Tekang Kbuten 9:20 - Udél Dwata: Gna Kesfasad ne Lomi Kesfasad

²⁰ Yó kun nmò Nuwa, gel mò nmò bè tonok. Du se yóm hol tanay tau mulu grép.

Tekang Kbuten 9:20 Iomraidhean Croise

Tekang Kbuten 3:23

Yó gónóm mon, tódô hdó Dwata le Adam bè yóm hungul koyu bè Idin anì nbuten mò nmò ta yóm tonok tehe gónó le mò du.

Tekang Kbuten 4:2

Kogolen bè yó, bud mngà logi, duhen Abél. Bè yóm deng kbong yó kem lewu ngà yó, yó kun nmò Abél gel semgyok ubiha, okóm ke Kain kun fen gel mò nmò bè tonok.

Tekang Kbuten 5:29

ne yó udélen, monen, “Lemwót bè yóm deng kgolu yóm tonok, tey kgel klowil tau lemwót bè keglayam le mò nmò. Okóm nim ngà ni, wen lanen tmóbóng kum bè yóm tey kgel klowil me.” Ne yó boluyen du yóm ngaen yó, Nuwa.

Tekang Kbuten 9:19

Ni kem tlu ngà Nuwa logi ni, bélê le gónó le gu semfu yóm kdéen tau talak tonok.

Tekang Kbuten 9:21

Bè yóm kinumen yóm tifas yóm grép huluhen, deng mom lengel du, ne tódô hlilil bè gónóen laen dù nesen.

Kem Udél Hlalak Tehe Selumun 10:11

Yóm kun kudél yóm tau tedeng kmoen, ten-gelen nawa kem dumun tau, okóm yóm kun kudél yóm tau gel mò sidek gónón gebnos yóm alì ksidek nmoen.

Kem Udél Hlalak Tehe Selumun 12:11

Sal gel wen kenen yóm tau gel mò nmò bè tonok, okóm yóm tau gel nmungen yó kem atul laen dù muhen là hulungen hedem.

Kem Udél Hlalak Tehe Selumun 24:30

Deng lanu lem numa yóm tau lemfu ne gu lem hulu yóm tau laen dù ledemen ni,

1 Kurin 9:7

Tulón ye dou kun, deng wen sendalù mung bè gida kô ke tlek kun mebel mò gastuhen? Ne bè yóm tau gel mò hulu, là dog kenen du ne kô yóm gel nutahen? Dalang se yóm tau semgyok ógóf, là dog wen kem ofolen du ne kô yó kem ógóf sen-gyoken? Là kô yó du. Sal gel wen ofolen du yóm kun leniteg yóm tau.

Dwata 28:30

Yóm libun deng leninti ye, deng mom tólóng tau myehen du. Yóm gónó hdà ye deng mom tólóng tau nô tahen. Yóm grép hulu ye là kô yu du mken bunguhen.