1João 1:3 - Tradução Bíblica Pacaas Novos

³ Tomi' hwet urut pahu' pain oro ca querec urut con, je pain oro ca taraju urut con quem, ma' ta jao jao ma' maparut pain ca taxipa' xijexi' ca'. Win ne ca jao jao ma' urut con Cotere' Iri' Jam con Panxica Jeju Cristo pain ca taxipa' urut cocon ta urut pahu'.

1João 1:3 Iomraidhean Croise

João 17:11

Om ta pe mami' tain macan' ca' quem. In hwet ho' xim inem. Co taxipa' nanapa' cwa' iri nana ne, to wet pan tatarain macan' pa'ao' non. Awi tamana ma ta Te ac con na. Narain ho' roron pain ca om awi wa, mam' narain ho' roron pain ca hwara' opa nem ma', je ca hwara' opa nem ca mi' mapa' ca'. Narain ho' roron pain oro ca to' i'ina nonon, ma' ta xica' pe ne ximicocon. Win ne ca xica' pe ne ximixi' ca' quem.

João 17:21

Mi' roron pain ca xica' pe ne ximicocon quem. Win ne ca xica' pe ne ximixi' pain ca win cwere xim ca', je pain ca win cwere mapa' quem. Mi' roron pain ca win cwere cacapari' quem. Ma' ta howa pin quequem oro wari' co om querec pin' nenem pain macan' ca'. Howa teterem pain ca tomi' mapa' pane, pain ca hwet roron oro wari' pain macan' ta mapa' pane quem.

João 17:25

Wum co tama' ara xo' ta Te ac con na. Om ca querec pin' camain' quequem oro wari' co noc nenem. Ane querec pin' xim ne. Querec pin' nenem caram cwa' co mi' mapa' cwa' quem. Querec pin' nenem pain ca hwet roron oro wari' ta mapa' pane.

João 17:3

Oro wari' co e' cara xi' nana ma', na e' na pain ca querec pin' quequem pain ca Iri' Jam iri'o' ma ma'. Om na win Iri' Jam ma ta teterem. Xica' pe ma ta teterem. Na e' na pain ca querec pin' cacapa' pain ca Jeju Cristo ta' ca' quem, pain ca hwet roron oro wari' pain macan' ta mapa' quem.

João 19:35

Querec inain ca mi' pin nucun quem. Iri'o' na ca xirao' ne ca'. Om ca mixein ta', iri'o' na ca xirao' ne ca'. Je ca xirao' mi' xuhu' ca' pain. Ma' ta howa cara hun quem inuhu'.

Atos 13:32

Je ca pijim' urut pahu' ca' ac tococwa na. Pijim' mi' urut pahu' pain capijacon Iri' Jam ca tomi' hwet napari' con Jeju ca', pain ca to' witan xim capari' ca'. Capijacon Iri' Jam ca wara tomi' pe mi' tococwa oro hwanana nexi' pane,

Atos 13:41

Ca' na cocon pane: Wahu' pain ca tomi' napat mahu' ma', taraju wet xine ta. Querec iri jein carawa ca ara ta' ta' pain oro xec nein ca e' e' wet nuhu' ne, joc herehe ac ne tara tucuhu'. Ma' paxi' tara wari' co tomi' hwet xim nuhu' pain, ane om howa xin hwein ca tomi' nucun ne. Joc herehe e' tara tucuhu', cono' pin ac hwe tara ta. Ac i ma' na ca xirao' to cacain ca tomi' nucun Iri' Jam oro profeta pane ta nonon Paulo pain ca pijim' mi' cocon pain capijacon Iri' Jam pane.

Atos 2:42

Co howa nana pane, win xumu tamana nanain ca pijim' nucucun oro apóstolo co tomi' hwet nonon pain oro ca tomi' nucun Jeju. Tama' ca' na xut pain nonon. Tomi' querec te tamana xucucun pain ca cut in xucucun, je pain ca cao' wi taxipa' caca, je pain ca tama' tomi' cocon Iri' Jam quem, je curucucun pane.

Atos 20:27

Xi joc xim xuhu' pain oro ca param nucun Iri' Jam ta.

Atos 4:20

Xi tacana to taxi' urut ta. Om ca tacana to ac urut. Om ca pijim' hwet maho' ac urut pain oro ca querec urut pane, om ca pijim' hwet maho' ac urut pain oro ca taraju urut pane. Ac i ma' na ca tomi' tococwa ma'.

