Tekang Kbuten 7:11 - Udél Dwata: Gna Kesfasad ne Lomi Kesfasad

¹¹ Bè yóm ksuten, deng nem latu ne halay Nuwa. Msut yóm dunuk bè yóm gesfoloen hitu kdaw bè yóm gewuhen bulón. Yó kmoen, tódô semfut gu lem tonok yóm tey él nô fi laan tonok ne sen-gengen se sut yóm tey kulón bong.

Tekang Kbuten 7:11 Iomraidhean Croise

Tekang Kbuten 6:17

Naw na hlumfak e talak tonok yóm tey dunuk anì gotu meglà kentihen deng mowil talak tonok. Angat le gotu matay yóm kdéen nô talak tonok.

Tekang Kbuten 7:6

Bè yóm kehdunuk Dwata te tonok yó, deng nem latu ne halay Nuwa.

Tekang Kbuten 8:14

Tikóng kól bè yóm gewuhen folò hitu kdaw bè yóm gewuhen bulón, yó he tahu hol kékéng gu ta yóm tonok.

Tekang Kbuten 8:2

Tódô teflok yóm tey él semfut gu lem tonok ne bud teflok snéen yóm tey kulón bong.

2 Bok Kem Tau Hol Geta 7:19

Yó tehe mon yóm tau genlal bè yóm tau hol geta deng matay yó koni, “Hol mou kun ne ke dohò yóm yó anien ke lenungkà Dwata yó kem tenbó beng bè longit.” Yó deng balà Ilaysa du, monen, “Angat tonem he, okóm là kô nam e gken du kóm.”

2 Bok Kem Tau Hol Geta 7:2

Okóm mudél yóm sotu genlal alì snalig yóm tau hol geta yó, monen, “Hol mou kun ne ke dohò yóm yó anien ke lenungkà Dwata yó kem tembó beng bè longit.” Bnalà Ilaysa se, monen, “Angat tonem he, okóm là kô nam e gken du kóm.”

Job 38:16

Dengi gu du kô kóm yó kem sfut él laan tonok gónón gu lemwót mohin? Deng hnalakem kô yóm mò kmoen ditu tlaan yóm mohin yó?

Job 38:37

Tmau du se yóm alì temngón gembek msó kul yó kem lobun? Tau du se gembek mkok kul yó kem lebwón bè longit

Kem Lingón 33:7

Ne yóm tey él mohin, deng gotu sentnuen, ne tey nelem gónón hemsù kul.

Kem Lingón 74:15

Uu se hesfut él ne hlel yó kem él mlel, ne bud uu se hekti yóm él mlel tehe là ktihen.

Kem Udél Hlalak Tehe Selumun 3:20

Bud lemwót bè kun ketngón gónón tendo hlel yó kem él ne yó kem lobun tendo hosok amù e talak tonok.

Malakay 3:10

Hensulék nwit ye ebè dou Gónô dé yóm gesfoloen gel bad ye dou anì tendo wen ken lem yóm dou Gónô. Hol na ye tilów ou dé,” mon yóm Dwata laen dù là gbeken du, “ngem kà tódô hennasu du yó kem tembó beng bè longit ne tódô ludusu ebélê ye yó kem tóbóng, botong laen kô dù bud gónó ye hemsù du.

Matyu 24:38

Yóm gu laanen là deng tehe sut dunuk ekni, yó nmò kem tau mken le, ne minum le, ne syehen le efet yóm khotun Nuwa elem yóm kafal nmoen.

1 Tisalunika 5:3

Ofo kul tô mon du yó kem tau, “Hyu ne ni. Deng tinof ne laen bud knikò tekuy.” Okóm tódô mekto sut bélê le yóm tey glumfak le. Tódô le gotu ktut, lómón kektut yóm libun kmuleng blututen, ne là kô wen lan le hemlóy du snéen.

2 Pitér 3:6

Ne bud bè él snéen gónón gemlà yó kem tehe tau gnan ekni, tódô gotu hdunuken elem yóm benwu le.