1João 1:2 - Tradução Bíblica Pacaas Novos

² Hwet naparut pain macan' pane. An hwet mi' xucun pain ca mi' cain ca e' wa. Querec urut con, wirico co tomi' hwet urut cwa'. Pijim' hwet urut pahu' con, pain ca wirico co mi' nain ca om pi' ra ha' ne ca e' wa ta urut pahu'. Wara pe ho' paxi' non Cote ca pain cara pane, ane an hwet mi' caparut con ne.

1João 1:2 Iomraidhean Croise

João 1:18

Om na wari' co querec non Iri' Jam. Om ca querec camain' tocwa. Xica' pe na iri' Panxica co an hwet mi' napari' con Cote ca. Xi jao jao ma' ara con ta. Iri' Jam pan na ta.

João 1:4

Wirico co to' e' napari'. Mi' napari' pain ca e' cara wa. Ca e' nucun ca to' e' napari' ca', ac naran na, toha mi' napari' pain ximixi'. Ma' ta querec pin' hwein oro ca iri'o' wa con Iri' Jam ta napari'.

João 10:28

Mi' inonon pain ca e' cara wa. Om ta pan' ara'am camain' caca. Quep xat cara inonon, om na wari' co coc xicot ca' ac napa' cocon.

João 14:6

Om na, wata' co Iri' Wanaxicon Te Iri' Jam pan cwa' ta ac ca na Jeju. Wata' co an hwet mi' nuhu' pain ca iri'o' wa con. Wata' co mi' nuhu' pain ca e' cara wa quem. Xica' pe ina pain ca mi' taxi' xuhu' pain ca hwet hun Te ta. Om na xucun.

João 15:27

Tomi' hwet pan ac mahu' tara cocon oro wari' quem. Xi wara to ho' ara mahu' pain cara pane, pain ca xo' pijim' qui' xuhu' pain cara pane na ca tomi' caparut ma'.

João 16:28

Maqui' inon Te pain ca maqui' tain macan' pane. Paca' ho' tain ina quem. In hwet ac ton tara Te na ca tomi' caparut ma'.

João 17:3

Oro wari' co e' cara xi' nana ma', na e' na pain ca querec pin' quequem pain ca Iri' Jam iri'o' ma ma'. Om na win Iri' Jam ma ta teterem. Xica' pe ma ta teterem. Na e' na pain ca querec pin' cacapa' pain ca Jeju Cristo ta' ca' quem, pain ca hwet roron oro wari' pain macan' ta mapa' quem.

João 17:5

In hwet ho' xim inem ta Te ac con na. In hwet iri xim ne, an hwet pe mami' ac main tara ca awi tamana ne pain ca Iri' Jam ne ca wara ma' napa' pain ca pe ho' pe ho' wet xim pain cara pane, pain ca om ma' querec ne macan' pane non.

João 19:35

Querec inain ca mi' pin nucun quem. Iri'o' na ca xirao' ne ca'. Om ca mixein ta', iri'o' na ca xirao' ne ca'. Je ca xirao' mi' xuhu' ca' pain. Ma' ta howa cara hun quem inuhu'.

João 21:14

Je win 3 pin ne ca hwet pa' caparut Jeju pain ca taxipa' urut con ca', pain ca e' mami' nucun pane.

João 3:13

Om ca ma' camain' ca xucun wari' co piri' mao nain pawin ta ac con na. Xica' pe ina pain ca Iri' Wari' ta' ca', xica' pe ina pain ca piri' mao tain pawin cain. Xi quiji' qui' ara tain i cain ta non.

João 7:29

Ane querec pin' pan ton ne. Xi maqui' ara ton ta. Wirico co hwet roron ta napa' pahu' na ca tomi' tococwa ma'.

João 8:38

Tomi' hwet inuhu' pain oro carawa ca querec ta' pain ca pe ho' pe ho' wet ton Te pane. Wahu' iri na ne, ara hwein ca ca' na cuhu' cote hwe ma' na ca tomi' tococwa ma'.

