Tekang Kbuten 6:8 - Udél Dwata: Gna Kesfasad ne Lomi Kesfasad

⁸ Okóm wen sotu tau boluyen Nuwa gónón hol hyu nawa Dwata.

Tekang Kbuten 6:8 Iomraidhean Croise

Tekang Kbuten 19:19

Tey deng któbóngem dou, glokem hlowil dou. Okóm tey mayuk tu kem bulul tuu. Gu laanu là deng gefet ditu, deng gafiten ou ne yóm heglumfak Dwata yóm syudad yó ne mataye.

Kem Lingón 145:20

Nofinen yó kem tau kembong nawa du, okóm fen genlaen yó kem tau gel mò sidek.

Kem Lingón 84:11

Dwata se yóm hol mofin tekuy. Du se yóm hol dandónen geta alì minggel kmoen. Tey któbóngen tekuy mlan bè yóm hyu gel nmoen bélê tekuy, ne bè yóm kadaten tekuy. Là kô nalihen du yóm hyu ebè yó kem tau mò du yóm tedeng.

Kem Udél Hlalak Tehe Selumun 12:2

Yóm tau hyu kmoen gwahen yóm kehyu nawa Dwata ebéléen, okóm yóm tau matul mò sidek tnuled Dwata.

Kem Udél Hlalak Tehe Selumun 3:4

Ke ni se nmoem, hligal Dwata ne gsengel nawan ebéléem, dalang se kem dumum tau.

Kem Udél Hlalak Tehe Selumun 8:35

Yakà yóm tau mton do tonen se kehyu klowilen ne gutahen yóm kehyu nawa Dwata ebéléen.

Jirimaya 31:2

Tehe yu ekni bè yóm benwu laen hol wen tauhen, tey kkoduhu kul yó kem dù tau mowil. Bè yóm kdaw alì sidek kliteg yó kem tau Israél, hegfane lem blóng le lemwót gu bè yóm tey mayuk gónóhu nô.

Matyu 24:37

Gu laanen là deng semfulék he yóm Ngà Tau, yó angat nmò yó kem tau te tonok, hol mkél bè yóm tehe kun kdaw Nuwa ekni.

Kun Snulat Luk 1:30

Ne bud mudél ebéléen yóm hógów Dwata, monen, “Béi mom tô hlikò, Midi, abay se tey kehyu nawahen ebéléem Dwata.

Kun Snulat Luk 17:26

Gu laanen là deng semfulék yóm Ngà Tau,” mon Jisas, “hol lómón yóm tehe kun kdaw Nuwa.

Kul Nmò 7:46

Tey kehyu nawa Dwata ebè Dabid. Yó tô hni Dabid bè Dwata ke hemdà yóm tahu gónô mò gónóhen nô lem blóng le, yóm Dwata sana kun Dwata Jakub, yóm tehe fuen. Okóm là hlus Dwata du béléen.

Sulat Pol Ebè Yó Kem Tau Hemtahu Bè Rom 11:6

Tódô lemwót bè kun nawa Dwata gónón mélék kul, là kóen lemwót bè yóm kul gel nmò. Ke yó gónó Dwata mélék kul lemwót bè yóm gel nmò le, là kô gbek tekuy moluy du tóbóng yóm nmò Dwata yó.

Sulat Pol Ebè Yó Kem Tau Hemtahu Bè Rom 4:4

Ke wen tau mò nmò bè dumu tau, sal gel wen sukéyen. Ne yóm sukéyen yó, là kô nam e mon du basa le du, kaem bayad litegen.

1 Kurin 15:10

Okóm yó gónóhu baling tau hógówen, tódô lemwót bè yóm tey nawa Dwata dou. Ne yóm nawahen dou yó, tey wen uléken. Bè ktahuhen, bè kdê yó kem dumu tau gel hógówen, là kô gesenged le du se yóm dou kteneb mò nmò bè Jisas. Okóm là kóen na a lemwót bè dou kgis yóm kmou du, tódô lemwót bè yóm któbóng Dwata dou.

Glasya 1:15

Okóm balù yóm tehe tey ksidek nmou bè yó kem tau hemtahu, ewenem tey nawa Dwata ebéléu. Yóm gu laanu là deng tau, deng eles néléken ou ne mò sotu bè yó kem gel hógówen. Bè yóm deng kehto yóm buteng tehe fét Dwata,

2 Timuti 1:18

Dwata he hol kmodu du bè yóm kdaw kdaen bè soluhen. Ne sotuhen, deng tngónem ne yóm tehe alì gel któbóngen dou dyó ekni bè Ifisus.

Taytus 2:11

Deng hegfan Dwata yóm tey nawahen ebè kdéen tau bè yóm kehewaen tekuy gu lem hatay.

Taytus 3:7

Lemwót bè yóm któbóng Jisas kut yó, yó se gónón deng hyu kton Dwata kut, ne yó se gónó te gmuta du yóm klowil laen dù sónen, yóm gel nefet nawa te ni kmoen ni.

Hibru 4:16

Duhen yó, bê tekuy abay likò hloni ebè Dwata, yóm gónón hol nô yóm tóbóng. Ke hloni tekuy ebéléen, angat ton tekuy yóm tey kkoduhen tekuy ne yóm tey kun któbóng bè ket kehtóbóng tekuy béléen.

1 Pitér 3:20

Yó kem lóyóf heblanggù Dwata yó, lóyóf tu kem tau là mimón ke Dwata bè yóm tehe kun kdaw Nuwa. Tey tehe khanay Dwata nawahen bélê le tu kem tau tu, tô hatanen kimón le efet kdeng yóm kafal bong nmò Nuwa. Ewenem, tek wolu tau husek elemen ne gewà gu lem yóm tey él.

2 Pitér 2:5

Dalang se yó kem tau gnan bè yóm tehe kun kdaw Nuwa ekni, tey kegsalà le. Bede là kô tódô bayà Dwata du kul yóm kegsalà le yó. Yó tafaken kul tódô gotu hlumfaken elem benwu le yóm tey dunuk él, ne gotu le meglà. Són Nuwa là matayen, ne yó kem hitu fes lówóhen. Gu laanen là deng sut yóm dunuk, tódô henlel Nuwa tmolok yó kem tau anì hentedeng le kmò le.