Tekang Kbuten 9:16 - Udél Dwata: Gna Kesfasad ne Lomi Kesfasad

¹⁶ Ke sok gel gfan bè lobun yóm léwés, tonu se dou ne yó mò gónóhu hemtulón du nawa yóm deng fasadu ebè yóm kdéen mowil talak tonok, yóm fasad laen dù sónen.

Tekang Kbuten 9:16 Iomraidhean Croise

Tekang Kbuten 17:13

Tódô kdéen ngà logi bélê ye gotu tnulì ye lu. Ni se ilô bè lówó ye mò gónón gfan yóm klaen dù sónen yóm deng kesfasad te.

Tekang Kbuten 17:19

Okóm yó balà Dwata du monen, “Là. Angat wen hol ngà ye logi Sara ne yó boluyem du Isak. Béléen gónóhu hlan du yóm deng senfasad te laen dù tul sónen ni, kkólen bè yó kem angat semfu gu béléen. Ni se yóm hol fasad laen kô dù tul sónen.

Tekang Kbuten 17:7

Nim fasadu kóm ni ne yó kem angat sfuhem,” mon Dwata, “là kóen bud mulék elem baku, hol fasad laen kô dù tul sónen. Yó fasadu kóm, ou se hol kóm Dwata ne bud ou se hol kul Dwata yó kem angat sfuhem.

Tekang Kbuten 9:17

Yó se ilô yóm fasad nmou ebè kdéen mowil talak tonok.”

2 Samwél 23:5

Deng nélék Dwata yóm dou fes lówó. Yakà deng wen fasaden do, yóm fasad laen dù sónen, fasad mdengen, lelen wen hgeten. Tendo knudung Dwata o anì laen dù hemenu, ne anì wen gónón e kól yó kem nmou.

Isaya 55:3

Ni hnungol ye ou kem dou tau, géhél ye edini béléu. Géhél ye ne anì wen klowil ye. Wen fasad nmou bélê ye, yóm fasad laen dù sónen. Yó fasadu kuy ni, blayu kuy yóm tóbóng tehe fasadu ke Dabid.

Jirimaya 32:40

Angat wen senfasad me yóm fasad laen dù tul sónen. Fasadu kul yóm tendo keblayu kul yóm hyu. Suu bè nawa le yóm tendo klikò le dou ne là kô bud tebel le do.

Isikél 34:26

Tendo nuyagu lu yó kem dou tau ne suu lu hilol yóm dou bulul, bè yó gónóhu tmóbóng kul. Hkulónu elem benwu le bè yóm kdaw wen mu le du. Bud lómón yó se angat tendo kehkulónu du ebélê le yóm tóbóngu kul.

Isikél 37:26

Yó fasadu kul yóm kenek kbenwu le, hol fasad laen dù sónen. Bud blayu kul yóm kul benwu ne angat tey kehbólu kul. Bud hdau lem blóng le yóm dou Gónô ne laen kô dù sónen yóm knóen lem blóng le.

Hibru 13:20

Deng hlowil Dwata yóm gónó tekuy mogot Jisas. Lemwót bè yóm katayen bélê tekuy yó, hol lómón ke du yóm hol geta bè yó kem semgyok ubiha, ne tekuy se yóm hol sen-gyoken. Yóm litô hamaen bélê tekuy, yó se hol hemget du yóm lomi lan nmò Dwata mò lan tau ebéléen, ne laen kô sónen yóm lan nmoen yó. Yó hem Dwata gónón lemwót yóm kenek nawa tekuy hol tmóbóng kuy anì gbek ye mò du yóm kun kóyô. Ne bud du se hembaling tekuy kem tau mò hol hefligal du hlanen bè Jisas Krays. Hol bê tekuy abay nmò sónen yóm kdóyón tekuy ke Krays.