Romanos 15:27

Wiricoco pan nana co cut mi' xuxun pain nana, maqui' nain ximicocon. Hohot na quem. Ac ca dever tococwa ara xi' na oro win howa caca co judeu nana ma'. Xi wiricoco ara caca oro judeu co wara quep xiho' pan nonon oro co om judeu nana ma', pain ca mi' tiquin' pan cocon pain oro ca awi wa ca tomi' pe qui' cocon Iri' Jam pane, pain ca to' hwara' opa pin tococwa pain ximicocon ta. Je ca na e' ne pain ca quep xiho' tococwa pain ca ximin nucucun pain ca mi' tococwa pain dinheiro pain xocori ca'.

1 Coríntios 1:30

Ane mi' cuhu' pain ca win cwere pin hun Cristo Jeju Iri' Jam ne. Wirico Cristo Jeju co to' taxi' napari' pain ca coromicat xo' nucun Iri' Jam ma', pain ca to' hohot capari' ca', je pain ca wari' ne capari' ca', je pain ca to' witan capari' ca' quem.

1 Coríntios 1:9

To' hwara' opa turuhu' Iri' Jam, xi mixein capari' ta. Ara taxipa' nain oro ca wara tomi' pe nucun. Tomi' nuhu' quem: Jao jao ma' jun Panxita' Jeju Cristo co Taramaxicon ne hwe cwa' nuhu', taxipa' jun ta nuhu'.

1 Coríntios 15:1

Xirao' mi' ho' xuhu' pain i ca' quem xere: Mam' pe wet jein capijacon Iri' Jam ca pijim' xuhu' pane, pain ca pijim' hwet xuhu' pain ca to' witan pin xim cuhu' Jeju pane. Je ca howa hwe pane, howa cara hwein quem.

Efésios 3:6

Je i ca' ca coromicat xo' nucun ca joc xim ca ira: Oro carawa ca awi ca mi' toton caparut Iri' Jam pain ca judeu urut ca', cut pin xin hwein pain ca om judeu hwe ma' quem. Xi om ne ca howa howa pi' pin ara xin capijacon ca tomi' hwet napari' con Cristo Jeju. Win ma' ne pin xijexi' quem. Mi' mi' pi' pin napari' pain oro ca param nucun ca wara tomi' pe pin capari' con Cristo Jeju.

Filipenses 1:7

Ac i ma' na ca coromicat mi' coromicat mi' pi' pin xuhu' ca'. Hohot na quem, xi tomi' querec te ara xuhu' pain iri' xumu ta. Taramaja wi iri', xi om ne ca quep xiho' quep xiho' xam' ara mahu' pain ca taramaja ne ca mi' capa' Iri' Jam ta. Quep xiho' mahu' pain ca tao' pe cacapa' pain xirinain ca tao' to tao' to to wa ca', quep xiho' mahu' pain ca tomi' xo' toton co tomi' napat nanain capijacon Iri' Jam ca tomi' hwet napari' con Jeju cwa', je pain ca tomi' tomi' na pin toton pain ca iri'o' nein ca' quem.

Filipenses 2:1

To' hwara' opa napari' Cristo, xi om ne ca win cwere ara xun ta. Ta noc xujuhu' me napari'. Jao jao ma' xijexi' pain ca pe ho' capari' Tamataracon Iri' Jam. Xiram pa' tamana napari' quem.

Filipenses 3:10

Querec pin' xiton na inon Cristo ta, je ca param ta' ca'. Mi' xirapa' na inon pain ca hwara' opa nucun ca pe ho' non pain ca to' e' mami' tocwa pane. Jain jain wi xiton na ina pain oro ca to' i'ina non pane, ac wirico pain ca mi' pin nucun xita' na ina quem.

Colossenses 1:13

Xi wirico ara ca co to' witan ca' napari' con Caxicon Jam ma', co taramaxicon pe nain ca jitacat nein xim ma'. To' witan ca' napari' con, an to pin ac capari' na pain ca taramaxicon pe ca Panxica co om noc ca ma'.

