Tekang Kbuten 6:3 - Udél Dwata: Gna Kesfasad ne Lomi Kesfasad

³ Yó gónó Dwata mudél, monen, “Là bude móyô ne ke henlósu htahà klowil le yó kem tau, yakà olo le tau te tonok. Lenwóten ni ne, laen dù bélê le ke gulé bè 120 halayen.”

Tekang Kbuten 6:3 Iomraidhean Croise

Tekang Kbuten 6:2

Timbow ton yó kem gel nô bè longit tey knóón yó kem ngà le libun yó nmò le, tódô nwa le yóm kul nóyô bélê le mò yehen le.

Nihimaya 9:30

Deng tey hilu halayen ne yóm tendo khanayem nawam lem blóng le. Kóm Tulus se fen gel hudél yó kem tugodem, okóm deng le mom hbokong yó kem tauhem. Yó gónóm mon, bud hlusem lu elem hólól yó kem tólóng but tau.

Kem Lingón 78:39

Abay se hendemen olo le tau tonok se kul, là kóen té klowil le, lómón ke lenos, tek suléken mbel, là kô bud tngónem du.

Kem Lingón 90:10

Yóm klowil me, olon gefet bè hitu folò halay. Ke wen kgis me, gefet me bè wolu folò halay. Okóm yóm klawi me mowil yó, tey dê gónó me glayam, ne tey dê lenóngón nawa me. Là kóen té yóm klowil me, sana me mfu.

Isaya 5:4

Wen kô là nmou du bè yó kem huluhu? Laen duen. Ke deng gotu nmou kdéen, moen de ke alì msom bunguhen? Yó hol hendónu bélê le dé ke hol mnóm. Là yóm ni.

Isaya 57:16

Deng tehe hlowilu yó kem dou tau ne là bud henlósu du ne yóm kduónu kul ne yóm kebutu kul.

Isaya 63:10

okóm deng mom natù yó kem tauhen ne tey sidek keheblat le nawa yóm Tulus Dwata. Yó gónó Dwata deng mom hmohon kul ne niten lu sfatay.

Jirimaya 11:7

Bè yóm tehe kwitu kul hewà gu bè Idyip yó kem tehe fù ye, tendo eles gel hegbelu bè nawa le yóm kimón le do. Ne senged se bélê ye ni kmoen ni, tendo eles hegbelu bè nawa ye.

Lista 11:17

Mnaule elaan naw e stulón kóm bè yó. Wen yóm Tulusu tehe suu béléem, wen nwahu bè yóm Tulusu yó mò suu bélê le anì yó, tnóbóng le uu fen malak kul ni kem tey tau ni anì là tek són du uu fen malak kul.

Kun Snulat Jan 3:6

Yóm ngà sut bè tau, tau se yó. Okóm bè yóm bud kehlomihen sut yóm tau, deng baling ngà Dwata ne, lemwót bè yóm deng nmoen béléen yóm Tulus Dwata.

Kul Nmò 7:51

Henlós Stéfén kudélen, monen, “Tey bong mgel kulu ye yóm yu. Là kóen nô bè nawa ye yóm kimón ye ke Dwata. Là kô dog hnungol ye du yóm udél Dwata, mo ye mom hbokong. Hol ye mkél bè yó kem tehe fù ye ekni. Ke wen tô tulónen kul yóm Tulus Dwata, deng mom nseng le klingu le.

1 Tisalunika 5:19

Hol ye gel temgama anì laen dù gónón gseng ebélê ye yóm Tulus Dwata.