut ca', wahu' pain ca om judeu hwe ma' quem, mi' mi' xam' napari' pain ca corom hwet xun. Xi xica' pe ara ne Tamataracon ca pe ho' pe ho' pi' pin napari' ta.

Efésios 4:26

Mo ta mana' xujuhu', ta caracat hwe pain me. An to pin jein. Om ta irawin pa' cuhu' pain ca mana' nuhu'.

1 Timóteo 2:5

Xi ma' xica' pe ara ca Iri' Jam ta. Ma' xica' pe na co to' wixicam pin napari' con, pain ca to' hohot capari' con. Wirico Cristo Jeju co wari' pin ma', wirico co to' wixicam napari' con.

1 Timóteo 3:14

Hwet ho' xim paxi' inem. Tara pata' ta'a, am om om ta'. Om ca taxi' xije. Je ca xirao' mi' xim pain carta pain xocori ca'. Ma' ta wara taxi' main ca param mi' capari' Cotere' Iri' Jam co e' cara ma'. Xuruxut xo' je napari' pain ca mana panxita' capari' ca'. Ca xuruxut xo' nexi' ca', pain ca cut in xijexi' pain ca howa xun ca', je ca mam' to' hwara' opa xin capijacon Iri' Jam ca iri'o'.

Hebreus 9:24

Je ca tomi' xuhu' con Cristo cwa'. Om ca corom hwet con Iri' Jam pain Iri' Maxicon pain xirim ca quep pan caca wari' pane, ca an xiho' e' nain iri' xiricon pain pawin cain, om na. Corom hwet non pain pawin cain. Je ca pe pan ca pain xocori ca'. Pe ho' non Iri' Jam, tomi' mi' napari' con.

Tiago 1:27

Wari' co hohot ton non Cotere' Iri' Jam ma' iri na ne, pain ca xut xo' iri'o' ca pain ca win xumu xo' con ma', ara ac i ca' na: Querec wet nonon oro hwijima' co cono' ca' nanam mana cote cacama cacam waram jicacam ma', querec wet nanam oro narima' co cono' ca' nanam waram taxicacam ma', querec wet nanam pain oro ca to' i'ina nanam quem. Ara xite xucun, om ca to' em' camain' xucun pain ca an xiho' cocon oro caracat co om howa nonon Iri' Jam quem.

Tiago 3:9

In ac urun Taramaxicon Iri' Jam co Te iri' cwa', mam' in ac urun pain petehwet nexi', mam' tomi' noro ac xuxun na pain oro win ma' nexi' co tomi' ma' pin ca Iri' Jam quem, co an xiho' tatarapa' ta ca pain ca xo' tomi' ma' qui' tococwa pane.

1Pedro 2:22

Om ca caracat camain' ca pane. Om ca mixein camain' ca quem.

1Pedro 3:18

Xi jain jain ara ca Cristo pain ca mi' pin caho' capari' pain ca caracat nexi' pane ta. Pain ca mi' pin nucun pane, mi' pin na. Om ta mi' pin mami' ca. Om ca caracat camain' ca, xut xo' na, awi na. Ane mi' pin caho' pan capari' pain ca pan teretem nexi' pain ca om xuruxut xo' nexi' ne. Ma' ta o mi' xuhu' con Iri' Jam ta napari'. To' pa' pin iri ta pane ne, mi' pin ac ne na curucun. To' e' mami' iri ta ne, je Tamataracon Iri' Jam ac ne na ca to' e' mami' non quem.

1João 3:18

Je ca tomi' xuhu' ca', pain ca ac ca mana panxita' xuhu' ne ca'. Ta tomi' capijacocon e' xijexi' pain ca tomi' querec te inuhu' ta ximama' xijexi' me. Xiram pa' xijexi', quep xiho' xijexi'. Tomi' querec te iri'o' xijexi' quem.

1João 3:5

Taxi' hun Cristo pain ca maqui' nucun pane. Maqui' nain macan', ma' ta to' om pin tain ca caracat nuhu' ta napari'. Taxi' hun pain ca om caracat camain' ca quem.

1João 3:7

Je ca tomi' xuhu' ca', pain ca ac ca mana panxita' xuhu' ne ca'. Ma' tara xumuhu' me. Coromicat xo' je. Om ca na camain' ne pain ca howa hun wari' co tomi' mixein nuhu' ma', pain ca hohot na pain ca caracat hwe ta nuhu' ma'. Wari' co ara xo' taxipa' ma', wirico co hohot non Iri' Jam. Win ca Jeju Cristo pain ca hohot con Cote ca quem.

1João 4:4

Je ca tomi' xuhu' ca', pain ca ac ca mana panxita' xuhu' ne ca'. Wari' nucun Iri' Jam hwe ta. To' quiji' pin huhun oro co pijim' mixein nana ma'. Xi om ne ca hwara' opa ara ne Tamataracon Iri' Jam ca win cwere nuhu' ta. Hwara' opa tiquin' ca' non Caxicon Jam co win cwere nonon oro co om howa nonon Jeju ma'.

1João 5:17

Caracat caracat pi' pin paxi' nana oro wari' co ara nanain oro ca om awi wa ma'. Ane om aram aram cono' cono' xam' xi' caca pain ca caracat nucucun ne.

1João 5:21

Je ca tomi' xuhu' ca', pain ca ac ca mana panxita' xuhu' ne ca'. Ma' tara xumuhu' me, ein jein oro carawa jimao ca Iri' Jam xi' ma wa ma'. Ta howa camain' hwein me ta. Je i ca' ca xirao' ne ca'.

3João 1:4

Je i ma' ca ja' tomi' querec te tamana napa' ma', pain ca taraju toton oro co ac ca mana panxita' caca ne ma', pain ca xuruxut xo' caca pain ca tomi' ha' cara cacain capijacon Iri' Jam ca iri'o' ta.