Tekang Kbuten 7:21 - Udél Dwata: Gna Kesfasad ne Lomi Kesfasad

²¹ Tódô kdê yó kem mowil talak tonok gotu le matay. Kdê kem onuk koyu ne kdê kem ógóf ne kdê kem tau gotu le matay.

Tekang Kbuten 7:21 Iomraidhean Croise

Tekang Kbuten 1:25

Duhen yó, deng gotu dlimun Dwata yóm kdê le, ne bè yóm bud kból le, tódô sulit bè yóm sana kul kmò. Ne tey hyu kton Dwata kul.

Tekang Kbuten 6:13

Ne yó gónó Dwata mudél ebè Nuwa, monen, “Ó Nuwa, deng hendemu ne kmou són le yó kem tau. Angat gotu genlau lu abay se hono sidek yóm gel nmò le bè klamangen benwu.

Tekang Kbuten 6:17

Naw na hlumfak e talak tonok yóm tey dunuk anì gotu meglà kentihen deng mowil talak tonok. Angat le gotu matay yóm kdéen nô talak tonok.

Tekang Kbuten 7:4

Tek hitu kdaw ne duen kehkulónu du. Ne yó kegenen mò du kmulón, botong fat folò butengen anì gotu meglà yóm kdéen mowil deng tehe nmou.”

Husiya 4:3

Yó se but gónón laen dù bud kligal yóm tonok ye, gónón là bud tembas. Yóm kdéen tau mowil tahen, hono wen des hlós hatay le. Balù yó kem ógóf lem bnes ne kem onuk koyu ne kem utón él, deng nbut le hlana.”

Juwél 2:3

Hol lómó kmò le hol lómón kken ofi. Tukô gna le, hol lómón ktiloben hungul Idin ktonem du. Okóm tukô huli kul deng tódô mló, laen kô dù tonem tebel.

Sifanaya 1:3

Angat gotu himot genlau kdéen tau ne kdéen ógóf. Tódô himot genlau snéen yóm kdéen onuk koyu dalang se yó kem utón él lem mohin. Ne gotu hlanahu lu yóm kdéen tau gel mò sidek. Himot genlau kdéen tau talak tonok, balù sotu ke wen hlowilu.”

Matyu 24:39

Là kô tngón le du yóm angat sut bélê le. Song imò le hetngón, deng sut bélê le yóm dunuk, ne tódô le gotu mung konul. Lómón yó se kmoen yóm kkól yóm Ngà Tau.

Kun Snulat Luk 17:27

Yó nmò kem tau, mken le, ne minum le, ne syehen le efet yóm khotun Nuwa elem yóm kafal nmoen. Ominen yó msut yóm tey dunuk, ne gotu le meglà yóm kdê le.

Sulat Pol Ebè Yó Kem Tau Hemtahu Bè Rom 8:20

Tehe yu ekni, gotu gomong megtafak kentihen deng dlimun Dwata. Là kóen lemwót bè kul kóyô yóm kegtafak le, okóm yó se kun kehlan du Dwata. Bede wen hendón nangat le.

Sulat Pol Ebè Yó Kem Tau Hemtahu Bè Rom 8:22

Deng tngón tekuy se lemwót bè kegsalà Adam efet nim kmoen ni, tey sidek kegnóm le du yóm kentihen deng dlimun Dwata. Yóm kegnóm le du, senged bè yóm hen-gnóm yóm libun kmuleng blututen.

2 Pitér 2:5

Dalang se yó kem tau gnan bè yóm tehe kun kdaw Nuwa ekni, tey kegsalà le. Bede là kô tódô bayà Dwata du kul yóm kegsalà le yó. Yó tafaken kul tódô gotu hlumfaken elem benwu le yóm tey dunuk él, ne gotu le meglà. Són Nuwa là matayen, ne yó kem hitu fes lówóhen. Gu laanen là deng sut yóm dunuk, tódô henlel Nuwa tmolok yó kem tau anì hentedeng le kmò le.