Tekang Kbuten 7:14 - Udél Dwata: Gna Kesfasad ne Lomi Kesfasad

¹⁴ Ne mung kul kentihen kay ógóf, yó kem ógóf tnomò ne yó kem ógóf nô lem bnes, kewóten bè yó kem lebangen kkólen bè yó kem leneken ne kentihen kay onuk koyu, gotu mung kul.

Tekang Kbuten 7:14 Iomraidhean Croise

Tekang Kbuten 1:21

Tahu se, dlimun Dwata yó kem klambaden utón nô lem mohin dalang se yó kem kentihen mowil gel nô lem él. Ne yó kem kentihen gel móyóng te kmawang, gotu dlimun Dwata lu. Ne kdê yó kem dlimunen yó, bè yóm bud kból le tódô sulit bè yóm sana kul kmò. Ne tey hyu kton Dwata du yóm deng dlimunen yó.

Tekang Kbuten 1:24

Yó bud mon Dwata, “Dlimunu tódô lemwót gu bè tonok yó kem kentihen kay ógóf mò nô talak tonok, kem ógóf mò tnomò ne kem ógóf nô lem bnes, kewóten bè yó kem lebangen kkólen bè yó kem leneken. Ne kdê yó kem dlimunu yó, bè yóm bud kból le tódô sulit bè yóm sana kul kmò.” Ne tahu se, tódô uliten du.

Tekang Kbuten 6:19

Miti ket stengeb bè yó kem kentihen ógóf lemowil talak tonok ne kentihen onuk koyu anì gomong le mowil bélê ye.

Tekang Kbuten 7:13

Bè yóm kdaw khusek Nuwa elem yóm kafal yó, mung du yehenen ne yó kem ngaen logi, le Sém ne Ham ne Jafit ne yó kem towuhen.

Tekang Kbuten 7:15

Ket ne stengeb bè ket kay yó kem mowil te tonok, gotu mung ke Nuwa elem yóm kafal nmoen,