Tekang Kbuten 50:23 - Udél Dwata: Gna Kesfasad ne Lomi Kesfasad

²³ Hyu nahen gafit yó kem téméen bè Ifraim. Nahen na bud ton se yóm fuen bè téméen Makir yóm ngà Manasi.

Tekang Kbuten 50:23 Iomraidhean Croise

Tekang Kbuten 30:3

Ne yó mon Rakél mò ke Jakub, “Ni Bilha, yóm ngà libun heseku, sentungóem dou anì wen ngaem béléen mò dou nfun ne balinge yê se dou mlan béléen.”

Tekang Kbuten 48:19

Okóm mom mon maen mò du, “Tngónu, Ngà, deng tngónu se yó. Angat tey mbegel snéen kun yóm kun ból Manasi okóm milud he kbegelen yóm twolihen. Yó kem angat semfu gu béléen baling le kem but tau alì mbegel.”

Tekang Kbuten 49:12

Yóm ktilob yóm mata Juda, alì hitem senta yóm tifas grépen. Ne yóm kbukay yóm nihihen, alì bukay senta yóm gatas.

Tekang Kbuten 50:22

Tey kegen le nô bè Idyip le Jusif ne yóm kdê fes lówó maen. Bè yóm katay Jusif, deng lematu bud sfolò halayen.

Job 42:16

Kogol nim gfà Job ni, yó kegenen na bud mowil botong lematu bud fat folò halay. Nahen na gafit ton lu he yó kem téméen ne yó kem fuen.

Kem Lingón 128:6

Dwata he hol htahà klowilem anì angat gafit tonem lu yó kem tmémê béléem. Dwata he hol henek nawa le yó kem tau Israél.

Kem Udél Hlalak Tehe Selumun 17:6

Yó kem tuha salù le yó kem témê le ne yó kem ngà salù le yó kem tuha le.

Lista 32:33

Tahu se, gotu sù Musis bè yó kem sfu Gad ne sfu Rubén ne sóól bè yó kem sfu Manasi yóm klamang yóm tonok tehe nogot Sihun yóm tau hol geta bè yó kem tau Amurayt, ne yóm klamang yóm kun tehe nogot Ug yóm tau hol geta bè Basan. Gomong blayen kul snéen yó kem benwu lemnek hmilol kul. Là gomongen bè nili yóm bérs 34 efet kól bè bérs 42. Hono boluy yó kem benwu bud hdà yó kem sfu Gad ne sfu Rubén ne sfu Manasi bè yóm knô le bè yó kem benwu fi dmata kdaw Él Jurdan.