Tekang Kbuten 6:2 - Udél Dwata: Gna Kesfasad ne Lomi Kesfasad

² Timbow ton yó kem gel nô bè longit tey knóón yó kem ngà le libun yó nmò le, tódô nwa le yóm kul nóyô bélê le mò yehen le.

Tekang Kbuten 6:2 Iomraidhean Croise

Tekang Kbuten 12:11

Bè yóm móyón kgefet le bè Idyip, yó monen mò ke yehenen, “Ó Saray, teyi tilob libun nim uu.

Tekang Kbuten 24:3

Móyóe ke smafai mlan bè boluy yóm dou gónó mogot, yóm Dwata mò longit ne tonok. Hol safaem dou yóm là kebelem mò yehen yóm ngau bè ni kem libun Kanan.

Tekang Kbuten 26:35

Lemwót bè ni kem lewu libun Hitayt ni, tey sidek kesbeweg kegnóm le Isak du lewu le Ribika.

Tekang Kbuten 27:46

Sotu kdaw bè yó, yó mon Ribika mò ke Isak, “Denge tey tmakas bélê le ne yó kem tólóng libun yehen Iso. Sélét ne ke tô bud myehen bè ni kem libun Hitayt Jakub, ngunte déke tódóe matay.”

Tekang Kbuten 3:6

Timbow henklol hnunu yóm libun yóm koyu yó, tey minggel ktonen du ne hendemen dô hyu mken du bunguhen, lelen hemdem du tey hyu ke baling temngón. Yó gónón wen nwahen bè yó kem bunguhen ne kenen. Ominen wen blayen ke tuha logihen ne kenen se kun.

Tekang Kbuten 4:26

Bud mngà se ke Sét, duhen Inus. Bè yóm kdaw yó, nbut le ne tmaba ebè Dwata yó kem tau.

Tekang Kbuten 6:1

Deng le gotu mból bè klamangen benwu ne yó kem tau ne wen kem ngà le libun.

Tekang Kbuten 6:3

Yó gónó Dwata mudél, monen, “Là bude móyô ne ke henlósu htahà klowil le yó kem tau, yakà olo le tau te tonok. Lenwóten ni ne, laen dù bélê le ke gulé bè 120 halayen.”

2 Samwél 11:2

Sotu kdaw, btik Dabid bè yóm ktungóen kimel, ne yó nmoen, lelen mógów ta ketef bè gónón gel henos bè yó bè gónô bongen. Yóm igoen temngel eta yóm syudaden, tonen yóm libun dyo, libun alì tilob.

Job 1:6

Sotu kdaw bè yó, gotu le stifun bè solu Dwata yó kem hógówen nô bè longit ne mung bélê le bè yó Seitan.Snólók Dwata Seitan,

Job 31:1

Yó bud udél Job, monen, “Deng wen safà mget nmou ebè Dwata, duhen yóm là ketngelu ebè libun ke wen iwolu du gu lem.

Kehewà 34:16

Ngangen efet le myehen bè kul libun yó kem ngà ye, yóm mit kul là hemtahu béléu ne mung le tmaba bè yóm kul dwata lennged.

Isaya 63:16

Uu se yóm hol kum mà. Yó kem tehe fù me Abraham ne Jakub, là bud tenngón le kum. Okóm uu se hol kum mà yóm gónó me mogot, yóm tehe gel lemwà kum.

Malakay 2:11

Tekuy kem tau Juda, deng mom nulé tekuy yóm tehe kesfasad tekuy bè Dwata. Bè yó bè Israél ne bè Jirusalim yó nmò yó kem tau Juda, deng le mom myehen bè yó kem tólóng libun hemtahu bè dwata kéng. Yóm nmò le yó, deng mom gholu le yóm kun Gónô Dwata yóm Gónô alì kenbong nawa Dwata.

Malakay 2:15

Dwata se deng tehe semsotu kuy yóm libun yehen ye. Yóm lówó ye ne lóyóf ye ke Dwata funen. Yó mu Dwata du yóm kesyehen ye anì wen kem ngà ye mò bud lemolò yó kem hloloen kuy. Yó gónóm mon, hol ye eles temgama, tódô ye hol hteneb bè yóm kuy tahu yehen lemwót bè klomi ye tau.

1 Kurin 7:39

Là kóen hyu yóm libun ke skó bè yehenen ne bud myehen igoen tolo mowil yóm gna yehenen. Okóm ke deng matay se yóm gna yehenen, là sideken ke bud myehen syan ke dumuhen hemtahu.

2 Kurin 6:18

Ou se baling Mà ye, ne yu baling kem dou ngà. Ni se udél yóm gónó tekuy mogot yóm laen dù là gbeken du.”

2 Pitér 2:14

Són libun tendo henklol le. Là dengen gsengel nawa le mò du yóm sidek baluen ke hilu dulék le semsulit mò du. Gel hegbóy le yó kem tau là dengen dmolil kehtahu le. Deng hol tahu knalam le yóm knawa sbì. Kaem deng nô ta le ne yóm kegtafak le bè Dwata.

1 Jan 2:16

Yó kem dê kenbeyen nawa ton ye lemen, yó kem dê knóyô lówó ye, ne yó kem dê ton mata ye, ne yó kem dê gónó ye hton salù, là kóen lemwót bè yóm Mà ye bè longit yó kem yó. Sal lemwót bè knóyô tau te tonok.