Atos 10:41

Om ca querec querec pi' pin cocon oro wari', om na. Xica' to urut pain ca querec urut con pain ca e' mami' nucun. Xica' to urut pain ca querec urut con pain ca cao' to ho' urut con quem. Xi om ne ca wara tora' ara caparut Iri' Jam pain ca tomi' hwet jujun oro wari' pain ca querec hun ta caparut pane ta.

Atos 2:32

To' e' mami' con Jeju Iri' Jam ma' ira, iri'o' ta. Xi querec ara urut con pain ca e' mami' nucun ta. Querec querec xam' urut con pain ca taxipa' urut con ca'.

Atos 3:15

To' pa' pin iri nonon Jeju oro soldado ne, ac ca to' pa' pan hun na. To' pa' pin hun ma' ira! To' pa' pin hun co ma' co to' e' napari' cwa', co mi' xim napari' pain ca e' cara wa pain pawin ta. Ac i ma' paxi' hwe, ane to' e' mami' con Iri' Jam ne. Querec urut con pain ca e' mami' nucun quem.

Atos 5:32

Je ca tomi' hwet taxipa' urut ca'. Tomi' hwet urut cocon oro wari' pain oro carawa ca ara non Jeju pane. An hwet mi' nonon pain Tamataracon Iri' Jam quem. Iri' Jam ma', wirico co mi' nonon pain Tamataracon oro wari' co tomi' ha' nonon ta. Ac i ma' na ca tomi' cocon oro taramaxicon Pedro con João ma'.

Romanos 8:3

Ca xirao' nucun Moisés ma', om ca hwara' opa ne, om ca to' om pin ac nein ca hwara' opa nein ca caracat nexi'. Xi tomi' ha' pan xin ta. Ane hwara' opa pan ca Iri' Jam ne. To' om pin nain ca hwara' opa nein ca caracat nexi', xi om ne ca mam' ara capari' con iri' Panxica cwa' ta. An tan pan rain curucucun oro wari' co caracat nana ma', mi' pin caho' roron pain ca caracat nucucun ta non, to' om pin ac cain na ca hwara' opa nein ca caracat nexi' ca pe ho' napari' pain cwerexi' ca'.

Gálatas 4:4

Ane maqui' pa' capari' iri' xec nein ca coromicat an pe xo' ca Iri' Jam ne, pain ca mam' xim xuhu' con Panxita' cwa' capari' pane. Hwet roron oro wari' pain macan' ta non pari'. Wari' pin na, wari' na jicon co wijima non. Judeu na quem, tomi' ha' taxipa' nain ca xirao' nucun Moisés pane.

1 Timóteo 3:16

Iri' Jam ma', om ca an hwet querec cain ca coromicat an pe xo' nucun ca howa iri' con Cristo Jeju pane. Pain xocori ca' iri na ne, an hwet mi' napari' con. Ca' napari' con: Wari' pin na Cristo. An hwet mi' napari' pain ca awi nucun Tamataracon Iri' Jam. Querec nonon oro jam co taramaja mi' nonon Cote ca. Pijim' hwet ac tocwa na cocon oro wari' co om judeu nana. Mija nana oro wari' co howa nonon pain oro xijein macan'. Piri' in hwet ac con na Cote ca pain pawin. Ac i ma' na tamara' ca com mi' xun ca'.

2 Timóteo 1:10

Je win an hwet mi' capari' pain ca xiram pa' nucun quem. Xi maqui' pin ara ca Cristo Jeju co to' witan pin napari' cwa'. To' om pin nain ca hwara' opa nein ca mi' pin wa. An hwet mi' ac capari' na pain ca e' nucun quem. To' querec pin' napari' pain i ca' quem: Mo ta howa xin capijacon Iri' Jam ca tomi' hwet napari' pain ca to' witan xim capari' Cristo Jeju cwa', e' cara ac iri' tara pain pawin ta.

