Tekang Kbuten 8:1 - Udél Dwata: Gna Kesfasad ne Lomi Kesfasad

¹ Bè yóm tey kdunuken yó, là kô klifót Dwata kul le Nuwa ne yó kem ógóf tehe nwiten elem yóm kafal. Ne wen lenos hbel Dwata anì nbuten mtón yóm él.

Tekang Kbuten 8:1 Iomraidhean Croise

Tekang Kbuten 19:29

Okóm bè yóm keglà Dwata yó kem syudad nô bè yóm datal gónón menwu Lat, là homongen ke Lat abay se là klifóten du yóm hni Abraham béléen.

Tekang Kbuten 30:22

Bè Rakél kun, là kô klifót Dwata du ne bnalaen yóm kun kni ne kóhen béléen yóm katilen anì mngà.

Tekang Kbuten 9:10

ne senged se ebè yóm kentihen mowil talak tonok, yó kem onuk koyu ne yó kem ógóf, ne yóm kentihen mung kuy hewà gu lem yóm kafal.

Job 14:13

Ó Dwata, hol kóyóu dé ke bnosem o bè benwu yó kem tau deng matay. Hol bnosem o efet deng gotu mkó yóm kebutem do. Okóm hol eles hnutusem do yóm kdaw bud kehedemem do.

Kem Lingón 105:42

Abay se là kô klifóten du yóm deng fasad mget tehe nmoen bè Abraham yóm kun tau tóbóng lówó.

Kem Lingón 106:4

Ó Dwata, hentulón nawam se ou ke deng bangem tmóbóng yó kem tauhem. Ke lenwaem lu, lenwaem se ou,

Kem Lingón 115:12

Là kô klifóten tekuy, ne angat tnóbóngen tekuy. Angat tnóbóngen yó kem tau Israél, ne yó kem sfu Aron, duhen yó kem tau gel demsù ebè Dwata.

Kem Lingón 132:1

Ó Dwata, hol hentulónem nawa Dabid ne kdê yó kem mgel deng henbalahen.

Kem Lingón 136:23

Là kô klifóten du yóm tehe gónó tekuy là gemmò bè yó kem hohon tekuy. Laen kô dù tul sónen yóm kbong nawahen tekuy là monolen.

Kem Lingón 137:7

Ó Dwata, bè yóm kdaw tehe kegbà kem tau Babilun du yóm Jirusalim, hol béem klifót yóm tehe kul nmò yó kem tau Idom. Béem klifót yóm tehe gel kmon le du, “Hol genbà ye dé, béen wen tebel du.”

Kem Lingón 29:10

Dwata se mogot kul yó kem él dmunuk. Ne laen kô dù tul sónen yóm hol kegetahen.

Kem Lingón 36:6

Yóm kóm ktedeng, hol lómón kbegelen yó kem bulul lembang. Yóm kukum tedeng nwitem, hol lómón kngelemen mohin. Tey gel kesgifaem kul, Dwata, yóm kdéen tau kkólen bè yóm kdéen ógóf.

Kehewà 14:21

Tayal Musis eta mohin sigelen ne tódô sen-gengen se hesut Dwata gu fi dmata kdaw yóm tey lenos bong na a semsólól yóm él yó. Suloyen buteng mò du lemnos efet gfan tonok lem yóm tey mohin. Tódô skó bè gónón sóól yóm él.

Kehewà 15:10

Okóm Dwata, tek olo bè kyufem kul gónó le gotu lemneb yó kem tau Idyip. Yóm keneb le bè yóm él alì sidek knelemen yó lómón tô keblat le bala tók.

Kehewà 2:24

Ne gungolen yóm tey dolong le ne gtulón nawan yóm tehe fasaden kul le Abraham ne Isak ne Jakub.

Kem Udél Hlalak Tehe Selumun 25:23

Yóm kdohò yóm lenos nbol kulón lemwót fi gu bwak lómón se yó kdohò kebut tau du yóm tau lemnek ksumóngen.

Isaya 44:27

Ngem yó dém mohin bong, olo lemwót bè udélu gónón kti.

Amus 8:7

Deng safà Dwata yóm Dwata gónó le gsalù yó kem tau Israél, monen, “Là kóen mkó bè nawaw yó kem sidek gel nmò le.

Juna 4:11

Milud he kkoduhu du yóm tey syudad Ninibi ni. Mukas lematu lewu folò libuhen kem ngà lemnek nô bè yó, kem ngà laen dù deng sidek tngón le. Lelen tey wen kem ógóf he bè yó.”

Nahum 1:4

Tek olo bè udélen tódô kti yóm tey mohin bong dalang se yó kem él mlel. Bud lemwót bè udélen gónón tódô mékéng yó kem tey tilob gónó motob bè Basan ne bè Karmél ne yóm dlag bè Libanun gotu tbó doun le.

Hbakuk 3:2

Ó Dwata yóm sana Dwata hol gónó mogot, deng gungolu yó kem tey tennga deng tehe nmoem ne botonge likò. Ne ni, hol bud nmoem bélê me bè nim kum kdaw yó kem deng tehe nmoem yó. Balù yóm tey sidek kebutem kum hol knodum mi.

Sikaraya 10:11

Angat le mlan gu lem yó kem tey dê gónó le glayam, hol lómón ke wen mohin nifal le, okóm laen dù gfà le lemwót bè yóm któbóngu kul. Hensengu lewók yóm mohin nifal le yó, ne botong hektihu yóm tey él nelem boluyen Nayl. Yóm alì keheklabak yó kem tau Asirya, són ketngónem du ne yóm alì kfasang yó kem tau Idyip, deng gesón.

Lista 22:32

Ne yó monen mò ke Balaam yóm hógów Dwata, “Moen du ke botong tlu dulékem mfes yóm asnuhem? Yó nógówu naw e henseng yóm lanem, yake béi mógów.

Deng Hegfan 16:19

Ne yóm tey syudad bong Babilun, botong tlu gónón mesdoli. Gotu gebà snéen yó kem dumu syudad talak tonok. Là kô na a klifót Dwata du yóm alì kegsalà le yó kem tau bè Babilun yó, ne hol hegnómen kul yóm tey kebuten kul, lómón ke wen ninum lóbô hinumen kul.

Deng Hegfan 18:5

Abay se yóm salà nmoen, deng gesduk bè longit ne ke snansudem. Là kô klifót Dwata du yóm sidek gel nmoen.

1 Samwél 1:19

Timbow hlafus hayahen bè yó, gotu le temkifu btik na le e bud tmaba ebè Dwata, omin le mulék ebè yóm kul gónô bè Rama. Timbow sentungô Ilkana Hana, hentulón nawa Dwata yóm deng hni Hana