1 Tessalonicenses 1:10

Tomi' hwet nanaparut pain ca winim' hun Panxica ma', co to' e' mami' ca ma'. Winim' hun Jeju pain ca in qui' tain cain pawin. Wirico Jeju co to' witan ca' xim napari' con Cote ca co wap toton nonon oro caracat ma', pain ca mama' jein cote ne xe toton cocon ma'.

1 Timóteo 6:2

Mo ta howa cocon Cristo Jeju taramaxicon nucucun co taramaja mi' caca ma', om ca na ne pain ca tomi' ximama' ca' cocon quem: Om na, ac ca aji' ton na, xi howa howa pi' pin ara iri' ta, hohot na pain ca om taramaja hap ta' ca', om ta mana' capa' ta. Om ta tomi' ximama' ac i ma' camain' caca ta. Taramaja xo' pan xi' tatara. Xi howa pan ara caca taramaxicon nucucun co quep xiho' caca pain ca taramaja mi' e' cocon ta. Om ca noc cocon quem. Tomi' xo' ac i ma' roron. Tomi' ha' xine pain roron quem.

Hebreus 2:12

Tomi' ca' na pain ca tomi' con Iri' Jam pari': Tomi' hwet toton xere pain oro ca ara nem ta. Cut in iri xujuxut ne, tomi' hwet ac xim tara pain ca tomi' querec te xim ca'. Ac i ma' na ca tomi' con Iri' Jam Jeju pari'.

Hebreus 3:1

Je ca tomi' xuhu' ca' xere, pain ca wari' ne cuhu' Iri' Jam ma', je pain ca tora' cuhu' pain ca howa xine cuhu' ma' quem. Tomi' xim inuhu'. Mam' pe wet cara jun Jeju cwa', co tomi' hwet napari' pain ca tomi' nucun Iri' Jam cwa', co sacerdote co iri' taramaxicon cwa'. Wirico co howa iri' cwa'.

Hebreus 3:14

Mo ta howa cara xun Cristo cwa', win ne ca howa mip urun pain ca xo' howa qui' urun pain cara pane. Mo ta cono' pa' ma' xin ca howa nexi' ca' ne iri' quem, iri' win ma' ne pin ac xun na, iri' win ma' ne pin ac capari' na quem.

1Pedro 5:1

Je ca tomi' xuhu' pain ca querec wet huhun oro co howa nonon Jeju ma'. Tomi' mip inuhu', xi om ne ca querec wet pan ara toton oro co howa nonon Jeju pain i ca' ta. Tomi' hwet inonon oro wari' pain ca jain jain nucun Cristo, jao jao ma' ton pain ca an hwet pe xine ca awi nucun pain ca hwara' opa nucun quem.

2 Pedro 1:16

Xi tomi' ximama' urut pain ca pijim' urut pahu' pane ta, om ca maqui' nein ca coromicat ximama' pan nuxut. Tomi' hwet iri urut pahu' con Taramaxicon nexi' Jeju Cristo pain ca hwara' opa nucun pain ca in qui' ta' nucun ne, tomi' iri'o' ac urut pahu' na. Querec urut con pain iri' ca hwara' opa tamana nucun.

1João 1:1

Xirao' mi' urut pahu' con Jeju Cristo co wara ma', pain ca om om wet ne macan' pane, co ma' ma' wet pain xocori ca' quem. Taraju urut con, querec urut con pain tocoxut. Querec pin' urut con, quep urut con pain muxut quem. Je ca tomi' hwet urut pahu' con. Wirico co capijacon Iri' Jam ma', co an hwet mi' napari' pain ca om pi' ra ha' ne ca e' wa ta.

1João 1:5

Je i ca' ca pijim' caparut Jeju pane. Tomi' hwet ac urut pahu' pain na quem. Ca' na ca tomi' nucun: Iri' naran na Iri' Jam. Om ca ma' camain' con ca jitacat nein xim.

1João 1:7

Xuruxut cara iri irin naran nucun Iri' Jam ma' ne, pain ca win xumu xin oro ca param nucun ma'. Win ne ca pe cain naran ma' quem. Xuruxut ac i ma' iri irin naran nucun ne, tomi' querec te caracan ac xijexi' na pain ca taxipa' xijexi' ca'. Hohoc pin ac capari' na pain ca caracat nexi' quicon Panxica cwa', Jeju cwa'. Ac i ma' na ca to' om to' om pi' pin cain ca caracat nexi' quem.