Tekang Kbuten 8:20 - Udél Dwata: Gna Kesfasad ne Lomi Kesfasad

²⁰ Tikóng le deng gotu hewà, wen botu sensodò Nuwa mò gónón demsù ebè Dwata. Ne wen nwahen bè ket kay yó kem ógóf ne onuk koyu gel henmóyô Dwata mò dsù le ebéléen ne hkekeben ta yóm gónó demsù yó.

Tekang Kbuten 8:20 Iomraidhean Croise

Tekang Kbuten 13:18

Tahu se, bud nili Abram kamfuen, ne ditu gónón nô moni bè yó kem koyu lembang bè Mamri lem benwu Hibron. Ne bè yó gónóhen bud semsodò yó kem botu mò gónón demsù ebè yóm sana Dwata hol gónó mogot.

Tekang Kbuten 13:4

bè yóm benwu tehe gna gónón semsodò yó kem botu mò gónón demsù ebè yóm sana Dwata hol gónó mogot. Yóm kkólen bè yó, bud tmaba ebè Dwata.

Tekang Kbuten 22:2

Bud mon Dwata, “Nitem Isak, yóm tek sotu ngaem, yóm alì kenbong nawahem. Mógów ye etu bè benwu Muraya. Angat wen bulul toloku kóm ditu, ne ditu tahen gónóm hmatay du mò dsù hkekebem ebéléu.”

Tekang Kbuten 22:9

Timbow le kól bè yóm benwu deng tulón Dwata ke Abraham, omin Abraham semsodò yóm botu mò gónón demsù, ne senfótólen tahen yó kem koyu nwiten. Ominen mfét ke Isak ne hlasaen ta yó kem koyu deng senfótólen yó.

Tekang Kbuten 26:25

Omin Isak yó semsodò botu mò gónón demsù ebè Dwata ne tmaba ebéléen. Ne bè yó gónón bud kmamfù ne bud le mokol kokol bè yó se yó kem tau tóbóng lówóhen.

Tekang Kbuten 33:20

Omin Jakub semsodò botu bè yó mò gónón demsù ebè Dwata. Yó boluyen du yóm gónón demsù yó, Él Élohi Israél. Yó lanen, “Alì gembek yóm kun Dwata Israél.”

Tekang Kbuten 35:1

Yó udél Dwata ebè Jakub, monen, “Ó Jakub, géhéli mili ebè Bétél ne menwuhi bè yó. Budi semsodò botu mò gónóm demsù ebéléu bè yó. Ou se yóm Dwata tehe hegfan béléem bè yóm tehe kehlóyem hlayuk bè twoguhem Iso.”

Tekang Kbuten 35:7

Omin Jakub semsodò botu bè yó mò gónón demsù ebè Dwata ne yó boluyen du yóm benwu yó, “Bétél, kun benwu Dwata,” abay se bè yó tehe gónó Dwata hegfan béléen bè yóm tehe kehlóyen hlayuk bè twoguhen.

Tekang Kbuten 4:4

Omin Abél demsù se kun, wen nwahen bè tanay ngà yó kem ubihahen, ominen hmatay kul. Nwahen yóm unged hol hyu mò dsuen ebè Dwata. Tey hyu nawa Dwata ebè Abél ne bè yóm dsuen yó.

Tekang Kbuten 7:2

Bè kdê yó kem kay ógóf gel henmóyóu mò dsù ye ebéléu, miti elem yóm kafal ket ne hitu tengeb. Okóm bè yó kem dumu ógóf là henmóyóu du, olon ket ne stengeb nwitem elemen.

Tekang Kbuten 7:3

Ne bè yó kem onuk koyu, budi mit ket hitu tengeb snéen bè ket kayen. Yó gónóm mò du yóm yó anì mowil le ne bud le mból talak tonok yóm kentihen kay ógóf ne yóm kentihen kay onuk koyu.

Tekang Kbuten 8:19

Mung kul yóm kentihen kay ógóf ne kentihen kay onuk koyu deng tehe nwiten elem kafal, bede sal mlan bè ket kayen yóm kmò kehewà le.

Job 1:5

Ke sok deng yóm kdaw gel kmò le ken, yó gel nmò Job gotu hfangayen lu anì nan e bud hfólós lu. Tódô hlafus btik nan e demsù yóm dsù gel hkekeb le ebè Dwata bè ket yó kem ngaen. Yó gónón mò du yóm yó, abay se hendemen déke wen sotu bélê le deng wen gónóhen gemsalà bè Dwata ne deng wen gmon le sidek eta Dwata, yóm là lenbù le du. Ni se yóm tendo gel nmò Job bè yó kem ngaen.

Kehewà 10:25

Mon Musis se, “Là. Gotu nwit me yó kem ógóf me mò dsù me ne mò hkekeb me ebè yóm kum Dwata.

Sulat Pol Ebè Yó Kem Tau Hemtahu Bè Rom 12:1

Duhen yó, kem dumuhu setwoli, ni alì nalu nawahu bélê ye lemwót bè yóm tey kkodu Dwata tekuy. Hol blay ye ke Dwata dé lówó ye mò henged dsù ye ebéléen, yóm dsù tolo mowil ne tendo gel nmò ye yóm hyu. Ne tey kehyu nawa Dwata du yóm keblay ye du yó. Ke hendem ye yóm kdê deng nmoen bélê ye, tey knóón ke ni se yóm kut nmò.

Hibru 13:10

Deng wen se mdengen dsù tekuy yóm kdê tekuy deng hemtahu bè Jisas. Okóm yó kem Ju gel demsù bè yóm kul gónô gel demsù, laen dù kwalis le mken du kul yóm dsù tekuy yó.

1 Pitér 2:5

Ne kdê ye yó kem tau deng hlowilen, lómón ke botu ye snéen kuy. Yu se yó kem botu wen mu Dwata du bè yóm gónô hdaen mò gónóhen gel nô. Ne bè yóm gónóen yó, hol lómón ke yu se yóm tau fen gel demsù ebéléen. Yó henged kuy dsù, duhen yóm kimón ye ke Dwata ne yóm gel kdóyón ye du, hlan ye bè yóm deng nmò Jisas bélê ye. Ni se yóm dsù hol henmóyô Dwata.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.