Tekang Kbuten 7:9 - Udél Dwata: Gna Kesfasad ne Lomi Kesfasad

⁹ ket ne stengeb kmò khusek le elem yóm kafal, lómón yóm deng hmò Dwata du.

Tekang Kbuten 7:9 Iomraidhean Croise

Tekang Kbuten 2:19

Tahu se, gotu nwit Dwata ebè yóm tau nifilen yóm kentihen deng tehe dlimunen lemwót bè tonok, kentihen ógóf nô te tonok ne kentihen onuk móyóng te kmawang. Ne hmoen du boluy le. Ne yó se buten yóm kwen kul mdengen boluy yóm kdê le.

Tekang Kbuten 6:22

Tahu se, gotu nmò Nuwa yóm kdê deng hmò Dwata du.”

Tekang Kbuten 7:10

Timbow deng hitu kdawen bè yó, msut se yóm tey dunuk.

Tekang Kbuten 7:15

Ket ne stengeb bè ket kay yó kem mowil te tonok, gotu mung ke Nuwa elem yóm kafal nmoen,

Tekang Kbuten 7:16

hol lómón yóm deng hmò Dwata du. Timbow deng kól lemen Nuwa, omin Dwata tmikeb du bak dól yóm kafal yó.

Tekang Kbuten 7:8

Kentihen kay ógóf ne kentihen kay onuk koyu, yó kem ógóf gel dsù le ne yó kem là gel dsù le du, gotu le mógów bè Nuwa,

Isaya 65:25

Yó kem ógóf lóbô lem bnes ne yó kem ngà ubiha, angat le tódô gotu segbót mken. Yó kem liyun, angat le baling mótób lómón safì. Ne yó kem ulal, laen dù bud knikoem bélê le ne. Bè yóm dou bulul Sayun yó, laen dù bud hemsidek tau bè yó ne laen kô dù bud sidek bè yó snéen.”

Glasya 3:28

Duhen yó, laen kô dù gónó ye stólóng kem tau hemtahu bè Krays, tau Ju duhen tau là Ju le, tau klifen duhen tau là klifenen, logi duhen libun. Tódô gotu senged yóm kdê ye lemwót bè yóm deng kessotu ye bè Krays Jisas.

Kulasi 3:11

Yó nefeten nim lomi klowil ni, laen dù bud gónón stólóng ne yóm tau Ju ne yóm tau là Juhen, yóm tau tnulì ne yóm tau là tnulien, yóm tau tólóng udélen, ne yóm tau laen dù tngónen, yóm tau klifen ne yóm tau là klifenen, abay se Krays yóm alì bong muhen bè kdéen, ne du se tendo nô bélê tekuy.