Tekang Kbuten 7:1 - Udél Dwata: Gna Kesfasad ne Lomi Kesfasad

¹ Bè yóm deng kdeng yóm kafal hmò Dwata ke Nuwa, bud mudél ebè Nuwa Dwata, monen, “Huseki elem yóm kafal ne, nwitem yó kem fes lówóhem. Bè kdê yó kem tau nô talak tonok, tek són uu yóm tonu mò du yóm tedeng.

Tekang Kbuten 7:1 Iomraidhean Croise

Tekang Kbuten 6:18

Okóm béléem, wen fasadu kóm là kô homongu kóm. Angat nitem elem yóm kafal nmoem yehenem ne yó kem ngaem logi ne yó kem towuhem.

Tekang Kbuten 6:9

Ni se kun tutul Nuwa. Nim Nuwa ni, wen tlu ngaen logi. Yó boluy le Sém ne Ham ne Jafit. Bè yóm kun kdaw Nuwa, tek són du yóm tau tedeng kton Dwata du ne tau tey hyu kmoen. Tey tilob kesetngón le Dwata.

Tekang Kbuten 7:13

Bè yóm kdaw khusek Nuwa elem yóm kafal yó, mung du yehenen ne yó kem ngaen logi, le Sém ne Ham ne Jafit ne yó kem towuhen.

Tekang Kbuten 7:7

Yóm khuseken elem yóm kafal nmoen, mung du yehenen ne kem ngaen logi ne yó kem towuhen anì là glumfaken kul yóm tey dunuk yó.

2 Samwél 22:24

Laen dù gónóhu mulé du, ne deng senyahu yóm salà.

Kem Udél Hlalak Tehe Selumun 10:9

Laen kô hemenen yóm tau tedeng kehedemen, okóm yóm tau là tedeng kehedemen gekfô du yóm kmoen sidek.

Kem Udél Hlalak Tehe Selumun 14:26

Yóm tau kmikò ke Dwata wen gónón smalig ne hyu knóen, dalang se yó kem ngaen.

Kem Udél Hlalak Tehe Selumun 18:10

Yóm Dwata mò gónó le heklung ne gónó le e mlo yó kem tau tedeng kmoen ne gónón hyu knóen.

Sifanaya 2:3

Hloni ye bè Dwata se kuy, kem tau hulung heglaan bè nim benwu ni, kem tau gel mò du yóm kun kóyô Dwata. Hol nmò ye yóm tedeng ne hol ye heglaan bè Dwata. Là tngón te du déke laen dù tódô kuy bè yóm kdaw kehton Dwata du yóm alì sidek kebuten tau.”

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Kun Snulat Luk 17:26

Gu laanen là deng semfulék yóm Ngà Tau,” mon Jisas, “hol lómón yóm tehe kun kdaw Nuwa.

Kul Nmò 2:39

Yakà deng tehe fasad Dwata du tekuy se ekni, dalang se ebè yó kem angat bud lugod tekuy, kkólen bè yó kem dumu tau bè benwu mayuk. Balù kihu tau mimón yóm ktaba Dwata du, yóm Dwata hol gónó tekuy mogot, suen béléen yóm kun Tulus.”

Hibru 11:7

Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

1 Pitér 3:20

Yó kem lóyóf heblanggù Dwata yó, lóyóf tu kem tau là mimón ke Dwata bè yóm tehe kun kdaw Nuwa. Tey tehe khanay Dwata nawahen bélê le tu kem tau tu, tô hatanen kimón le efet kdeng yóm kafal bong nmò Nuwa. Ewenem, tek wolu tau husek elemen ne gewà gu lem yóm tey él.