Tekang Kbuten 50:24 - Udél Dwata: Gna Kesfasad ne Lomi Kesfasad

²⁴ Yó mon Jusif bè yó kem dumuhen setwoli, “Ni móyóne matay lem blóng ye, okóm Dwata he mò semgyok kuy ne angat bud niten yu ebè yóm benwu deng tehe hol fasaden ke fù Abraham ne témê Isak ne mà tekuy Jakub snéen.”

Tekang Kbuten 50:24 Iomraidhean Croise

Tekang Kbuten 12:7

Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen.

Tekang Kbuten 13:15

Yó se gónón e són matahem blayu kóm ne bè yó kem semfu gu béléem. Laen sónen yóm kfunem du.

Tekang Kbuten 13:17

Yó ne, lemwóti, bniwelem klamang nim tonok ni abay se gotu blayu kóm yóm klamangen.”

Tekang Kbuten 15:18

Bè yóm igoen mton du yóm yó koni, tódô gungol Abram yóm fasad Dwata du, monen, “Yó fasadu kóm, angat blayu bè yó kem bólem yóm klamang yóm tonok ni, lenwóten ditu bè kilil Idyip efet kól ditu bè Él Yufratis,

Tekang Kbuten 15:7

Ne yó bud mon Dwata mò du, “Ou se yóm Dwata hol gónó mogot. Ou se yóm deng semgalak kóm gu bè Ur, yóm benwu snakuf Babilun, nitu uu ebè nim benwu ni mò hol kóm nfun.”

Tekang Kbuten 15:8

Okóm yó snólók Abram bè Dwata, monen, “Ó Dwata yóm hol dandónen geta, tedu kmò ketngónu du ke dou se funen nim tonok ni?”

Tekang Kbuten 17:8

Nim tonok hanà tolo gónóm milo ni, blayu kóm ne bè yó kem sfuhem. Nim klamangen benwu Kanan ni, yó kem sfuhem funen ne laen kô dù sónen yóm kfun le du. Ne bud ou se hol kul Dwata.”

Tekang Kbuten 21:1

Ne deng nmò Dwata yóm deng fasaden ke Sara

Tekang Kbuten 26:3

Hluni nô bè ni ne elese tendo nô béléem ne tnóbóngu uu. Yóm klamang yóm benwu Kanan angat blayu kóm ne yó kem lugodem. Là kô klifótu du yóm deng tehe kfasadu ke maem Abraham bè yóm tonok ni.

Tekang Kbuten 28:13

Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.

Tekang Kbuten 3:19

Ke là nam na hol hinget mò hulu là kói gemtob ken. Ni se mò kmoen béléem efet bud kulékem elem tonok, abay se bè tonok tehe gónóm gu lemwót. Nifilu uu lemwót gu bè tonok, ne angati bud baling tonok.”

Tekang Kbuten 35:12

Yóm benwu ni, deng tehe hfunu ke téméem Abraham ne maem Isak, ne ni bud hfunu kóm snéen dalang se yó kem angat semfu gu béléem.”

Tekang Kbuten 46:4

Munge kóm etu ne angat bud nitu lu semfulék ebè yóm tonok ni yó kem semfu gu béléem. Okóm kóm du, angati matay bè yó bè Idyip ne bè yóm angat kilot nawahem eles nô klohokem Jusif.”

Tekang Kbuten 47:29

Bè yóm kdaw móyón katayen htabahen Jusif, yóm ngaen ne monen mò du, “Ó Ngà, suem lem blóng hahahu henmuem safaem béléu yóm là kebengem dou bè ni bè Idyip.

Tekang Kbuten 48:21

Omin Jakub mon du mò ke Jusif, “Tódô tonem se yóm móyón katayu lem blóng ye, okóm tendo eles nô bélê ye Dwata ne angat niten yu semfulék ebè tum tonok tehe fù ye.

Tekang Kbuten 50:5

bè yóm tehe móyón katay mà, hsafaen ou anì hol lebengu ditu bè yóm kilib deng eles hentifesen bè benwu Kanan. Snólók ye dou béléen ke hyu naw kewót anì naw e lebeng mà. Ke deng deng kebengu du, kendele bud semfulék.”

Kehewà 12:41

Bè yóm hol són kdaw bè yóm halay yó, tódô kdê yó kem tau Dwata gotu tnagak le yóm benwu Idyip yó.

Kehewà 13:19

Bè yóm kewót le gu bè Idyip yó, nwit Musis tiol yóm tehe Jusif abay se yó se yóm deng tehe hfasad Jusif yó kem tau Israél bè yóm hanà tolo klowilen. Yó tehe mon Jusif mò kul, “Bè yóm kdaw angat kehewà Dwata kuy, hol nwit ye do tiolu gu bè nim benwu ni.”

