1João 1:6 - Tradução Bíblica Pacaas Novos

⁶ Tomi' ca' iri iri' ne, taxipa' inon Iri' Jam ta, am tomi' ac i ma' paxi' xi' pain ca xuruxut xin ca jitacat nein xim ma', pain ca win xumu xin ca caracat wa ma', mixein ac iri' na. Mo ta xuruxut xin ca jitacat nein xim ma', pain ca win xumu xin ca caracat wa ma', mixein ac iri' na. Om ca tomi' ha' xin capijacon Iri' Jam ca iri'o'.

1João 1:6 Iomraidhean Croise

Mateus 7:22

Maqui' iri tara xec nein ca tomi' xo' toton ta' oro wari' pain oro carawa ca ara caca pain ca e' e' wet nucucun ca' ne, mija ac caca tara co tomi' mixein ca' nanapa': Taramaxicon nuxut, Taramaxicon nuxut, om ca querec pin' maparut ra? Om ca tomi' hwet taxipa' urut pain wuxum pain ca pijim' urut pain capijam pane ra? Om ca tomi' hwet taxipa' urut pain wuxum pain ca tomi' jein pin urut cocon oro caxicon jam pane ra, je pain ca an hwet urut pain ca hwara' opa nem pain ca ara urut pain carawa ca om ara taxi' ne ca wari' wa pane quem? Tomi' mixein ac i ma' tatarapa'.

João 11:10

Mo ta xut cain xim quem, xut macoru ac ca na. Xi querec pin' ca pain ca om con naran ta naparut.

João 12:35

Tomi' ac tococwa na: Pe ho' pe ho' wet paxi' inuhu' pain ca ac iri' naran ta' ca'. Ane om pe ho' cara xim xuhu' ne. Toha mi' xut pain xumuxut ta xine pain ca pe ho' pe ho' wet xuhu' ca'. Ma' ta taraju pa' hwe inuhu'. Ma' ta om ane ane hwet pa' cuhu' ca jitacat nein ta inuhu'. Wari' co xut nain ca jitacat nein ma', om ca taxi' cain ca mao ta' nucun.

João 12:46

Ac naran ina pain ca maqui' tain macan' ca', toha mi' inonon pain ximicocon oro wari'. Ma' ta om to cara cacain ca jitacat nein oro wari' co howa nanapa' ta ina.

João 8:12

Tomi' mami' ac cocon na oro wari' Jeju: Wata' co Iri' Naran cwa' ta ac ca na. Toha mi' inonon oro wari' pain ximicocon ma', pain ca mi' toton pain ca taraju pa' wa oro caramaxicon Iri' Jam. Wari' co ja' ja' napa' ma', om pin na ca jitacat nein pain ximicon. Xi toha mi' ara ton pain naran ne ca mi' non pain ca e' cara wa ta na ca tomi' tococwa ma'.

João 8:55

Om ca querec pin' camain' hun ta. Wata' iri na ne, querec pin' inon. Mo xi tomi' ca' ta': Om ca querec pin' ton, mo xi tomi' ac i ma' ta', tomi' mixein ac ta' xira. Win hwe ma', pain ca tomi' mixein hwe ma'. Ane querec pin' ton ne. Tomi' ha' inon quem.

1 Timóteo 4:2

Mixein nana co pijim' ac i ma' nana ta. Ac ca iri'o' xi' ca' tara me nana. Om ca ha' mami' cacain Tamataracon Iri' Jam pain ca caracat hwe nonon ma'. Xi querec pin' mami' cacain ca mixein wa ta. Iri'o' tara ma' nanain. Om pin na ximicocon.

Tiago 2:14

Je ca tomi' xuhu' ca' xere: Hohot tara pain ca howa ina ta e' iri' ra? Mo ta om an hwet pe xin ca howa nexi', mo ta om tomi' ha' xun Iri' Jam pain ca ara jein ca awi wa ta capari' ca', je pain ca xiram pa' jujun oro wari' ta capari' ca', ma' tara ca witan ac iri' pain ca howa ina ta e' iri' ra?

Tiago 2:16

Hwet iri nanapari' ne, tomi' tomi' ca' nanapari', mama' urut ta ac cacapari' na quem. Mo ta tomi' ca' e' xixim: E'e', mama' je ta. To jun to' om capin' nuhu' ma', cao' cao' ma'am je quem, mo ta tomi' ximama' ac i ma' e' xixim pain ca om xiram pa' xixim ma'. Cain' cain' xixi' quem? Hohot na ca tomi' ximama' e' iri' ra? Om na ta.

Tiago 2:18

Am ma' ca wari' co tomi' ca' napa' ma': Ma' na wari' co howa non Iri' Jam, je ca to' witan tocwa ma'. Ma' ac ca na xucun wari' co xiram pa' nonon oro wari', je ca to' witan tocwa ma', am ac i ma' ne ca tomi' capa' wari' ma'. Cain' cain' xira quem ac ton na. Mo ta howa inon Iri' Jam ta e' mapa' ma', mo ta om an hwet mi' mapa' pain ca howa nem pain ca xiram pa' momon oro wari' ma', om ca querec pin' ac xim pain ca howa iri'o' nem. Wata' iri na ne, xiram pa' inonon oro wari', je ca querec pin' mapa' pain ca howa iri'o' ne ca', ac i ma' tara ca tomi' ton ta.

1João 1:10

Tomi' ca' iri iri' ne, om ca caracat camain' ta' ta, am tomi' ac i ma' iri'. Mixein na Iri' Jam ta urun. Tomi' ac i ma' iri iri' ne, om ca pe ho' camain' capari' capijacon pain ximixi' quem.

1João 1:3

Tomi' hwet urut pahu' pain oro ca querec urut con, je pain oro ca taraju urut con quem, ma' ta jao jao ma' maparut pain ca taxipa' xijexi' ca'. Win ne ca jao jao ma' urut con Cotere' Iri' Jam con Panxica Jeju Cristo pain ca taxipa' urut cocon ta urut pahu'.

1João 1:8

Tomi' ca' iri iri' ne, om napa' ca caracat wa ta, am tomi' ac i ma' iri'. Cain' cain' xixi' quem? Om na ximixi', xi coromicat xo' iri' ta. Om ca win cwere capari' Iri' Jam co iri'o' quem.

1João 2:4

Wari' co tomi' ca' ma', querec pin' inon Iri' Jam ta na. Mo ta om tomi' ha' con pain oro ca ara ra con ma', mixein ac ca na. Xi tomi' ha' pan con Iri' Jam co iri'o' ta.

1João 4:20

Wari' co tomi' ca' ma', om ca noc ton Iri' Jam ta, am tomi' ac i ma' paxi' ca pain ca noc con win howa ca ma'. Cain' cain' xira quem? Xi mixein ara ca ta. Noc iri non win howa ca co querec ca ma' ne, om ca ha' con pain ca om noc ac con Iri' Jam co om querec ca ma' quem.