Tekang Kbuten 8:19 - Udél Dwata: Gna Kesfasad ne Lomi Kesfasad

¹⁹ Mung kul yóm kentihen kay ógóf ne kentihen kay onuk koyu deng tehe nwiten elem kafal, bede sal mlan bè ket kayen yóm kmò kehewà le.

Tekang Kbuten 8:19 Iomraidhean Croise

Tekang Kbuten 1:21

Tahu se, dlimun Dwata yó kem klambaden utón nô lem mohin dalang se yó kem kentihen mowil gel nô lem él. Ne yó kem kentihen gel móyóng te kmawang, gotu dlimun Dwata lu. Ne kdê yó kem dlimunen yó, bè yóm bud kból le tódô sulit bè yóm sana kul kmò. Ne tey hyu kton Dwata du yóm deng dlimunen yó.

Tekang Kbuten 1:24

Yó bud mon Dwata, “Dlimunu tódô lemwót gu bè tonok yó kem kentihen kay ógóf mò nô talak tonok, kem ógóf mò tnomò ne kem ógóf nô lem bnes, kewóten bè yó kem lebangen kkólen bè yó kem leneken. Ne kdê yó kem dlimunu yó, bè yóm bud kból le tódô sulit bè yóm sana kul kmò.” Ne tahu se, tódô uliten du.

Tekang Kbuten 8:18

Ne tahu se, hewà Nuwa mung du yehenen ne yó kem ngaen logi ne yó kem towuhen.

Tekang Kbuten 8:20

Tikóng le deng gotu hewà, wen botu sensodò Nuwa mò gónón demsù ebè Dwata. Ne wen nwahen bè ket kay yó kem ógóf ne onuk koyu gel henmóyô Dwata mò dsù le ebéléen ne hkekeben ta yóm gónó demsù yó.

Tekang Kbuten 9:10

ne senged se ebè yóm kentihen mowil talak tonok, yó kem onuk koyu ne yó kem ógóf, ne yóm kentihen mung kuy hewà gu lem yóm kafal.