Tekang Kbuten 9:23 - Udél Dwata: Gna Kesfasad ne Lomi Kesfasad

²³ Lemwót le Sém ne Jafit, wen kumù nwa le. Yó kmò le du, senbalà nogot le sfatà kililen, hloyol le te kwang le, nogot le bè seblà abal le. Tódô le mógów hudul elem yóm gónô mà le, ne lenimun le igò le binguy anì là ton le du yóm klaen dù nes mà le.

Tekang Kbuten 9:23 Iomraidhean Croise

Tekang Kbuten 9:22

Timbow ton Ham yóm mà Kanan, yóm klaen dù nes maen, tódô lemwót ne tulónen yó kem lewu dumuhen sulil-lem logi.

Tekang Kbuten 9:24

Timbow deng lembó klengel Nuwa ne tngónen yóm nmò Ham béléen, yóm ngaen twoli,

Kehewà 20:12

Hol nadat ye mà ye ne yê ye anì tahà ktau ye ta yóm tonok blayu kuy.

Hlolò 19:32

Hol nadat ye yó kem tuha bélê ye. Hol nimón ye o mlan bè yóm klikò ye dou. Ou se yóm hol gónó mogot.

Sulat Pol Ebè Yó Kem Tau Hemtahu Bè Rom 13:7

Yóm kdê bnayad tekuy bè gubérnó, gotu bnayad tekuy lu. Ne hol nadat tekuy lu snéen yó kem tau mogot benwu.

Glasya 6:1

Ó kem dumuhu setwoli, ke wen ton ye sotu bè yó kem kuy dumu hemtahu wen gónón btang bè kloloen ke Dwata, hol hen-ganag ye nawa ye tmóbóng du, yu kem tau gulit kloloen du yóm Tulus Dwata, anì mulék hyu se kun. Okóm eles ten-gama ye, kô wen gónó ye gsindil se kuy.

1 Timuti 5:1

Ke wen tonem gónón teklé yóm logi deng tmuha sentahem, béem kento mólów du. Henyuhem hmau du, lómón kadatem du ke mudéli ebè maem. Dalang se ebè yó kem logi lomi lemnok, lómón kmoem kul, lómón ke hol twolihem.

1 Timuti 5:17

Yóm tau tilob kesgalaken kem dumun tau bè simbahan, hol knóón béléen ke hol henyu ye keblay ye du ofolen. Hol nê yóm tau ke alì gotu nawahen tmolok du yóm Udél Dwata, ne ke hol henkimeden yóm gel ktoloken.

1 Timuti 5:19

Béem tagad nmung ke wen delem le du yóm tau malak bè simbahan ke là dengen lewu duhen ke tlu tau gemtanud du.

1 Pitér 2:17

Hol nadat ye kdéen tau. Hol kenbong ye nawa yó kem dumu ye deng hemtahu. Hol knikò ye Dwata. Hol nadat ye yóm tau hol geta bélê ye.

1 Pitér 4:8

Yó bong muhen bè kdéen, hol ye sbong nawa. Ke sbong nawa ye botong gbek ye tódô hmifót du yóm dê gemsalà bélê ye.