Tekang Kbuten 9:25 - Udél Dwata: Gna Kesfasad ne Lomi Kesfasad

²⁵ yó gónón mon du, “Dwata he hol tmafak ke Kanan. Du angat ghesek bè yó kem twoguhen.

Tekang Kbuten 9:25 Iomraidhean Croise

Tekang Kbuten 3:14

Ne yó mon Dwata ebè yóm ulal, monen, “Bè nim nmoem ni, wen tafaku kóm. Bè kdê yó kem mowil talak tonok, tek són uu gembô du nim tafak ni. Lemwót bè nim kdaw ni, tódô sónmoem mulu se kóm ne gemken kfung bè yóm klawihem mowil.

Tekang Kbuten 4:11

Ni wen tafaku kóm ne là kóen na a mkó tahem. Là buden hyu ne kmoem nmò bè tonok, abay se deng gamà bè tonok litô twolihem bè yóm khatayem du.

Tekang Kbuten 49:7

Dwata he angat tmafak kul lemwót bè yóm kebut le, alì gedlug klóbô le ne alì gulé ksideken yóm gel nmò le. Gotu senklahu lu bè klamangen tonok Israél. Gotu hlanahu lu lem blóng yó kem dumu le.

Tekang Kbuten 9:18

Bè yóm kehewà Nuwa gu lem yóm kafal, ni se boluy yó kem ngaen logi mung du, Sém ne Ham ne Jafit. Yóm Ham, du se mà Kanan.Ni kem tlu ngà Nuwa logi ni, bélê le gónó le gu semfu yóm kdéen tau talak tonok.

Tekang Kbuten 9:22

Timbow ton Ham yóm mà Kanan, yóm klaen dù nes maen, tódô lemwót ne tulónen yó kem lewu dumuhen sulil-lem logi.

Tekang Kbuten 9:24

Timbow deng lembó klengel Nuwa ne tngónen yóm nmò Ham béléen, yóm ngaen twoli,

Matyu 25:41

Ominen yó mon du mò yó kem tau fi bè iwóngen, monen, ‘Mdó ye béléu bè ni, yu kem tau deng eles golu elem tafak Dwata. Ditu gónó ye nô lem yóm ofi laen dù tul katayen deng hentifes Dwata bè Seitan ne yó kem hógówen.

Kun Snulat Jan 8:34

Mon Jisas mò kul, “Tódô tulónu kuy ktahuhen, yó se tau mò salà, deng ghesek ne lem yóm óyóen mò salà.

Dwata 27:16

‘Hol tnafak Dwata yóm tau là nadaten ke maen ne yéen.’ Ne kdéen tau gotu hem-el du, mon le, ‘Tahu yó.’

Dwata 28:18

Angat tnafak Dwata yu anì là holen wen ngà ye ne anì là holen wen tebas ye. Balù yó kem safì ye ne yó kem ubiha ye, là kóen hol wen kngà le se kul.

Juswa 9:23

Lemwót bè nim nmò ye ni, yó olu Dwata kuy baling ye hesek, fen ye gel ma koyu ne mangay él bè yóm gónô yóm kum Dwata.”

Juswa 9:27

Henbalingen lu hesek, fen hwahen lu koyu ne hangayen lu él bè yó kem tau Israél ne bè yóm gónó le gel demsù ebè yóm sana kul Dwata hol gónó mogot. Efet nim kmoen ni sana gel kmò kem tau Gibyun du yóm nmò le yó bè yóm benwu deng nélék Dwata mò gónó le gel tmaba ebéléen yó kem tauhen.