Tekang Kbuten 6:4 - Udél Dwata: Gna Kesfasad ne Lomi Kesfasad

⁴ Bè yóm kul kdaw yó ne balù bè yóm kogolen, tey wen kem tau lembang nô talak tonok, kem tau semfu gu bè yó kem libun te tonok yehen yó kem lemwót gu bè longit yó koni. Tey wen gendeng le yó kem tau lembang yó ne tey le tótól bè yóm kul kdaw.

Tekang Kbuten 6:4 Iomraidhean Croise

Tekang Kbuten 11:4

Omin le bud mon du, “Na tekuy hdà yóm tey syudad mung du yóm gónô geta gefet te kmawang anì hol tekuy tótól ne là sekla tekuy ebè klamangen benwu.” Tahu se, nbut le hdà du.

Lista 13:33

Gotu ton me snéen yó kem ból Anak, yó kem tau alì lembang lel le tahà. Bè yóm kton me kul, lómón kegnóm me du lómón ke tek kebang me kfadang. Ne déke lómón yó se yóm kul kton kum.”

1 Samwél 17:4

Ominen hewà bè kamfù yó kem Flistin yóm sotu tau alì hulung sfatay boluyen Gulayat lemwót bè Gat. Tey tau tahà, udì duen gónón là gefet bè tlu mitru kegetahen eta.