Tekang Kbuten 50:9 - Udél Dwata: Gna Kesfasad ne Lomi Kesfasad

⁹ Wen se kem dumu tau Idyip smakay klisa ne wen se smakay kudà, gotu le mung ke Jusif bè yóm kebengen ke maen yó. Tey tau wen mung du.

Tekang Kbuten 50:9 Iomraidhean Croise

Tekang Kbuten 41:43

Ominen hsakay du bè yóm klisa gónón gel smakay yóm tau hol smugung béléen ne hyu wen kem sendalù genlal tukô gna du, bede mensag le, mon le, “Gnawang ye lanen dé. Gnawang ye lanen dé.” Yó se kmoen yóm kehbaling Faro ke Jusif gubérnor bè klamangen Idyip.

Tekang Kbuten 46:29

lemwót Jusif tódô hotun ete klisahen nan e senlong maen bè Gusén. Bè yóm keston le, tódô kendel lenagaf lenkef Jusif maen ne ya tey kegen le skik.

Tekang Kbuten 50:10

Tikóng le kól bè yóm gónó le gel kmusu yó kem tau bè Atad, sotu benwu fi dmata kdaw él Jurdan na le na bud nodung bè yó Jakub. Botong hitu kdaw Jusif na bud modung du.

Tekang Kbuten 50:8

Gotu le mung du snéen yó kem fes lówó Jusif ne kem dumuhen setwoli ne yó kem dumu fes lówó maen. Són là mungen, són yó kem ngà lemnek le ne kem ubiha le ne kem kambing le ne kem safì le, fen tebel le lu bè Gusén.

2 Bok Kem Tau Hol Geta 18:24

Yó kem sendalù ye là wen yó, là kô le na a gemmò bè yó kem sendalù hol glaan bélê me. Baluen ke wen klitun tók ne kem tau smakay kudà hwiten ebélê ye yóm tau hol geta bè Idyip, senged nóm là kô ye na a gemmò.

Kehewà 14:17

Okóm yó kem tau Idyip bud hgelu kulu le anì ktes le yu mifal. Ne mlan bè yóm kegmou bè Faro ne bè yó kem sendaluen ne bè yó kem klitunen ne bè yó kem tau mit kul gónóhu tótól bè yó kem tau Idyip.

Kehewà 14:28

Bud mulék yóm él, gotu le lemneb yó kem sendalù Idyip kemtes yó kem tau Israél elem mohin, balù yó kem klitun ne yó kem tau mit kul, gotu le lemneb. Balù sotu ke wen tebel bélê le.

Kehewà 14:7

Gotu niten lu yóm kdê klitunen gomong yó kem nem latu klitun alì hyu bè kdéen. Ne eles mung kul se yó kem tau wen glal le gel mit kul.