Kehewà 3:8

Ne ni, denge mnaul elaan anì naw e lenwà lu lem tdok yó kem tau Idyip, nitu lu hewà gu bè yó. Nitu lu ebè yóm tonok hyu ne lamang, yóm tonok alì hyu mò du hulu ne angat tey wen tbasen. Ni kmoen ni, hanà le tolo menwu tahen yó kem tau Kanan ne kem tau Hitayt ne yó kem tau Amurayt ne kem tau Pirisayt ne kem tau Hibayt ne yó kem tau Jibusayt.Gungolu yóm alì ktaba le ebéléu yó kem dou tau ne tonu se yóm tendo kehdes le kul yó kem tau Idyip.

Kehewà 33:1

Sotu kdaw, yó bud mon Dwata mò ke Musis, “Tnagakem ne nim benwu ni, nwitem yó kem tau deng nitem hewà gu bè Idyip, hlós ye ebè yóm benwu deng tehe fasadu ke Abraham ne Isak ne Jakub ne yó kem lugod le.

Kehewà 4:31

Ne hentahu le. Bè yóm kungol le du yóm deng kton Dwata du yóm tey keglayam le ne yóm deng ksuten lem blóng le mò tmóbóng kul, gotu le mtud bukol ne dóyón le Dwata.

Kehedem Tau Tmolok 12:5

Angati likò mógów ebè yóm gónón geta, ne budi likò mógów ebè lan, déke wen gfaem. Tódô bukay wekem ne là budi gembek, ne laen dù bud sen-galu nawahem. Dengi moni bè yóm benwu gónóm nô laen dù tul sónen. Bè yóm kógówem ebè yóm angat gónóm nô laen kô dù tul sónen tey dê kem tau lemangag kóm lemolò lan.

Kehedem Tau Tmolok 12:7

Abay se yóm lówó tekuy bud baling kfung, ne fen mulék ebè Dwata yóm nawa tekuy bè yóm tehe gónón gu lemwót.

Lista 32:11

‘Là kóen bud mulék elem baku nim udélu ni. Lemwót bè yóm là kimón le do, laen dù bè yó kem logi tehe lemwót gu bè Idyip deng lewu folò halayen duhen ke deng mukas, ke gógów edu yóm tonok deng tehe fasadu kul le Abraham ne Isak ne Jakub.’

Sulat Pol Ebè Yó Kem Tau Hemtahu Bè Rom 5:12

Bè hol kbuten, lemwót bè kegsalà Adam gónón wen salà lem benwu. Lemwót bè kegsalaen gónón wen hatay. Ne yó gónón lemwót matay kdéen tau abay se gotu le gbót gemsalà.

Dwata 1:8

Yóm kdê benwu monu ni, ni se yóm tonok deng tehe fasadu yó kem tehe fù ye le Abraham ne Isak ne Jakub ne bè kdê yó kem semfu gu bélê le. Mógów ye etu ne henek ye tahen.’ ” Là gomongen bè nili yóm tsaptér 1:9 efet kól bè tsaptér 3:29. Yó tulónen bè ni kem tsaptér ni yóm ktutul Musis du bè yó kem tau Israél yóm tehe kewót le gu bè Idyip. Ke móyô ye semfala du bè Tboli yóm tulónen, gbek ye semfala du bè ni kem bok nii abay se senged yóm tulón le. Kehewà 18 Kélék le yó kem tau kmukum bélê le Lista Israél 11 Knô le lem yóm benwu laen hol wen tauhen Lista Israél 13 Yó kem tau na a hemkana bè Kanan Lista Israél 14 Ksonol le ke Dwata yó kem tau Israél Lista Israél 20 Là kehlus Dwata ke Musis hlós ebè Kanan Lista Israél 21 Kegmò le bè le Sihun ne Ug Lista Israél 32 Yó kem tau Israél fen menwu fi dmata kdaw Él Jurdan

Dwata 6:10

Bè yóm kwit Dwata kuy eta yóm tey tonok deng tehe fasaden yó kem fù ye le Abraham ne Isak ne Jakub, deng eles wen kem syudad glo ye tahen, kem syudad lembang ne mdengen, syudad là tehe kuy hdà du.

Hibru 11:22

Ngangen móyón mfu se ke Jusif kun. Lemwót bè kehtahuhen du yóm tehe fasad Dwata kul, eles bud tulónen yóm angat ktagak yó kem dumuhen tau Israél yóm benwu Idyip hulin kdaw, ne wen hloloen kul anì hol nwit le lówóhen na le e lebeng ditu bè yóm benwu fasad Dwata kul.

Hibru 9:27

Laen kô dù tau se ke là suléken du matay, omin Dwata kmukum du.

Juswa 24:32

Yóm tiol Jusif tehe nwit le gu bè Idyip yó kem tau Israél, lebeng le bè yó bè Sékém bè yóm tonok udì tehe benli Jakub ekni. Yó tehe blihen du, lematu botù blówón bukay bè yó kem ngà Hamor logi yóm Hamor mà Sékém. Nim tonok ni, hlós nfun yó kem sfu Jusif.