Tekang Kbuten 9:13 - Udél Dwata: Gna Kesfasad ne Lomi Kesfasad

¹³ wen léwés suu bè yó kem lobun te kmawang. Yó se ilô yóm deng fasadu ebè yóm kentihen mowil te tonok, hol fasad laen kô dù tul sónen.

Tekang Kbuten 9:13 Iomraidhean Croise

Tekang Kbuten 9:12

Nim fasadu kuy ni dalang se bè yóm kentihen mowil talak tonok, hol fasad laen kô dù tul sónen. Ni hol ilóen yóm fasadu kuy ni,

Tekang Kbuten 9:14

Ke gel hlobunu te kmawang, ne ke gfan bè yó yóm léwés,

Isikél 1:28

Yóm gu hilolen lómón ke wen léwés mnóng du, hol lómón yóm léwés gel gfan gu lem lobun ke kmulón. Yó se kmoen yóm klóón Dwata hono sminang deng hegfan béléu. Bè yóm ktonu du, botonge gefen bè tonok ne ominu mungol yóm mudél ebéléu.

Deng Hegfan 10:1

Ominu yó mton yóm sotu hógów Dwata alì kemgis htuntun gu bè longit. Tódô nô lem yóm tey lobun, ne lenéwés hilol kuluhen, ne lem uyóhen hol lómón mata kdaw, ne yóm tihen lómón ke hehek lenébéd dilóf.

Deng Hegfan 4:3

Yóm ktonu du, tódô sminang lemnaw ne hulô, lómón ksinangen yó kem botu dyaspér ne karnilyan. Ne wen tey léwés sminang lemnaw hilolen, lómón ksinangen yóm botu éméral.