Tekang Kbuten 6:6 - Udél Dwata: Gna Kesfasad ne Lomi Kesfasad

⁶ tey keblat nawahen bè yóm tehe kmoen kul ne yóm kehnóen kul talak tonok. Lemwót bè yóm tey kegselen,

Tekang Kbuten 6:6 Iomraidhean Croise

Tekang Kbuten 6:7

yó gónón mon du, “na gotu genlà lu dé ni kem tau deng nmou ni, dalang se yó kem ógóf ne yó kem onuk koyu, abay se gsele bè yóm kmou kul.”

2 Samwél 24:16

Okóm timbow tô genlà yóm hógów Dwata mit hatay yóm syudad Jirusalim, bud mayuk nawa Dwata kul bè yóm alì kehsideken yó kem tau, Yó monen bè yóm hógówen, “Geblaen yó ne, béem bud henlós.” Bè yóm kudél Dwata ebè yóm hógówen yó, lemwót yóm hógów Dwata yó tódô nô bè yóm gónón gel kmusu Arauna yóm tau Jibusayt.

1 Tutul Israél 21:15

Ne hógów Dwata yóm sotu hógówen gu bè longit anì genbaen Jirusalim. Okóm timbow tô genlà yóm hógów Dwata yóm syudad Jirusalim, mom bud mayuk se nawa Dwata bè yóm alì kehsideken yó kem tau. Yó monen mò yóm hógówen, “Geblaen yó ne, béem bud henlós.” Bè yóm kudél Dwata ebè yóm hógówen yó, lemwót yóm hógów Dwata yó tódô nô bè yóm gónón gel kmusu Arauna, yóm tau Jibusayt.

Kem Lingón 106:45

Hentulónen nawa yóm tehe senfasad le, lemwót bè yóm là konolen yóm kbong nawahen kul, yó gónón temles hendemen.

Kem Lingón 110:4

Deng wen safà Dwata, ne là kô nan e bud hulék du lem baken, monen, “Uu se mò blóng tau ebéléu kól bè laen kô dù tul sónen lómón yóm tehe keseblóng Mélkisédék tau ebéléu.”

Kem Lingón 119:158

Tey kkutó nawahu kul yó kem tau là hemtahu béléem, abay se là kô nimón le du yó kem hlauhem.

Kem Lingón 78:40

Deng hilu dulék le ne là mimón ke Dwata bè yóm benwu laen hol wen tauhen, ne tendo heblat le nawahen bè yóm benwu laen hol wen tauhen.

Kem Lingón 81:13

Okóm tey hyu nawahu ke hnungol le ou yó kem dou tau. Hyu nawahu ke lolò le yóm dou lan.

Kem Lingón 95:10

Botong fat folò halayen kegenu lembut kul, botong monu, ‘Hono kem tau tlas kehedem le. Là móyô le mimón du yó kem hlauhu kul.’

Kehewà 32:14

Tahu se, tenles Dwata hendemen, là dog dohò genlaen kul yó kem tauhen.

Isaya 48:18

Ke deng tehe hnungol ye yó kem hlauhu kuy, sana klelen he yóm kenek nawa ye lómón lel él. Ne sana kehlósu hegmò kuy bè yó kem hohon ye, lómón keseflósen gedkol ebè kilil yóm lewók mohin.

Isaya 63:10

okóm deng mom natù yó kem tauhen ne tey sidek keheblat le nawa yóm Tulus Dwata. Yó gónó Dwata deng mom hmohon kul ne niten lu sfatay.

Jirimaya 18:7

Ke wen kdawu mon du angat kendutu yóm sotu benwu, hendlà hnugónu ne hendlà genlau yó kem tauhen,

Jirimaya 26:19

Bè yóm tehe kungol Hisikaya du dalang se yó kem tau bè Juda yóm tulón Mika kul yó, hnatay le kô Mika? Là gi. Deng le mom likò ke Dwata ne gotu kó le yó kem sidek deng gel nmò le, gotu le bud tmaba ebè Dwata ne hkodu le béléen yóm kdê le. Ne yó gónó Dwata là dmohò du yóm tô keglaen kul. Ne ni, ke hnatay tekuy Jirimaya ten-geed tekuy mit keglà bè kut knô.”

Isikél 33:11

Okóm ni se udél yóm sana Dwata hol dandónen geta, monen mò kuy, ‘Yóm tulónu kuy ni, safau bélê ye hlanu bè yóm là katayu. Là kóe hligal du ke matay yóm sotu tau igoen tolo nô tahen yó kem salaen. Hyu nawaw ke tenfloken yóm kmoen sidek anì mowil. Ó kem tau Israél, tenflok ye ne yó kem sidek gel nmò ye. Moen de ke móyô ye kendel matay?’

