Tekang Kbuten 9:15 - Udél Dwata: Gna Kesfasad ne Lomi Kesfasad

¹⁵ yó se mò gónóhu hemtulón du nawa yóm deng fasadu kuy dalang se ebè yóm kdéen ógóf. Hentulónu nawa yóm là bud keheglumfaku du bè kdê yó kem mowil talak tonok yóm dunuk.

Tekang Kbuten 9:15 Iomraidhean Croise

Tekang Kbuten 8:21

Yóm boo yóm dsuen yó, tey hyu nawa Dwata du ne yó hendemen, “Là kô bud genlau du ne yóm tonok ne yóm kentihen nô tahen lemwót bè sidek gel nmò tau. Tódô tngónu yóm tau, lemwót bè hanà kudien yóm kwen sidek nô lem hendemen. Là kô naw e bud genlà kul ne yóm kentihen mowil talak tonok lómón yóm deng nmou bélê le ni.

Tekang Kbuten 9:10

ne senged se ebè yóm kentihen mowil talak tonok, yó kem onuk koyu ne yó kem ógóf, ne yóm kentihen mung kuy hewà gu lem yóm kafal.

Tekang Kbuten 9:11

Ni se yóm hol fasadu kuy, laen kô bud dunuk ne gemlà yóm kentihen mowil talak tonok. Là kô bud hdunuku du ne talak tonok.

Tekang Kbuten 9:14

Ke gel hlobunu te kmawang, ne ke gfan bè yó yóm léwés,

1 Bok Kem Tau Hol Geta 8:23

ne mni bè Dwata, monen, “Ó Dwata, yóm kum Dwata yó kem tau Israél, laen kô dù dumu Dwata semnged kóm bè longit duhen ke dini talak tonok. Là kô klifótem du yóm tehe senfasad ye yó kem tauhem, ne là kóen monol yóm kbong nawahem kul ke hol lemwót lem but blutut le yóm kimón le kóm.

Nihimaya 9:32

Ó Dwata yóm sana kum Dwata, uu se yóm hol dandónen geta, yóm hol knóón bang knikò, yóm alì mfasang. Là kóen na a mkó bè nawahem yóm tehe senfasad ye yó kem tauhem. Lenwóten bè yóm tehe alì kdà le kum elaan yó kem tau hol geta bè Asirya efet ni kmoen ni, tey keglayam me. Deng tonem se yóm tey keglayam me yóm kdê me, yó kem tau hol geta bélê me ne yó kem malak kum ne yó kem tau gel blóng me ebéléem ne yó kem tugodem ebélê me ne yó kem fù me ne kdê yó kem dumu me tey keglayam le.

Kem Lingón 106:45

Hentulónen nawa yóm tehe senfasad le, lemwót bè yóm là konolen yóm kbong nawahen kul, yó gónón temles hendemen.

Jirimaya 14:21

Béem tódô bayà mi, Dwata, anì là myaken yóm kóm boluy. Béem mom kenbê mi, Dwata. Béem abay henyak yóm benwu Jirusalim, yóm benwu gónón nô yóm hol gónóm myón kmamal. Béem abay genbà yóm deng tehe senfasad tekuy, hol béem abay tódô bayà mi.

Kun Snulat Luk 1:72

Tehe tulónen yóm kkoduhen kul yó kem tehe fù tekuy, là kô nan e klifót du yóm tehe deng fasaden kul.

Dwata 7:9

Yó gónóm mon, hol sù ye lem hendem ye nim ni. Yóm sana kuy Dwata hol gónó mogot, tek sónen du Dwata ne là kóen monol nawahen. Là kô klifóten du yóm tehe senfasad ye ditu bè Bulul Sinay ne gel hegfanen bè yó kem tau kembong nawa du ne mimón yó kem kun hlau yóm kbong nawahen kul efet kól bè hilu libu bud lugod le.