Tekang Kbuten 6:13 - Udél Dwata: Gna Kesfasad ne Lomi Kesfasad

¹³ Ne yó gónó Dwata mudél ebè Nuwa, monen, “Ó Nuwa, deng hendemu ne kmou són le yó kem tau. Angat gotu genlau lu abay se hono sidek yóm gel nmò le bè klamangen benwu.

Tekang Kbuten 6:13 Iomraidhean Croise

Tekang Kbuten 49:5

Bè kul le Simyun ne Libay, kem tau setwoli skél kmò le. Mom yó mu le du yóm kul suk, mom nit le mò sidek.

Tekang Kbuten 6:14

Bong kóm du, moi kafal bong, nngomem koyu mtétél. Nmoem kem dfélen, denketem yóm sotu kay litok koyu gu lemen ne gu bè lewaen.

Tekang Kbuten 6:4

Bè yóm kul kdaw yó ne balù bè yóm kogolen, tey wen kem tau lembang nô talak tonok, kem tau semfu gu bè yó kem libun te tonok yehen yó kem lemwót gu bè longit yó koni. Tey wen gendeng le yó kem tau lembang yó ne tey le tótól bè yóm kul kdaw.

Tekang Kbuten 7:21

Tódô kdê yó kem mowil talak tonok gotu le matay. Kdê kem onuk koyu ne kdê kem ógóf ne kdê kem tau gotu le matay.

Tekang Kbuten 7:23

Gotu genlà Dwata kdéen mowil talak tonok, kdéen tau ne kdéen ógóf ne kdéen onuk koyu. Tek són Nuwa dù tebel ne yó kem mung du elem yóm kafalen.

Tekang Kbuten 7:4

Tek hitu kdaw ne duen kehkulónu du. Ne yó kegenen mò du kmulón, botong fat folò butengen anì gotu meglà yóm kdéen mowil deng tehe nmou.”

Tekang Kbuten 8:21

Yóm boo yóm dsuen yó, tey hyu nawa Dwata du ne yó hendemen, “Là kô bud genlau du ne yóm tonok ne yóm kentihen nô tahen lemwót bè sidek gel nmò tau. Tódô tngónu yóm tau, lemwót bè hanà kudien yóm kwen sidek nô lem hendemen. Là kô naw e bud genlà kul ne yóm kentihen mowil talak tonok lómón yóm deng nmou bélê le ni.

Amus 3:7

Okóm yóm Dwata hol dandónen geta, là kô wen tagad nmoen lem blóng ye ke là nan ne eles hegfan du bè yó kem tugoden, duhen yó kem tóbóng lówóhen yóm angat nmoen.

Amus 8:2

Snólók Dwata ou, monen, “Amus, tedu de tonem?” Bnalau se, monu, “Abì hnok bungu koyu deng mélél.” Omin Dwata bud mon du mò dou, “Yóm bungu koyu deng mélél ni, hnigaden yó kem dou tau Israél deng tey tógó tmafak kul. Là bud gnolunu du ne yóm ktafaku kul.

Hibru 11:7

Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

1 Pitér 4:7

Móyón sut ne yóm hol són kdaw. Duhen yó, hol ye gel hfulung mafas nawa, bê ye gel hlingay anì laen dù gónón gseng yóm gel kni ye bè Dwata.