Tekang Kbuten 8:21 - Udél Dwata: Gna Kesfasad ne Lomi Kesfasad

²¹ Yóm boo yóm dsuen yó, tey hyu nawa Dwata du ne yó hendemen, “Là kô bud genlau du ne yóm tonok ne yóm kentihen nô tahen lemwót bè sidek gel nmò tau. Tódô tngónu yóm tau, lemwót bè hanà kudien yóm kwen sidek nô lem hendemen. Là kô naw e bud genlà kul ne yóm kentihen mowil talak tonok lómón yóm deng nmou bélê le ni.

Tekang Kbuten 8:21 Iomraidhean Croise

Tekang Kbuten 3:17

Ne yó udél Dwata ebè yóm logi, monen, “Deng nimónem udél tuha libunem ne deng kenem yóm bungu koyu nalihu kuy. Lemwót bè nim nmoem ni, tódô gomong megtafak béléem yóm klamangen tonok. Bè yóm klawihem mowil, ke là nam hol hgel mò nmò là kô wen gónóm ma mò ken ye.

Tekang Kbuten 4:12

Ne ni, ke tói bud mò hulu, là kóen hyu ktowoken. Ne sotuhen, là buden mtukul ne kbenwuhem, sónmoem ówów.”

Tekang Kbuten 5:29

ne yó udélen, monen, “Lemwót bè yóm deng kgolu yóm tonok, tey kgel klowil tau lemwót bè keglayam le mò nmò. Okóm nim ngà ni, wen lanen tmóbóng kum bè yóm tey kgel klowil me.” Ne yó boluyen du yóm ngaen yó, Nuwa.

Tekang Kbuten 6:13

Ne yó gónó Dwata mudél ebè Nuwa, monen, “Ó Nuwa, deng hendemu ne kmou són le yó kem tau. Angat gotu genlau lu abay se hono sidek yóm gel nmò le bè klamangen benwu.

Tekang Kbuten 6:17

Naw na hlumfak e talak tonok yóm tey dunuk anì gotu meglà kentihen deng mowil talak tonok. Angat le gotu matay yóm kdéen nô talak tonok.

Tekang Kbuten 6:5

Bè yóm kton Dwata du yóm alì kmò le sidek yó kem tau talak tonok ne yóm là kólós yó kem gel nô lem hendem le,

Tekang Kbuten 6:7

yó gónón mon du, “na gotu genlà lu dé ni kem tau deng nmou ni, dalang se yó kem ógóf ne yó kem onuk koyu, abay se gsele bè yóm kmou kul.”

Job 14:4

Tau du se gembek hólós yóm tau ke tehe là mólósen lemwót bè ksuten? Kaem laen duen.

Kem Lingón 51:5

Tódô mung bè ksutu yóm óyóu mò sidek. Nbuten bè keblolu yê dou, eles nô béléu yóm óyô mò sidek yó.

Kem Lingón 58:3

Ni kem tau mò sidek ni, tódô mung bè ksut le gemsalà. Kewóten bè ksut le yóm kmò le kéng.

Kem Lingón 58:4

Wen tey alas le lómón alas ulal. Mkél le bè sedof, là kô le móyô hmungol.

Kem Udél Hlalak Tehe Selumun 20:9

Laen kô dù tau gembek mon du, “Deng gotu hólósu ne lem but blututu ne laen dù salau.”

Isaya 53:6

Yóm kdê tekuy, hol tekuy mkél bè ubiha tabag. Tódô sotu kun lemolò kun kóyô. Okóm du fen mbô yóm tafak Dwata hol knóón bélê tekuy.

Jirimaya 17:9

Yóm kehedem tau hol gónó gsukat, tey móyô mò sidek. Tau du se gbek temnef du yóm ksideken yóm kehedem tau?

Jirimaya 18:12

Okóm yó angat balà le kóm, mon le, “Bê. Moen de ke tô tenflok me? Hono me kem tau mgel kulu nim kum, tódô nmò me yóm sidek kum knóyô nmò.”

Matyu 15:19

Kdê yó kem nmò sidek, hono lemwót bè kehedem tau, lómón yóm monok, ne mdà yehen, ne mò samuk, ne mnagaw, ne mò kéng, ne yóm tódô gel semtulón dumu tau.

Kun Snulat Jan 3:6

Yóm ngà sut bè tau, tau se yó. Okóm bè yóm bud kehlomihen sut yóm tau, deng baling ngà Dwata ne, lemwót bè yóm deng nmoen béléen yóm Tulus Dwata.

Sulat Pol Ebè Yó Kem Tau Hemtahu Bè Rom 1:21

Deng tngón le se yóm kwen Dwata, okóm là nadat le du ne là kô dog dóyón le du bè yóm gel któbóngen kul. Yó bunguhen yóm nmò le yó, tódô kmifu lem hendem le laen kô dù nefeten.

Sulat Pol Ebè Yó Kem Tau Hemtahu Bè Rom 3:23

Tódô kdéen tau gotu gemsalà bè Dwata. Yó gónóhen laen dù tau gmulit du yóm tey kun klinggel nawa.

2 Kurin 2:15

Hol lómón ke tekuy se yóm boo alì minggel deng hbel Krays ebè Dwata. Mbel ebè yó kem tau deng gewà gu lem hatay, ne bud mbel ebè yó kem tau tolo golu elem hatay.

Ifisus 5:2

Yóm gel kmò ye bè kem dumu ye, hol hewót ye bè yóm kesbong nawa. Henkna ye bè Krays dé bè yóm kbong nawahen tekuy. Gloken tódô hamà yóm kun klowil bélê tekuy mò dsuen ebè Dwata. Yóm dsuen yó, hol lómón ke yóm boo alì minggel mbel ebè Dwata, ne tey gsengel nawahen du.

Flipay 4:18

Duhen yó, ni sii mò lesibuhen yóm kdê deng blay ye do, botong wen lukasen béléu lemwót bè yóm blay ye do yó. Laen kô dù hendeenu ni kmoen ni lemwót bè yóm blay ye dou hlan ye bè Ipafruditus. Ni kem blay ye dou ni, hol lómón yóm gel dsù le alì minggel boohen gel blay le ebè Dwata, yóm dsù gel henmóyóen, ne yóm gónón gel hyu nawahen.

1 Jan 5:19

Deng tngón tekuy ne yóm kfun Dwata tekuy. Yó kem dumu tau nô lem benwu, hono kem kun tau nogot Seitan.

1 Samwél 26:19

Duhen ni, dou gónó mogot, hol hnungolem udél yóm tóbóng lówóhem. Ke Dwata se yóm mdók kóm anì hnatayem o, hyu ke wen dsuu ebéléen anì henmóyóen. Okóm ke kul kóyô kem tau, Dwata he hol tmafak kul yóm kdê le deng matul do. Abay se deng lohem ou bè yóm dou benwu ne yó gónów là bud gnô lem blóng yó kem dou dumu ne gónów là bud tmaba ebè Dwata bè yó lómón yóm sana dou gel nmò.