1João 1:4 - Tradução Bíblica Pacaas Novos

⁴ Je ca xirao' mi' urut pahu' ca', ma' ta tomi' querec te tamana wi xijexi' ta urut pahu'.

1João 1:4 Iomraidhean Croise

João 15:11

Tomi' ac i ma' inuhu', ma' ta tomi' querec te hwe inuhu'. Win ne ca tomi' querec te ta' ca', ac i ma' tara ca tomi' querec te nuhu' quem. Tomi' querec te tamana ac hwe tara ta.

João 16:24

Om ca an hwet mi' querec hun pain wuxu pain ca mi' xut hun pain ca param nuhu' ma'. Pain xocori ca' iri na ne, tomi' jun. Mi' xut pain ca param nuxut ca' jun. Mi' ac cuhu' pain tara. Ma' ta tomi' querec te tamana hwe ta turuhu' ta na ca tomi' caparut ma'.

João 3:29

Win ca wari' co an tam narima' ma'. Win ma' ca ma' iri na ne, quep xiho' e' non, tomi' querec te e' non. Taraju iri nain ca tomi' nucun ne, tomi' querec te ac ca na. Ac i ma' ina con Jeju quem. Tomi' querec te tamana ina pain ca tomi' hwet mahu' cocon oro wari' co hwet nonon ta.

2 Coríntios 1:24

Om ca cuc cuc urut pahu' pain ca howa xo' howa xo' je urut pahu'. Quep xiho' e' xim urut pahu'. Ma' ta tomi' querec te hwe urut pahu'. Xi wara hwara' opa ara hwe pain ca howa nuhu' ta.

Efésios 3:19

Om paxi' na ca querec pin' ac urut con Cristo pain ca om noc camain' caparut. Xi noc camain' caparut ta inon pahu'. Ane tomi' cara xim cocon ne, mi' roron pain ca querec pin' cocon Cristo pain ca om noc caparut. Ma' ta an xiho' quequem pain iri' xumum ta, ac i ma' na ca tomi' ton Iri' Jam pahu'.

1João 2:1

Xirao' mi' ac i ma' inuhu' pain ca ac ca mana panxita' xuhu' ne ca'. Ma' ta om caracat hwe ta inuhu'. Ane tomi' ca' xuhu' pain i ca' ne: Am ma' ca wari' co caracat ma'. Mam' pe wet xin i ca': Ma' napari' Jeju Cristo co om caracat camain' ma', co tomi' mi' napari' con Cotere'.

2João 1:12

Mija paxi' na oro ca tomi' hwet xim xuhu' ca', ane noc tain ca xirao' mi' xuhu' pain ne. Hwet pan xim inuhu', tomi' ac xijexi' tara. Ma' ta tomi' querec te tamana xijexi' ta inuhu'.