Husiya 11:8

Ó kem tau Israél, mò tô keblayu kuy elem hólól yó kem hohon ye du? Mò tô kbayau kuy bélê le du? Là gbeku du ke sulék genlau yu lómón yóm tehe keglau yóm lewu kem benwu Adma ne Sibuim. Lebà nawaw ke yó tô nmou. Tey mget yóm kbong nawaw kuy.

Juwél 2:13

Hol hton ye yóm klangag ye, bede béen mlan bè keksê ye nes ye. Yake bè kebà nawa ye gónó ye hton du.” Bud ye semfulék ebè yóm sana kuy Dwata hol gónó mogot abay se wen nawahen tmóbóng kuy ne tey hulung kmodu. Là kóen mahil lembut ne tey bong nawahen tau. Móyô hmifót, abay se là nóen bè nawahen ke tô tnafaken tekuy.

Juna 3:10

Tahu se, ton Dwata yóm nmò le yó ne tonen se yóm gotu ktebel le du yóm kdê sidek gel nmò le. Yó gónón temles hendemen ne là kô dohò tnafaken kul, lómón yóm tehe monen mò kul.

Malakay 3:6

“Ou se yóm sana Dwata hol gónó mogot ne là kóen monol nawahu. Yó se gónó ye là deng sulék meglà yu kem sfu Jakub lemwót bè yóm là konol nawahu.

Lista 23:19

Yóm Dwata kun, là kóen mkél bè tau gel mò kéng. Là mkélen bè tau gel mesfili kehedemen. Ke wen fasad Dwata, sal gel dnohoen. Ke wen udélen, sal dohò.

Sulat Pol Ebè Yó Kem Tau Hemtahu Bè Rom 11:29

Yóm Dwata, sok wen tau néléken, ne sok wen tau tnóbóngen, deng duhen yó ne, là kô bud tenlesen du hendemen.

Ifisus 4:30

Bê tekuy nmò gónón blat nawa yóm Tulus Dwata. Yó gónó Dwata hemnô du bélê tekuy yóm Tulusen mò ilô yóm kfunen tekuy, ne yóm kdohò yóm kehewaen tekuy elem hulin kdaw.

Dwata 32:29

Ke hulung le hedem, deng sana dilô le ne buten yó kem gel gfà le. Ne eles tngón le ne gónón e kól yóm sidek gel nmò le.

Dwata 32:36

Angat lenwà Dwata yó kem tauhen ke tonen yóm klaen dù bud kgis le. Knoduhen yó kem tau mimón du ne tonen là holen bud wen dù tebel bélê le. Yakà deng le gotu meglà, kem tau hesek ne kem tau là hesek le.

Dwata 5:29

Yake senflós lómón ni dé kmò kegnóm le du. Yake senflós le likò béléu ne nimón le yóm kdê dou hlau kul. Ke yó nmò le angat hyu kógów klowil le dalang se yó kem semfu gu bélê le efet kól bè laen dù tul sónen.

Hibru 3:10

Yó se gónóhu alì lembut kul, ne yó gónóhu mon du, ‘Hono kem tau tabag kehedem le yóm kdê le, mom kenbê le yóm dou hlolò kul.’

Hibru 3:17

Tau du de yóm tau lenbut Dwata bè fat folò halayen? Yó se kem tau mò sidek, yó kem tau tódô matay lem yóm benwu là hyu menwu du.

Sulat Jim 1:17

Hono hyu yóm kdê deng blayen tekuy, balù udì ke wen gónón sidek. Yó se kun kmò Dwata, yóm deng dmimun kdê yó kem lemayag ton tekuy bè longit. Gel megetles ne mili yóm olung yó kem lemayag bè longit yó, okóm ke Dwata kun, là kóen na a mili, sana kem kun kehyu.

1 Samwél 15:11

“Tey kegselu yóm kmou ke Sol tau hol geta bélê ye. Deng knogolen o ne là bud nimónen du yó kem hlolou du.” Tey sidek kegnóm Samwél du ne tódô suloyen buteng hkodu mni bè Dwata.

1 Samwél 15:29

Hol knóón yóm kul Dwata yó kem tau Israél, là kóen mò kéng ne là gel tenlesen du hendemen abay se là mkélen bè tau tonok, gel megetles kehedemen.”

1 Samwél 15:35

Kewóten bè yó ne là kóen bud mógów ebè Sol Samwél efet katayen, okóm sana tendo klangag Samwél du. Tey keblat nawa Dwata bè yóm kmoen ke Sol tau hol geta bè Israél.