1João 1:9 - Tradução Bíblica Pacaas Novos

⁹ Tomi' hwet mi' iri urun pain ca caracat nexi' Iri' Jam ne, xic am pin ac cain na. Xi mixein capari', om ca mixein camain' capari'. Tama' ara xo' na, ara mi' taxipa' napari' pain oro ca tomi' pe mi' capari' quem. To' om to' om pi' pin napari' pain oro ca caracat nexi'.

1João 1:9 Iomraidhean Croise

Mateus 3:6

Tomi' hwet pin iri nanain ca caracat nucucun ne, ja' pan ac cocon na pain com João ma'. Ja' pe tata pain Jordão ma'.

Marcos 1:5

Xuruxut xuruxut hwet nonon oro wari' co to nanain oro xijein cidade pain Judeia ma', wiricoco oro wari' co to nanain Jerusalém ma' quem. Tomi' hwet pin iri nanain ca caracat nucucun ne, ja' pan ac cocon na pain com João ma'. Ja' pe tata pain iri' cwerein com ma', pain Jordão ma'.

Lucas 22:57

Om na ta narima'! Om ca querec pin' ton ta ac ca na.

João 17:25

Wum co tama' ara xo' ta Te ac con na. Om ca querec pin' camain' quequem oro wari' co noc nenem. Ane querec pin' xim ne. Querec pin' nenem caram cwa' co mi' mapa' cwa' quem. Querec pin' nenem pain ca hwet roron oro wari' ta mapa' pane.

Atos 19:18

Maqui' mija ac caca na co howa pin nana ma' quem, tomi' hwet tomi' hwet ac cacain na oro ca ara nucucun ca om awi camain'. Taraju taraju pi' pin nonon oro wari' ma'.

1 Coríntios 1:9

To' hwara' opa turuhu' Iri' Jam, xi mixein capari' ta. Ara taxipa' nain oro ca wara tomi' pe nucun. Tomi' nuhu' quem: Jao jao ma' jun Panxita' Jeju Cristo co Taramaxicon ne hwe cwa' nuhu', taxipa' jun ta nuhu'.

1 Coríntios 6:11

Ma' paxi' nana win ma' nuhu' co ac i ma' nana pain cara pane. Ane hohoc pin cuhu' pain ca caracat nuhu' Iri' Jam ne. Iri' wari' ne pin inuhu' ta nuhu'. To' hohot pin nuhu'. Xi om ca Taramaxicon nexi' Jeju Cristo pain Tamataracon pahu'.

Efésios 5:26

Ma' ta to' hohot cuhu' Iri' Jam xuhu' ta napari'. Ac ca hohoc pin capari' na pain com ma'. Mam' to' om pin napari' pain ca em' nexi' pain capijacon quem.

1 Timóteo 1:15

Maqui' iri nain macan' Cristo Jeju pane ne, to' witan toton oro caracat ta ac ca na. Iri'o' na ca tomi' ne ca'. Na e' na pain ca howa howa pi' pin xin ca tomi' ne ca'. Wata' co iri' caracat ta. Om na xucun wari' co an xiho' napa' pain ca caracat ne ta.

Tito 2:14

Om ca nain ho' xucun pari' pane, mi' pin caho' xuhu' ta napari' pane. Ma' ta to' witan ca' xuhu' pain oro ca pan teretem nuhu' ta napari'. Ac ca hohoc capari' na pain quicon. Ma' ta to' om pin tain ca caracat nuhu' ta napari'. Ma' ta iri' wari' ne xuhu' ta napari'. Param napari' pain ca win xumu xun pain ca tama' ara xin oro ca awi wa quem.

Hebreus 10:23

Howa cara xun pain ca winim' xun pain ca mi' xim capari' oro ca tomi' pe mi' capari' ca'. Tomi' hwet xuxun pain ca howa nexi' oro wari' quem. Xi om ne ca taxi' ara xun Iri' Jam pain ca om mixein nucun ta.

Hebreus 11:11

Howa non Iri' Jam Sara ma', manacon Abraão ma' quem. Om paxi' na ca ha' cam pain ca nam' wa ira. Mara' pin paxi' na ira. Ane mi' tacama pain ca wijima wa ne. Howa inon Iri' Jam, om ca mixein capa', ara mi' xim tarapa' pain ca tomi' pe mi' capa' ca' non pane.

Hebreus 6:10

Om ca pan tem camain' ca Iri' Jam, ara xo' taxipa' na. Om ta ji'am pin cuhu' pain ca taramaja tamana nuhu' ma', om ta ji'am pin cuhu' pain ca an hwet hwein ca tomi' querec te nuhu' pain ca om noc hun ma' quem, xi quep xiho' ara huhun oro win howa hwe ta, quep xiho' quep xiho' wet huhun pain xocori ca' quem.

1João 1:7

Xuruxut cara iri irin naran nucun Iri' Jam ma' ne, pain ca win xumu xin oro ca param nucun ma'. Win ne ca pe cain naran ma' quem. Xuruxut ac i ma' iri irin naran nucun ne, tomi' querec te caracan ac xijexi' na pain ca taxipa' xijexi' ca'. Hohoc pin ac capari' na pain ca caracat nexi' quicon Panxica cwa', Jeju cwa'. Ac i ma' na ca to' om to' om pi' pin cain ca caracat nexi' quem.

Apocalipse 15:3

Com ac cacain na tamara' ca wara com ca Moisés co taramaja mi' non Iri' Jam pain cara pane. Com querec te mi' nonon co ma' co ac Wijimain Taramaji Ovelha ma' quem. Com ca' nana: Wum co hwara' opa pan ta Taramaxicon Iri' Jam. In ac tamana urut pain oro ca ara ma ma'. Wum co taramaxicon pe ho' nonon oro wari' co to nanain oro xijein macan'. Ara xo' taxipa' main oro ca coromicat an pe xo' nem. Iri'o' taxipa' ma quem.