Tekang Kbuten 50:20 - Udél Dwata: Gna Kesfasad ne Lomi Kesfasad

²⁰ Balù yóm tô kóyô ye hemsidek dou yóm kdaw tu okóm bè kun kehlan du Dwata hyu, anì là matay kdéen tau mowil nim kmoen ni.

Tekang Kbuten 50:20 Iomraidhean Croise

Tekang Kbuten 37:26

Omin Juda mudél ebè yó kem dumuhen, monen, “Laen dù ofol te lemifut hmatay du yóm kut dumu setwoli.

Tekang Kbuten 37:27

Mom hyu ne ke tódô hbalù tekuy bè yó kem tau Ismaél mit udél swa yóó. Bê tekuy mom mò sidek béléen igoen du hol twoli kuy, kut unged se yó ne kut litô.” Tahu se, tódô kdê le gotu mung du yóm atulen yó.

Tekang Kbuten 37:4

Timbow ton yó kem twoguhen yóm alì kbong nawa mà le ke Jusif senta yóm kbong nawahen kul, deng mom knutó nawa le Jusif, sónmò le hemskong du.

Tekang Kbuten 50:19

Okóm yó balà Jusif kul, monen, “Hol bê ye abay hlikò. Là kô gbeku temgna ke Dwata.

Kem Lingón 119:71

Tey hyu béléu yóm kehlayamem do anì dnalangu yó kem hlauhem.

Kem Lingón 56:5

Sónmò snigol yó kem hohonu ke wen monu. Sónmò natul le yóm lan le hemsidek dou.

Kem Lingón 76:10

Yóm kebut le kóm yó kem tau, yó se sotu hol gónóm megdóyón. Yóm kebut le kóm yó, mò sudengem tmafak tau.

Isaya 10:7

Okóm yóm tau hol geta bè Asirya yó, deng eles wen tey sidek atulen se kun. Yó atulen, gotu tô genlaen yó kem dumu benwu.

Kul Nmò 2:23

Lemwót bè yóm tehe olu Dwata du, yó gónón hemlus du elem tdok ye. Ne lemwót ye se kuy, tódô eted ye ebè yó kem tau là temngón ke Dwata anì hnatay le. Tahu se, hnatay le, duhen yóm le ktutuk le du bè kros.

Kul Nmò 3:26

Duhen yó,” mon Pitér, “deng nélék Dwata Jisas mò hógówen. Deng gna hógówen elem blóng tekuy mò tmóbóng tekuy, yóm ket tekuy na sotu, anì knogol tekuy yó kem sidek gel nmò tekuy.”

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.