Tito 1:2

Ma' ta om tara pum ta'a camain' cacapa' pain ca mi' ton toton pain ca e' cara wa ta napa' cocon. Wara tomi' pe mi' napari' pain ca e' cara wa Iri' Jam. Pain ca om tom ma' querec cain macan' pane, wara tomi' pe mi' napari' pain. Om ca tomi' mixein camain' capari' ta.

1Pedro 5:1

Je ca tomi' xuhu' pain ca querec wet huhun oro co howa nonon Jeju ma'. Tomi' mip inuhu', xi om ne ca querec wet pan ara toton oro co howa nonon Jeju pain i ca' ta. Tomi' hwet inonon oro wari' pain ca jain jain nucun Cristo, jao jao ma' ton pain ca an hwet pe xine ca awi nucun pain ca hwara' opa nucun quem.

1João 1:1

Xirao' mi' urut pahu' con Jeju Cristo co wara ma', pain ca om om wet ne macan' pane, co ma' ma' wet pain xocori ca' quem. Taraju urut con, querec urut con pain tocoxut. Querec pin' urut con, quep urut con pain muxut quem. Je ca tomi' hwet urut pahu' con. Wirico co capijacon Iri' Jam ma', co an hwet mi' napari' pain ca om pi' ra ha' ne ca e' wa ta.

1João 2:25

Je ca wara tomi' pe mi' capari' ca'. Mi' xuhu' pain ca om pi' ra ha' ne ca e' wa ta napari' ta.

1João 3:5

Taxi' hun Cristo pain ca maqui' nucun pane. Maqui' nain macan', ma' ta to' om pin tain ca caracat nuhu' ta napari'. Taxi' hun pain ca om caracat camain' ca quem.

1João 3:8

Wari' nucun Caxicon Jam na co ma' co caracat taxipa' ma', xi caracat taxipa' pan ara ca Caxicon Jam ta. Wara caracat qui' ara xi' nain ca xo' tomi' ma' ten qui' xine macan' pane. Je ca maqui' cain macan' Panxica Iri' Jam quem. Ma' ta to' om pin tain oro ca ara nucun Caxicon Jam ta na pane.

1João 4:14

Querec urut con Panxica pain ca maqui' cain macan' pane. Tomi' hwet urut cocon oro wari' pain ca mam' capari' con Cote ca quem. Hwet roron oro wari' pain macan' cain, to' witan ca' roron pain ca caracat nucucun ta non pari'.

1João 4:2

Oro co tomi' ca' nana ma': Iri' wari' pin na Jeju Cristo pain ca maqui' cain macan' pane, an tan pan napari' pain ca wari' nexi' ca', mo ta tomi' ac i ma' caca, ha' ac cuhu' tara pain ca querec pin' hwein ca coromicat nein Tamataracon Iri' Jam cocon. Wirico Iri' Jam co mi' nonon pain ca tomi' nucucun.

1João 5:11

Je i ca' ca tomi' hwet capari' con Jeju Cristo Iri' Jam: Wata' co mi' nuhu' pain ca e' cara wa ta napari'. Je ca tomi' capari' ca'. E' cara xi' iri' pain ca win cwere xun Panxica Iri' Jam ta.

1João 5:13

Je ca xirao' mi' xuhu' ca', xirao' mi' inuhu' pain ca howa hun Panxica Iri' Jam ma'. Ma' ta taxi' xujuhu' pain ca e' cara xi' hwe ta inuhu'.

1João 5:20

Taxi' urun Panxica Iri' Jam pain ca wara maqui' cain macan' pane quem. Mi' napari' pain ca taraju pa' wa, ma' ta querec pin' hun Te Iri' Jam co iri'o' ta napari'. Win cwere urun co ma' co iri'o' quem, win cwere urun Panxica Iri' Jam Jeju Cristo. Wirico Jeju Cristo co iri' co Iri' Jam iri'o' ta. Wirico co e' cara ta.