Tekang Kbuten 7:7 - Udél Dwata: Gna Kesfasad ne Lomi Kesfasad

⁷ Yóm khuseken elem yóm kafal nmoen, mung du yehenen ne kem ngaen logi ne yó kem towuhen anì là glumfaken kul yóm tey dunuk yó.

Tekang Kbuten 7:7 Iomraidhean Croise

Tekang Kbuten 6:18

Okóm béléem, wen fasadu kóm là kô homongu kóm. Angat nitem elem yóm kafal nmoem yehenem ne yó kem ngaem logi ne yó kem towuhem.

Tekang Kbuten 7:1

Bè yóm deng kdeng yóm kafal hmò Dwata ke Nuwa, bud mudél ebè Nuwa Dwata, monen, “Huseki elem yóm kafal ne, nwitem yó kem fes lówóhem. Bè kdê yó kem tau nô talak tonok, tek són uu yóm tonu mò du yóm tedeng.

Kem Udél Hlalak Tehe Selumun 22:3

Yóm tau hulung milô eles dilóen ne senyahen yóm sidek, okóm yóm tau là ngelem kehedemen mom mógów e du ne yó gónón glayam.

Matyu 24:38

Yóm gu laanen là deng tehe sut dunuk ekni, yó nmò kem tau mken le, ne minum le, ne syehen le efet yóm khotun Nuwa elem yóm kafal nmoen.

Kun Snulat Luk 17:27

Yó nmò kem tau, mken le, ne minum le, ne syehen le efet yóm khotun Nuwa elem yóm kafal nmoen. Ominen yó msut yóm tey dunuk, ne gotu le meglà yóm kdê le.

Hibru 11:7

Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

Hibru 6:18

Duhen yó, nim lewu tehe nmò Dwata ni, duhen yóm fasaden ne yóm kehgeten du, là kóen na a megetles, abay se yóm Dwata là kóen mò kéng. Yó gónóm mon, bè yóm kdê tekuy deng mlóy ebéléen, deng tey mgel nawa tekuy du ne yóm hendón nangat tekuy deng fasaden tekuy.

1 Pitér 3:20

Yó kem lóyóf heblanggù Dwata yó, lóyóf tu kem tau là mimón ke Dwata bè yóm tehe kun kdaw Nuwa. Tey tehe khanay Dwata nawahen bélê le tu kem tau tu, tô hatanen kimón le efet kdeng yóm kafal bong nmò Nuwa. Ewenem, tek wolu tau husek elemen ne gewà gu lem yóm tey él.

2 Pitér 2:5

Dalang se yó kem tau gnan bè yóm tehe kun kdaw Nuwa ekni, tey kegsalà le. Bede là kô tódô bayà Dwata du kul yóm kegsalà le yó. Yó tafaken kul tódô gotu hlumfaken elem benwu le yóm tey dunuk él, ne gotu le meglà. Són Nuwa là matayen, ne yó kem hitu fes lówóhen. Gu laanen là deng sut yóm dunuk, tódô henlel Nuwa tmolok yó kem tau anì hentedeng le kmò le.